أخواني عندي كابرس 2004 LSستة سلندر ماشي 118000 والسيارة على يدي من الوكالة (ما شاء الله لا قوة الا بالله)
فيها مشكلتين !!
الأولى : غيرت الرديتر بواحد أردني أكبر 650ريال ( لأن حق بلدها خربت الضبه زي العادة وإللي غيرها قلب الشفة وخربها فكان لابد من تغيير الرديتر)
المهم غيرتها عند واحد يماني في كيلو 3 خلف البنك الهولندي على طريق مكة القديم لمن جا يفك القديم ، فك علبة الزيت حق الدركسون ودلدلها تحت (يعني بقيت مقلوبه طول مدة الفك والتركيب والتنظيف - تقريبا نص ساعة أو أكثر-) وبعد كدة صرت أسمع صوت عالي ويزيد كل ماحركت الدركسون ، وإذا تركت السيارة واقفة يومين وجيت أشغلها ولا كأنه فيها مشكلة لاصوت ولا زنة وإذا مشيت بيها مسافة طويلة ووقت يبدأ يطلع الصوت ( الزيت ما أحس إنه ينقص على الرغم من إن العلبة والليات (2 لي) كلها مدبقة بالزيت ،،،،،،، وديتها لكذا واحد والسيارة بدون الصوت يقولوا لي ما فيها شئ وواحد شافها قال لي أغير الليات بس والزيت ،،، وديتها للعالمية في شارع حراء قالوا تغيير علبة الزيت + الليات + علبة الدركسون العلوية بقيمة 1510 قيمة القطع + 250أجور ........
ثانيا ،،،
المراوح ما تشتغل أبدا بدون المكيف حتى لو وصلت H وإذا شغلت المكيف تشتغل ثواني على السرعة العالية وتطفي كل ربع دقيقة وإذا كنت في زحمة وماشي بالسيارة ترتفع الحرارة لفوق النص وقبل H وممكن تطول المراوح أكثر من الثواني السابقة وتطفي قبل ما تنزل حرارة السيارة لتحت النص ،، وإذا وقفت تنزل الحرارة لتحت النص ( الطبيعي)
وديتها أول شي لورشة البلبيسي في شارع قريش وشافها الفلبيني وفصل الحساس فصارت المراوح تشتغل مع السيارة على طول وعلى السرعة العالية وقال لي أغير الحساس ،، رحت للصناعية وأشتريت حساس أصلي من التوكيلات العالمية بمبلغ 65 ريال لأنها 2004 ورجعت للفلبيني وغيرة وبرضة المشكلة زي ما هي فقال لي أغير المرحل ( كتاوت المروحة ) رجعت لبالبيد وأشتريته ب 35 ريال لونة أبيض أصلي وركبته صار المكيف ضعيف وما يبرد ونفس المشكلة قائمة رجعت المرحل القديم عشان يشتغل المكيف مضبوط ،،،
وديتها للعالمية بشارع حراء قالوا لي لازم تغير المراوح الإثنين ب 1740 مع التركيب ،،، بصراحة ماني مقتنع إنه المشكلة من المراوح لأنها تشتغل بدون الحساس
حاليا أنا ماشي على السيارة وفاصل الحساس والمراوح شغالة على طول وتطلع لي رسالة Check Engen وإذا وصلت الحساس تروح الرسالة
هل في مشكلة من فصل الحساس + إللي غير لي الرديتر شال البلف حق الحرارة وما عرفت إلا قريب ( يعني ما كانت هناك مشكلة بدون البلف لمدة 12 شهر تقريبا)
وشاكرا ومقدرا لكم تعاونكم ( حاولت أكتب بالتفصيل )
