بسم الله الرحمن الرحيم
ماشاء الله تبارك الله
السلام عليكم ورحمة الله وبركاته
اولا البيع كاش ولا اقبل البدل
ثانيا : نصيحه لوجه الله اللي يبي يستخدم لا تفوته السياره والله على ما اقول شهيد - حتى يطمئن اللي راح يسوم
ويعلم الله الذي لا اله الا هو اني لو ما فكرت اشتري سياره جديده والله العظيم ما ابيعها ولو اني مو محتاج لكل ريال عشان اكمل مبلغ السياره الجديده كان خليتها معي
سياره ثانية حرام والله افرط فيها
ولكن الخيره فيما اختاره الله
فورد ماركيز 97 استخدام امريكي
ما انسامت لحد الان لاني توني فكرت في البيع والا كثير والله يسألني اذا للبيع وكان جوابي بالرفض
المواصفات :
اللون : فضي والداخل فضي
حالة السياره : جيده جداً على الفحص مكينه قير واذا طلع فيها شي لا قدر الله للمشتري الخيار اما اني انزله من السعر حسب سعر التصليح او الخروج من البيعه
وعند الفحص اذا السياره سليمه ان شاء الله فمبلغ الفحص على المشتري واذا فيه شي عطل كبير لا قدر الله وخرج المشتري من البيعه راح اتحمل انا شخصيا مبلغ الفحص
نص فل المراتب جلد ملبسة -مقاعد متحركه - عداد عادي - مكيف لمس بارد ثلج - ازرار فتح على الباب - ايرباق موجود
الممشى : 191333 ميل
فحص ينتهي في شهر : 4 / 1432 هـ يعني لسه ما انتهى
استمارة جديده تنتهي في : 4/ 4/ 1434هـ
- السيارة خالية من الصدمات ولله الحمد وخاليه من الرش يعني رش الوكالة ماعدا الصدامين الامامي والخلفي مرشوشة - وبديها ممتاز على موديلها والداخليه ايضا ممتازه
واتحدى اي واحد يشوف بديها وداخليتها ويقول فيها شي ماشاء الله تبارك الله
- مركب لهاجنوط 16 + كفرات امامية جديده نوعية قودير الماني توني مغيرها ماكملت 3 اسابيع والضمان عندي مفتوح اما الخلفيه حالتها جيده
- عليها تظليل عازل حراري من سولار قارد
- عظلات السيارة جيده جدا توني مغير مساعدات امامية وجلد وغيرها وفحصت العظلات الاخرى وكانت سليمه
- الارضية والشنطة الخلفيه ملبسة نايلون للحفاظ عليها
- مركب عليه شاشة ملاحه شغاله الخرائط زي الفل خرائط الشرق الاوسط ما شاء الله
طبعا مع تشغيل السي دي والدي في دي والام بي ثري والتليفزيون والبلوتوث وغيرها من المميزات + مسجل الوكالة موجود مع البيعه ونظييييف
- مركب عليها جهاز انذار
- عيوب السياره :
1- نقص خفيف في المكينه بعد حوالي 3000 كيلو او اكثر شوي من ربع علبه الى نص تقريبا واعتقد طبيعي على موديلها
لاني كنت امشي عليها 2000 ميل ما يعادل 3200 كيلو تقريبا واغير زيت ولاحظت النقص الخفيف
2- مثبت السرعة احيانا يشتغل واحيانا لا يبي له تشييك
3- القزاز الامامي احيانا يكون ثقيل شوي بالرغم اني مغير الذراع بذراع اصلي من الجزيرة - لكن الماركيز بشكل عام معروف من الناحية هذي وملاك الفورد يعرفونها
4- غطا مفاتيح القزاز جهة السواق غير ثابت يبي له تثبيت ولو ما تثبت عادي محد يلاحظه بس حبيت اوضح اما المفاتيح شغاله زي الفل بدون مشاكل
سبب البيع ناوي اشتري يوكون 2007 ان شاء الله
واللي يبي يستخدم نصيحه السياره لا تفوته لان السيارة لها معاي حوالي 5 سنوات وماشفت منها الا كل خير والحمدلله لاني اخذتها من صالة مزايا واللي من الدمام يعرفها
وما غيرت الا الاشياء الاستهلاكيه فقط
وتوني جاي عليها من الجنوب خلال اسبوع تقريبا مشيت عليها اكثر من 3000 كيلو والحمدلله عال العال
واللي راح يشتريها بعد الفحص كل اللي عليه انه يغير زيت القير لاني صراحه لي فتره ما غيرته ويشيك على البواجي اذا تحتاج تغيير واتوقعها سليمه وتمشيه فتره
ويشغل ويتوكل على الله
اما زيت المكينه انا راح اغيره ان شاء الله لاني توني جاي من السفر
واخيرا ارجوا من الاخوان عدم بخس السيارة واعطائها حقها وعدم التجاوزات لاني عارف نظافة سيارتي
واسف ع الاطاله بس حبيت ابين كل صغيره وكبيره في السيارة حتى يعلم الكل
وان شاء الله ما يكون نسيت شي
وشكرا
