تنويه / نهاية قصتي مع وكالة الجميح وسيارتي إللي دفرنسها عطلان

أنا أعرف احد موظفين الجميح ..
ووكاالتهم يحبون اللف والدوران كثــــــير :blue:
والسبب كله بسبب سوء إدارة وللبنانيين مايخافون الله ولايشبعون من السرقات :smilie20:
واتمنى مايزعلون الاخوان اللي من نفس الجنسية :a1120(86): لانه مو المقصد تميز عنصري بالعكس
عل عيني وراسي لكن للأسف هذا الوااقع ناس تسرق بايديها ورجليها ..

الحمد لله على إنتهاء مشكلتك ..
و مسأله التوقيع على الورقه والله مشكله لان مو من حقهم يخلونك كأنك معتذر لهم ..
بس قدر الله و ما شاء فعل ولا حول ولا قوه إلا بالله ..


انا عن نفسي بحذر الوالد من التعامل معهم ..
لانه يبي يشتري يوكون و صراحه انا صحته من زمان بـ الإكسبدشن ..
و الآن انا مصمم على رايي بالنصيحه وراح اوريه الموضوع هذا عشان يحذر ..

و كل واحد فيكم ينبه الي يعرفه على الأقل يخلي مسؤوليته من الموضوع ..
و قدام الشركه حلين إما تتربى و تعرف تتعامل مع الناس ..
ولا يقفلون ويبيعون فصفص بالحواري ...


أنا والله مو مضايقني الا شبابنا الموظفين الي مابيدهم شي ..
ولو لا قدر الله سائت سمعه الشركه ماراح يكون ضحيه للفصل إلا هم ..
لكن الله لنا ولهم ..


اعتذر على الإطاله ولكن انا متابع للموضوع من البدايه ..
و ماسجلت دخول الا عشان أرد عليك اخوي و أبارك لك
والله يرزقك ما تتمنى و يعوض عليك

بسم الله الرحمن الرحيم

أسعد الله أوقاتكم بكل خير ..

في البداية
جاء في تفسر البغوي
قوله تعالى: ( لا يحب الله الجهر بالسوء من القول إلا من ظلم )
يعني : لا يحب الله الجهر بالقبح من القول إلا من ظلم ، فيجوز للمظلوم أن يخبر عن ظلم الظالم وأن يدعو عليه.


تابع لموضوعي السابق
حسبي الله عليك يالجميح ، سياراتي جديدة والدفرنس عطلان !!


ونهاية مسلسل الغبنة ،

أمس انتهت قصتي مع شركة الجميح للسيارات ، بفضل الله ثم بفضل الأستاذ خالد المالك رئيس تحرير جريدة الجزيرة ..

حيث أني راسلته عن مشكلتي معهم ، وقام بدوره بمراسلة الجميح لحل المشكلة في أقرب وقت وليسمع أيضاً من الطرفين ( أنا و وشركة الجميح)
( الله يوفقه ويجزاه خير وموقف لن انساه هو الوحيد اللي تفاعل مع اني مراسل 7 جرايد وصحف الكترونية )

ومنذ الساعة السابعة من صباح أمس وجوال والدي يرن .. وكانو هم المتصلين (شركة الجميح) ، وكانو يريدون إنهاء الموضوع بأي شكل ..
ولم يتصلوا علي ولم أدري عن شي مع أني أنا صاحب الشأن !!
ولعلمهم المسبق بتمسك رأيي وأن والدي ( أليَن ) منّي

الشاهد إن الوالد ذهب لهم وتجمّع 3 من أكبر وأقدم الموظفين ، وحاولوا في الوالد إنه يتنازل ويوقّع على ورقة إقرار واعتذار بخصوص ما بدر عنّي واني أخطأت بحق الجميح وافتريت عليه وووو ......
رفض الوالد مع إنه ما قرأ الورقة ! وكان يعتقد انها ورقة تنازل عن القضية فقط

وقالوا له ما المطلوب ؟
فطلب الوالد 130 ألف ريال ويتنازل عن الموضوع و أبيع سيارتي عليهم ...
واستلم شيك بالمبلغ ووقع على الورقة بعد ضغط شديد منهم واحراج و(حب خشوم)
طبعاً إللي عرفته بعدين ان الوالد وقع عليها على اساس انها تنازل ولم ينتبه انه اعتذار بهذه اللهجة التي أرى انها تجرح كرامتي

الموضوع الأن إنتهى يا جماعة ، مع إني ما استلمت المبلغ كامل بس مو مشكلة ..
أنا إللي رافع ضغطي الورقة الموقعه بإسمي ، ووالله لو عُرضت علي ما وقعت عليه لأني ما أخطأت على أحد وإنما ذكرت الحقيقه ..
وأعتبر هذه الورقة جرحة كرامتي .. ولم أرضى بها

لذلك جرى التنويه ، واللهم إني بريء مما كُتِب في الورقة


النهاية .