السلام عليكم ورحمة الله وبركاتة
أول شيء
والله شيء يحز بالنفس لما نشوف هالنصب الحاصل في السعودية
وين النظام وين العقاب وين الرقابه وين الدولة عن هالفساد ؟؟؟
أنا صرت متشائم
أقسم بالله كل ما أشوف ميكانيكي أحس إنه أكبر حرامي
مادري ليه صار هالإحساس فيني ؟؟؟
والله صارت الثقة معدومه 1000000% في الورش
إخواني فيه صوت في السيارة وفحصتها في فحص بحي الشفاء
بالرياض وقالي عندك صوت كرونه من فوق الأربعين
طبعاً أنا بعد ماشريت السيارة أرسلتها لديرتي
ورحت لأكثر من ورشه
فيه منهم يقول غير الكرونه
وفيه منهم يقول مالك إلا تغير الدفرنس
المشكله يقولي عندي الدفرنس وعليه ظمان بـ 3000 آلاف ريال
يعني هذا الي خوفني
وفيه منهم يقول اغيرلك الزيت ..
انا الحين ماسويت أي شيء بالسيارة
السيارة فيها صوت من فوق الـ 70
لكن صوت كرونة ولا غير كرونه أنا ما عندي خلفيه
لكن فيه أكثر من ميكانيكي يقول هذا صوت الدفرنس
أخواني وش تنصحوني به
أنا مشتري الموتر قبل ثلاث أسابيع تقريباً من صالة بالرياض
ورحت فحصتها في أحد مراكز الفحص ونصبوا علي الله لايوفقهم
وقالوا لي السيارة مافيها شيء نهائياً ..
والله ودي أفضح هالمركز لكن ماني عارف قوانين المنتدى كيف
يمكن ممنوع .؟؟
عموماً ..
مطلوب مني
أغير فلتر القير
وتنظيف البخاخ
وصفاية البنزين
والبواجي ؟
وأبي أفضل الأنواع عشان أطلبها من الوكاله أو من محلات قطع الغيار الكبيره في الرياض ؟
وإذا تنصحوني أغير زيت الدفرنس أو أزيده تنصحوني بأي زيت ..
وللمعلومية عندي ضمان على السيارة أربع سنوات
قير مع دفرنس مع ماكينة
لكن بعض الإخوان يقولون وكلاء شركة الضمان شغلهم تعباان ؟؟
بإنتظاركم ردودكم يا إخوان
