هــــدى اللــه ثــــم مـشـورتـكـــــــم بالاجــاويـــــــــــد

اخوي بارك الله فيك انا ماجربت ولكن لو بشتري مايهمن الضمان لانه لو طلع بالسياره خلل انت مصدق ان وكلانا بالسعوديه راح يغيرون لك السياره
اخوي مطلع واحد من اليحيى 2010 فل ولا دخله وكاله ولا شي والناس يقولون تدفع 150ريال وتفتح له ملف عند ابوجميل ويشمله الضمان هذا كلام الناس
بالنسبه لي اهم شي لاصرت بدفع 200.000 ريال ان الموتر يستاهل ترا المبلغ ماهو سهل تقدر تحصل به شقه تمليك مستعمله وان كانك جزمت لاتاخذ الا بريمي او يحيى
لكن مادامك تقول انك ماعندك الا 200.000 نصيحتى احفظ دراهمك وانا اخوك ولا اشتر بهن شين ينفعك اما شقة تمليك او ارض وعبر نفسك بموتر على قدك
الله يوفقنا وياك

السؤال اللي يتطارح مع نفسه هل يصلح FJ كروزر للعائله شخصين فقط

الأخ صاحب الموضوع (ahmed247)

الله ييسر لك الخير ويدلك على الموتر اللي يريحك
حالي هالأيام مثل حالك بالضبط

أنا صاااامل على لاندكروزر والميزانية اللي معي تغطي قيمة الـ GX-R لكن ماتوصل للـ VX-R ... جمعت أموري ورحت اتخير بين خليجي و سعودي و انصدمت لما عرفت أن الاند خالي من المواصفات. جلست أحوس و اتأكد من المواصفات والفروق لين عرفت كل شي عنه

أنا معجب بالسيارة جدا ... لكن من الخارج و قبل أن أعرف التفاصيل ...السيارة فعلا فعلا هيبه ولها قيمتها (عند البيع) :xyxthumbs:
لكن أجلت الشراء لعلي أجد بديلا يرضيني عن اللاند :smilie20:
صراحة متحسف أدفع 190,000 ريال على جيب مافيه (شاشة ملاحة, أنوار زنون, تحكم كهربائي بالمراتب, تحكم بالمسجل من خلال المقود, تدفئة وتبريد للمراتب, و أشياء كثيرة أخرى...) بالله أحد شاف طبلون اللاند الأسود الكئيب ؟؟؟
أو يد الباب من الداخل ؟؟؟
او مسجله البايخ الأصلي و ليس الشاشة اللي يركبونها و يزيدون على الموتر 4,000 عشانها؟؟؟
أو دقق في الخامات المستخدمة بالديكورات و المراتب ؟؟ :c0038::smilie20:
و حتى الونش متحسفين يحطونه زي الموديلات السابقة ... بس في فئة وحدة من الـ GX-R


مريت الحمراني و قلبت الباترول (والله ممتااااااااز) و ماله مثيل (من ناحية السعر أو المواصفات)
و تذكرت واحد من الشباب في المنتدى كاتب عن عرض منزله الحمراني وكنت وقتها مو مقتنع بالعرض... و حسيت أنه نفس عروض الباقين (أخذ اموال المضطرين بالقوة) لكن العرض فعلا مغري (50% مقدم + 9% تأمين شامل عن 3 سنوات + 2100 رسوم إدارية) وبعد 3 سنوات كمل الباقي و الموتر لك
لكن أيضا الباترول مو معجبني شكله (هذا ذوقي وش أسوي:a1120(82)::confused1:)
النيسان أسعارة مقارنه بمواصفاته و عروضه حلوة لي ... لكن ماجازلي شي عندهم

الشباب يقولون لي خذ برادو :c0214: نفس الكلام مو معجبني شكله (هذا ذوقي وش أسوي:confused1:)

التاهو واليوكن جربتهن مع ربعي قبل... و حلوااات لكن متخوف من الأمريكي وسمعته السيئة... و الناس في المنتدى مطينتها أكثر... بين واحد يمدح كأن الوكاله له ... وواحد يسب ويقول القير خربان والمكينه عطلانه والموتر جديد

انا سفراتي و روحاتي متوسطه... يعني الويك اند أروح للديرة أو مكشات بالبر.

أنا خابر أني ما أضفت لك شي ... لكن الشاهد أني أشاطرك الحيرة أخوي ahmed247 و أقول ترا مهوب لحالك

و سأضل أتابع موضوعك لين الله يهدينا للأصلح لنا

خاطرة... فكرت أشري FJ مستعمل و الباقي اعرس به :tongue: وش رايك:c0214:

لكن ايهم الافضل وارد عبداللطيف جميل او البريمي او البحرين او اليحي

ولو افترضنا ان البريمي او البحريني او اليحي افضل فهل عبداللطيف جميل يقبلهم ويدخلهم في الضمان وليس الصيانه فقط او لا


وشكرا

طيب يا اخوان الـــ VX-R 2011 هل نقدر ان نقارنه بالــدينالي وايضا ما الذي يقابلة تقريبا في الفئة او المواصفات والسعر في نيسان باترول

والافضليه لمـــن

اخوي انصحك خذ لك جي اكس ار 8 سرندل بريمي او من اليحيى
البازعي حسب كلام الناس غالي مره
وابو جميل الاكسسوارات هو يركبها في جده
وانت بي تدفع 200.000 حرام تدفها في سياره ملفقه

الباترول اللي تقصده انت 400 حصان موديل 2010 قيمته 240 الف وموديل 2011 قيمته 271 الف
اخوي حنا نقصد الباترول اللي 320 حصان قيمته 200 الف موديل 2010
باترول موديل 2011 320 حصان بيكون سعره 220 الف

ممكن تذكر لي عيوب الدينالي ؟؟
وبخصوص ان الدينالي مايمسك سعره انصحك تشوف اسعاره مستعمل نظيف بالمعارض
واذا انت كسلان افتح مواقع السيارات من الشيخ قوقل وشوف سعر الدينالي المستعمل:xyxwave:

السيكويا تقول قليل اعطال :c0214:
اعتقد جميعنا سمعنا وقرينا وجابوها الأخبار لما رئيس تويوتا بكى امام الكونغرس الأمريكي
بسبب ان دواسات الوقود حقة التويوتا وخصوصا الأفالون والسيكويا كانت تعلق عليك ويفصل البريك وسبب وفيات ونتيجه لذلك تم سحب ملايين السيارات حول العالم لأصلاح العيب الكبير المميت
واحداها سيارة عمي سيكيويا فل اوبشن

.







شي محير الشركه تويوتا والموديل GX-R 3 2011 نفس الفئة الا ان المواصفات تختلف من مورد عن مورد

اذا كان له تفسير عندي فهو ان كل مورد عنده ورش خاصة به يفك ويربط ويزود وينقص على كيف كيفه ( اعتقد ان هذا اولا استحقار واستخفاف بعقول عملائهم والشي الثاني انني اعتبرذلك فوضى وتجاوزات على مواصفات ومقاييس الشركة تويوتا واستغرب سكوتها ) الا اذا كانت مستفيدة ماديا فهذا شيٌ اخر




.

لاند VXR 5.7 :xyxthumbs:
ولو تفكر بالدينالي

هلا احمد كيفك؟
انا انصحك تبعد عن الدينالي وتاخذ باترول او سكويا بسبب
1- انه مايمسك سعر
2-كثرة اعطاله بالنسبه للباترول والسكويا

.








القيت نظرة على الدينالي 2011 , الصراحه من الظلم ان نقارنه من ناحية المواصفات بالـــ GXR 3 2011 ولا حتى اللي يقولون عنه الـــستينـي ,

وفي نفس الوقت انا لا اعرف اي شي عن الدينالي من حيث الاعتماديه والتماسك وقلة الاعطال والسعر عند البيع

الباترول ملكهم ....... :tongue:400 حصان:tongue:....... وفخامة تقول الماني .....؟؟؟ صراحة سيارة ما منت متوقع انها تكون بهالقوة والفخامة بس فاقت التوقعات ...... والله يوفق الجميع ......!!!.!..!!.!.!!.!.!....!.!

حبيت اقولك ان اليوكن الدينالي مو متغير شكله الا بعد 3 سنوات اقل شي

صحيح كلامك وانا مثلك بعد لما كنت بشتري شفت الاند بالمعارض وبصراحه مايستاهل مبلغ 200 الف ومستغفلتنا تويوتا عليه

1- السيكويا كبيره بالحجم وسيعه وماكينه قويه 5.7 380 حصان (بس مافيها رزه وفخامه وشكلها قبيح وضخم كثير اللي يشوفها بالشارع ماشيه مايحسب له حساب) عشان كذا بستبعدها ولاتقارن بالسيارت اللي كاتبها انت

2- يوكن دينالي من افخم المواتر يجذب الأنظار ماكينه قويه جدا مواصفات كثيره من الداخل تغطي على الباترول بالمواصفات التقنيه وشاشتين وتدفئة عجلة القياده والتبريد وايضا تدفئه وتبريد لمقعد السائق والراكب وتدفئه فقد للركاب في الخلف وتشغيل من بعد وقوه 404 حصان وغيره وغيره (اشوفها سياره قويه ومايعيبها شي)

3- الباترول طبعا موتر مايختلف عليه اثنين موتر قوي وفخم وتحسن كثير عن اللي الموديلات القديمه خصوصا في توفير الوقود وشكل جميل ويجذب الأنظار واللي يميزه انه موديل جديد وشكل جديد توه نازل (قماش وليس جلد - شاشه وحده بالأمام - لايوجد تدفئه ولا تبريد للمقاعد - المقاعد الخلفيه تنسفط يدوي - لايوجد تشغيل من بعد) .. هذا اللي حضرني >>> مقارنة بالدينالي متوفر طبعا بالدينالي

* اللي يخلي الباترول يتفوق على الدينالي: الدينالي نازل من 2007 وانتشر بالشارع .. الباترول شكل جديد وتوه نازل وبتكون مميز بالشارع
بس لاتنسى ان الدينالي فل اوبشن يعني جلد وتدفئه وجنوط 20 وشاشتين وسفط المقاعد الخلفيه بالكهرب والكلام كثير بينما الباترول اللي بـ200 الف بدون جلد وبدون تدفئه وبدون مقاعد خلفيه تنسفط بالكهرب وجنوط 18 وعدد الأحصنه 320 حصان
(اتمنى تروح الوكاله للكل سياره وتطلع عليها بنفسك لأن هذا مبلغ مو سهل والوكالات بكل مكان موجوده)

اجمل الألون للدينالي لؤلؤي احلى شي نصيحه وبعدين اسود وبعدين براحتك انت خخخخ
الباترول الرمادي احلى شي وبعدين ابيض او اسود او اللي يريحك طبعا
هذي نصايحي اتمنى تتقبلها
اتمنى اني افدتك والله يوفقك بسيارتك ويجعلها مباركه

.

الباترول مواصفات اكثر وقوه محرك(350) حصان بسعر ممتاز
الاند مواصفات اقل وضعف محرك(271) حصان بسعر غالي او مقارب للباترول
اللي يقول الامريكي مايسمك سعره غلطان وخصوصا الموديلات الجديدة من يوكن وتاهو
الفكسار تشتريه 260 الف تبيعه بعد سنه بـ 230 الف صح ان السعر للحين مرتفع بس انه طاح منه واجد
الامريكي تشتريه ب 135 تبيعه بعد سنه ب 115 ماطاح منه الا شي بسيط
ومميزاته اكثر من الفكسار وسواقه اريح ومكينه اقوى
المواتر الجديده ترى كلها كلبسات لا امريكيها ولا يابانيها وكلها كهرب وكلها الكترونيه


زبده الكلام انكانك مابين لاند وباترول انا اقول باترول لسعره الممتاز ولكثرة مواصفاته وتراه يمسك سعره
وانكانك بين امريكي او ياباني انا اقول امريكي لقوة مكينته ولرخص سعره


البرادو ينسدح بسرعه يعني مو حق سفرات بس يصلح للبر ومكينته 271 حصان

الباترول طبعا وبدون مقارنه