الســـلام عليكمــ
كثر الاستفسار عن الكمارو SS وعن جودتها و قلت الاجوبه كانت بسبب قله مبيعه السياره مقارنه بـ منافسينها من الموستنق و التشالنجر
طبعا انا الى الان اكملت تقريبا الـ7 اشهر من شراء الكمارو فئه SS فل كامل بقيمه 180 الف من وكاله العيسى لسياره في الرياض
طبعا السياره حاليا ماشيه 15 الف و بتدخل 16 يعني ممشى قليل بنسبه للمده الزمنيه
اغلب اساله الشباب الي يسألون عن السياره يسألون عن الجوده و قطع الغيار و الصيانه و اسأله تدور عن هذا الشي
طبعا انا بجاوب عن كل هذي النقاط و بدون اي تحيز او عاطفه لان كثير من الشباب معروفين بــ مبداء ان السياره الي يملكها تعتبر الافضل ولا يمكن يذكر عنها الا الأجيبايات فقط !!!!
عموما
نبدا بالجوده : حدث ولا حرج اسوء جوده سياره شفتها في الكون واذا قلت هذي الجمله انا اعرف معنها زين لاني جالس اقولها عن امتلاك لسياره مو عن سمعت من فلان او تجربه يوم يومين السياره جدا جدا جودتها سيئه لدرجه ان اصوات الديكور من كل مكان من الأبواب الى الطبلون وهذا الشي بان خلال الشهرين الاولى !!!! مع العلم ان السياره ما مشت شي و استعمالي لها جدا جدا ممتاز لا مقاومات ولا غيره طبعا هذي النقطه جدا جدا مضايقتني ومسببه لي كأبه يعني معقوله سياره موديل 2010 و مصنعه من بلاستيك العاب اطفال !! و يمكن العاب الاطفال افضل وبدون اي مبالغه
الشي الثاني اصوات القير !! طلعت لي المشكله خلال الاسابيع الاولى وزادت مع الوقت لدرجه ان السياره صارت تطلع اصوات سياره 4 سلندر !! وديتها للوكاله وقالو عطل في القير و سلموني السياره بعد اسبوع ونص وكان الصوت مختفي و حاليا بداء الصوت في الرجوع !!
غير موضوع ان اذا عبيت بنزين فل تسمع صوت البنزين وهو يتحرك في تنكي البنزين و سياره ثابته في البدايه توقعت اتوهم لاكن فعلا ركبت معي اكثر من شخص ولاحض هذا الشي السؤال هو هل GM يوم صنعت السياره صنعتها بمواد بحديد ولا بلاستيك من كل النواحي !!
غير ان الساره اذا لفيت يمين او يسار بشكل كبير يعني كسرت يمين او يساره تطلع اصوات من المساعد وكانه زي طقطقه البلاستيك رحت الوكاله عند الصيانه و مسؤل الصيانه قالي هذا صوت طبيعي لان السياره جدا خفيفه !!! يعني المواد سيئه !! قالي احمد ربك انت كمارو ما شفت الكورفيت على كلامه يقول انا افضل الكمارو لانها تعتبر افضل جوده من الكورفيت !! و في الاساس ما فيها جوده اصلا الكمارو اجل الكورفيت كيف
شي اخر هو عدم وجود اي تقنيه في السياره نهائين !!! بس مسجل و بوري في الدركسون وفتحه سقف !! يعني اقل الميزات مو في السياره فقط اشياء تقليديه
شي اخر هو ان السياره جدا جدا مو متماسكه يعني غير ثابته و هنا اقارنها بـ 300c فئه الـSRT لاني قبل الكمارو املك كرايزلر موديل 2007 و جلست معي سنتين و السياره افضل من الكمارو بكل هذي النواحي وخصوصا التماسك في الطرق
الكمارو بكل صراحه اختصرها بكم كلمه سياره فقط شكل خارجي لا اكثر وهذي هي ميزتها الوحيده لاكن سياره نهائين صاحبها ما ينبسط فيها لا من ناحيه تقنيه ولا من ناحيه راحه بال
نجي الحين لموضوع الصيانه طبعا السياره من وكاله العيسى لانه يعتبر افضل من الجميح و الكل يعرف هذا الكلام
طبعا بختصر الموضوع اول شي قطع غيار بـ اسعار مرتفعه على سبيل المثال فحمات اماميه بـ 1000 ريال و خلفيه بهذا الحدود 1000 تقريبا !!!! غير اسعار القطع المبالغ فيها غير ان القطع غير موجوده عند الوكالات يعني انا اطلب الفحمات انتظر يوم علشان تكون موجوده !!! غير ان اغلب قطع السياره غير موجوده الا في الامارات وعن طريق الطلب توصل !!! وهذا الكلام انا واثق منه 100% و الله على ما اقول شهيد غير ان السياره تجلس عند الوكيل لتغير زيت تقريبا منـ 4 ايام الى اسبوع و الكلام هذا ما يبان الا بعد شراء السياره يعني لا يغركم كلام الموظفين لانهم يبيعون الكلام بيع
يا شباب اذا تبون النصيحه والله والله والله الي يبي يفكر يشتري الكامرو يتوقف و يشتري راحته ويشوف الموستنق او التشالنجر افضل من جميع النواحي
كمارو سياره شكل فقط لا اكثر
هذا الكلام انا اقوله بصفتي املك السياره و بصفتي قابلت لها اصحاب كثير في الوكاله و يعانون من نفس مشاكلي ويا اخوان ارجوكم المتعصبين لا يردون على الموضوع لاني انا اتكلم من باب امتلاك لسياره و غيري يتكلم من باب تعصب او سمع من فلان
( والله على ما اقول شهيد )
عموما هذا الكلام حبيت اقوله و اتمنى من المشرفين تثبيت الموضوع علشان الأعضاء يستفيدون منه
تحياتيــ للجميعـ
(( والله يشهد على كل حرف قلته و ما قلت هذا لاكلام الا بعد مده طويله مع السياره و مع سماع كلام اصحابها سوا في الصيانه عند الوكيل او في اي مكان الجميع يعانون من نفس الاعطال و تقريبا انا اعتبر الافضل لان فيه ناس تعطل عليهم القير !!))
تحديث (( وصل عدد الي يعانون من هذي المشاكل في ((مدينة الرياض فقط ))اكثر من 35 شخص فيه ناس موديلات 2010 وناس 2011 اكثرهم اقابلهم في صيانة الوكاله وفيه ناس قابلتهم شخصيا خارج الوكاله و للأسف موديل 2012 وصل الوكاله و هو بنفس الجوده ونفس جميع الموصفات الي موجوده في الموديلات السابقه ))
ملاحظ (( ارجو زيارة صفحه 6 و 7 من نفس هذا الموضوع فيه رابط يوضح كمية الناس الي يعانون من السياره في امريكا !! وحنى هنا التعصب يمنع الواحد يقول كلمة الحق للمعلوميه الرابط من موقع اصحاب و عشاق الكمارو في امريكا !! يعني اصحاب السياره و عشاقها في امريكا يشتكون وحنى للأسف كلمة الحق صارت عندنا شبه معدومه ))
ومستعد لــ اي استفسار منكمـ
