يوكن أو تاهو ... أبي نصيحتكم .

وبالنسبة للوكيل

فأنصحك ب 1 - بالبيد
2 - التوكيلات العالمية
3 - العيسى

وابعد عن الجميح
وانتبه لمن تستلم السيارة شيك عليها انش انش
لأن بعضهم مايخافون الله يخدشون السيارة ( بالغلط ) ومايعلمونك !!

وشيك على الأسطبات لو فيها خدوش ولو حصلت اي خدش في السيارة

لاتستلمها !! << صارت معي كان فيه خدش مجهري في زاوية الأسطب

وقلت لهم مابيها وجابو غيرها ثاني يوم ( بالبيد ) !!

وتقبل مروري ّ

كيف خراباته كثيرة ؟؟؟

اخوي ترا انتشرت هالأيام اشاعات بسبب ناس اسمحلي ( قليلة عقل + متعصبة لنوع معين )

اخوي التاهو واليوكن وجهين لعملة واحدة

بالعربي سيارة واحدة لكن بواجهتين !!

وانا معاي سوبربان 2011 LTZ
والله يخوي ماشاء الله لو قلت لك انها اكثر سيارة ارتحت لها في حياتي !!

وغير صوتها الي يطربك في الخط !!

وتوكل على الله وشف الي يعجبك ولاتخاف من الأشاعات الي مالها اي داعي

التوكيلات العالميه للسيارات ابرك منهم كلهم
ما اشوف انكم جبتوا طاريها
ولا حتى طاري بالبيد

العيسى يالغالي لان الجميح فاشل تخيل فيه عضو معنا توه شاري يوكن وماشي فيه 400 كيلو بس ودفرنسها خربان

والله وأنا أخوك ما عندي خلفية

بس اشوف الشباب يمدحون العيسى

أنت أهم شيك على وقت دخول السيارة من الميناء , لا تكون لها فترة طويلة بالسعودية

بالتوفيق

اخووووووي الاستخارة ثم الاستخاااارة

والله يوفقك

بنسبه لي انا ارشحلك التاااااهو

بسبب ان السيارتين نفس الشي

والفرق تقريبا 10000 ريال

انت اولى فيهن ,,,,

أخوي أبو ديـــــالا ...

أي أحسن الجميح ولا العيسي ... في تخزين السيارات

السيارتين ميكانيكياً نفس الشي , وكلهم من خط إنتاج واحد .

بس أنت إدع ربك تطيح بسيارة بدون مشاكل وصدقني بترتاح للآخر

مشاركة متميزة أشكرك عليها والمفروض تصير مرجع لكل من يبحث عن الفروقات بين السيارتين في الفل الكامل

^^^
خرابات من اي ناحية

اذا كانت المكينة وحدة و كلش زي بعض فكيف التاهو خراباته اكثر

و الشكل التاهو احسه شبابي عشان كذا اغلب الشباب يفضلونه

اما ايهم اختار فسبق اني اخترت اليكون :ch19:

أخوي axon ...

أنا ناوي تاهو بس ...

اليوكن شكلة فاشل بس خراباتة قليلة

التاهو شكلة قوي بس خراباتة كثيرة

أحترت فيهم ... أقول شرايك بنيسان أرمادا

والله يخوي السيارتين اخوآت << هع
والأمر راجعلك !!
يعني اذا تحب الشكل الهجومي والمتوحش مالك الا التاهو LTZ !!
واذا تحب الشكل الهادئ مالك الا اليوكن << دينالي !!
وتبي الصراحة وجهية اليوكن احسها كنها فرس نهر مب داري شسالفة << وجهة نظر !!

وتقبل مروري !

الف الف شكر على المعلومات ...

لو أنتو في محلي تشترون أيش ( أترك عنك الأسعار والفرق بينهم ) ...

اذا تقدر تشتري ال تي زد اكيد هو الافضل

وهالكلام من واقع التجربة

السلام عليكم

كيف حالك اخوي

اولا مواصفات السيارتين زي بعض بالضبط بكل شي ماعدا بعض الزيادات لصالح التاهو

طبعا الزيادات ماهي ميكانيكية او جوهرية في السيارتين مجرد اكسسوارات

يعني عندك :

1 - شبك التاهو كروم كامل اما اليكون زي العادي
2 - المرايات الجانبية و مقابض الابواب في التاهو تجي كروم اما اليكون عادية (ماعدا اللون الؤلؤي تجي كروم)
3 - الجنوط و الكفرات للسيارتين مقاس 20
4 - الدواسة الجانبية ثابتة للسيارتين عكس الدينالي متحركة
5 - الغطاء الخلفي حق القلص في التاهو يشبه الدينالي اما اليكون عادي

هذي الخارجية

اما الداخلية :
1 - تخشيب كامل للتاهو عكس اليكون (في الطبلون و غطاء حامل الاكواب)
2 - وجود كلمة تاهو في الباب من الكروم
3 - سماعة امامية في منتصف الطبلون غير موجودة في اليكون

هذي الفروق بس

اما المواصفات اللي تشترك فيها السيارتين :

طبعا السيارتين لهم نفس المحرك ونفس القير بـ 6 نمر من 2010

1 - تبريد و تسخين المراتب الامامية
2 - شاشة GPS مع الراديو و الكميرا الخلفية تعمل بالمس
3 - توفر السيارتين بدبل او بدون حسب الطلب
4 - فتحة سقف
5 - تحكم خلفي بالتبريد مستقل
6 - نظام ترفيه للمقاعد الخلفية مع عدد 2 سماعة لا سلكية
7 - طوي مراتب الصف الثاني كهربائيا
8 - فتح وغلق الشنطة الخلفية كهربائيا
9 - مراتب السواق و الراكب تحكم كهربائي بـ 10 و ضعيات
10 - فتحة USB و LINE في التكاية الامامية
11 - 3 مخارج كهربائية (2 قدام - 1 في الشنطة)

اما الـ Z71 فاللي اعرفه انه زي التاهو العادي بس له مساعدات رياضية و مرتفع اكثر عن الارض
هذا اللي اذكره و اي شي حنا حاضرين


بس تدري و مع كل هذا و الفروقات لصالح التاهو سعر اليكون اغلى تقريبا ب 10 الاف ريال ليش ماادري (اللي يدري ليش ياليت يعلمنا)

اكيد التاهو مادام انه LTZ فل بس لاتاخذه من الجميح