ايش افضل كفرات لليوكن 2008

Mr.DL @user_106289 · 17-12-2010

السلام عليكم

يا اخوان انا بغير كفرات اليوكن

من شريت السياره ماغيرت كفراتها الجنرال

والحين صار لازم اغيرهم ظلو معي سنتين وكم شهر

ومحتار اي نوع اختار

مع العلم اني مو راعي بر وصخور فقط اسفلت

مدري ايش يناسبني وضروري يكون الكفر لين ماحب الخشن

واكيد يكون قوي ويتحمل الحراره ومايطلع صوت ومريح في الطريق

في ناس يقولون ميشلان بس مدري احترت ناس تمدح وناس تذم

ناس تقول لين وناس تقول خشن :confused1:

جا في بالي استمر على الجنرال
واحد يقول جرب غيرهم لكن مو مثل الوكاله طلعو خشنين مره مافيهم ليونه

شرايكم يا اخوان ؟

q8ty40 @user_51366 · 19-12-2010

ghl ugd;l السلام عليكم

اخي العزيز

انا من مشجعي :a120(115):الميشلان

سياراتي كلها ميشلن
عندي لكزس وعندي كامري وعندي هوندا
لمن تركب السيارة تختلف قيادتها بالميشلان
ترى حتى الصيني مجربه ما تختلف نوعيتها وجودته
لكن
المره هذي
بركب بريلي
على اليوكون
ليش

لسبب واحد
ان البريلي اخف من الميشيلن
جربتها على اليوكون ما شاء الله نعومه وقوة وخفة
وايضا سعر اخف ب 10 دنانير عن الميشيلن
بالكويت 69 الميشلن كندي
البريلي 59 برازيلي
والنوعيه الدرجه الاولى لان في نوعيتين
هذا سرعه عاليه

تحياتي

m_001 @user_240750 · 19-12-2010

هـــلا اخوي ..

انا من رايي البرجستــــون ...

لكن قبل اي شيء انصحك بزيارة الموقع التالي :

http://tires.tirerack.com/

وتقبل تحياتي ...

fahad mohammed @user_235709 · 18-12-2010

اخوي كم مقاس جنطك

20 او 17 لانه انا زيك محتر ومقاس جنطي 20

فيق @user_23374 · 18-12-2010

اذا جنط 17 .. ركب تويو .. بس ترى في نوعين .. ركب open country M410 ..
الحرارة Aو التراكشن A .. و سعره معقول ..

أسطورة الرياض @user_51380 · 18-12-2010

الميشلان صناعة (أمريكية)..

لين جدا وممتاز .. لكنه غالي

أنصحك فيه وبشده

مركبه على التاهو 2008 صار لي أكثر من سنة ونص

كأنه جديد .. ولله الحمد

ROMO1 @user_182318 ..:: TAHOE//YUKON GRP. MEMBER ::.. · 17-12-2010

اذا جنط 20

انصحك بشركة برجستون وبعدها قوديير

SIERRA_HD @user_143138 ..:: TAHOE//YUKON GRP. MEMBER ::.. + RiYaDh 4X4 GrOuP · 17-12-2010

انا انصحك بـ بريللي , جربتها على جنوطي السابقه قبل اغير الى جنط 20 , صراحه كانت روعه ولينه جدا , حتى السياره فرقت كثير معي بالمطبات عكس الجنرال اللي كانت عليها , شريت الكفر الواحد بـ 720 تقريبا .