السلام عليكم
أنا بأخرج شوي عن الألوان اللي اخترتها
أنا أنصحك باللون الذهبي إذا كنت تبغاه رسمي زي اللي في توقيعي
وصراحة انه قمة في الروعة وخاصة في العصر يجيك فيه لمعة مو صاحية
وميزة تانية انه عاكس قوي للشمس بما انا احنا في أشد المناطق حرارة على الأرض
وإذا كنت تبغاه شبابي أنا أنصحك بالعنابي أروع لون في جميع السيارات
ومبروك مقدما
الله يبارك فيك اخوي ..
اللون الذهبي لون حلو ورايق جداً بس انت سيارتك رويال والرويال اي لون يطلع حلو عليه ..
انا اتكلم عن الـ LTZ وعلى فكره كل فئه لها الوان معينه تطلع حلوه عليها من وجهة نظري .
شاكر لك مرورك العطر ..
اخوي
والله حرآآآم اذا ما اخذت اللون الرمادي للون جديد وهيبه ومعطيها شكل خقق وما انتشر
وصدقت والله الشاشاه قههرر ما فيها طيب ما يمديك اتزود 19 الف وتاخذ اس اس مووت
ويالغالي والله انا من الرياض ما اعرف فيه العيسى ولا لا عندكم
بسس اتوقع فيه
لا العيسى الي عندنى فروعه اكثر من الجميح
والجميح بالرياض ما عنده الا مركز واحد للصيانه اما العيسى عنده 4
واي استفسار انا حاضر
تحياتي
هلا وغلا حبيبي وصديقي عشق امريكي ..
والله اللون اللي تتكلم عنه خيار قوي بالنسبه لي وهو مميز فعلاً وأفضله على الاسود كثير بس أخاف كثيييير اني أمل منه ، هو لو يجي بنفس درجة اللون اللي في الجمس والتاهو والله كان أخذته بدون تردد ..
بالنسبه للشاشه كان نفسي بالنفقيشن سستم بس للأسف سياسة هالشركه غريبه جداً ..
انت تقول خذ SS وانا ياخوك راحت علي كبرت صار عمري 35 ماتناسبني السيارات الرياضيه بالاضافه الى اني ابي اخفض القيمه أكثر بالمكاسر مع الوكاله وانت تقول زيد 19000 :a120(115):
اما بالنسبه للعيسى والله انا جيت بعد الظهر تعبان ونمت وما امداني اروح لأوتو ستار اللي هو حسب معلوماتي تابع للعيسى وعندهم مركز صيانه ممتاز واتذكر وديت سيارتي القديمه لهم مره من المرات .. الليله مشغول شوي بس بكره ان شاء الله باروح بفلوسي للثلاث وكالات واللي بيعطيني بالسعر اللي يناسبني باخذ من عنده ..
يعني الليله لازم اقرر على اللون :c0214:
نصيحه خذ اسود كذاب باليل يصير اسود وبالصبح يطلع حلو ومايبين عليه المخوش اثناء الغسيل
هلا اخوي قاقا ..
انت تقصد البترولي .. لون جميل وخيار متاح ..
اشكرك على طرح رأيك ..
الصارحه كلهم الوان محترمه ورهيبه
نصحيتي لك اذا ltz اسود اذا ss ابيض
ومبروك مقدما
هلا اخوي كابريس ..
الله يبارك فيك حبيبي ، اشكرك على المشاركه .. ومازلت افكر وان شاء الله اقرر ..
مبروك مقدما
سلبيات اللون الاسود :
* في الحراره والشمس (يمتص الحراره ) اكثر من اي لون ثاني
* الترميل يأثر فيه بشكل اوضح من الالوان الفاتحه
بالتوفيق ان شاء الله
هلا وغلا اخوي Silver Arrow
الله يبارك بعمرك ..
انت ذكرتني بشغله انا نسيت اذكرها وهي :
انا راعي خطوط .. يعني اقل شي دوامي في اليوم امسك خط 60 كيلو رايح و 60 كيلو راجع كأقل تقدير :blue:
شرايكم ؟؟
