تجارة السيارات

السلام عليكم
ليه يا خوي تروح تجيب من الخليج وتعب نفسك بدام انك مو طماع وتبي ربح من الف الا الفين يارجال والله ان تقدر تكسب ثلاث الف وربعه في معارضنا هنا بس لزم الخبر هذا شي طبيعي هنا وهناك يعني اول ما تكتسب الخبر ما يحتاج لك هل القروشه والله انا اجلس عند شباب في المعارض والله مشاء الله عليهم ان مكسبهم في السيار على اربع وخمسه والله يرزقك ونشوف كل يوم موضوع لك تعرض لنا موتر جديد

وتقبل مروري علنه بدون فايده

الله يبعد عنا كل نصاب وكذاب قل امين
والمشترى والبيع ياخوك توفيق من الله

اما شريطي
بس شريطي كويس:smilie16::smilie16::smilie16:

الله كريم وياجعل ربي يرزقك الرزق الحلال ويغنيك عن الناسو
وياخوك والله متسلفهن سلف وادعلي عسى الله يوفقني

راح تشوف النصب اللي يشيب الراس وراح تقابل شريطية

احس انك بتصير شريطي !!

وأنا إن شاء الله راح أتاجر بالسيارات بس خل ربك يرزقنا راس المال

الله يجزاكم بالخير ياخوان كلن باسمة
ونصايحكم كلهاعلى راسي من فوق
لا خلا ولا عدم

آخر موديل يدخل للسعودية الآن 2006

والصالات في الامارت اللي اسمع عنه معارض العوير هي اللي دايم يجيبو منها سيارات لكن اغلب اصحاب هذي المعارض حرامية لازم يكون عندك خبرة كافية في السيارات للشراء

الناس طاحو بالامريكي يجيبه سياره محترقه مناك ومضبطه تطلع عليه شبه بلاش وربحه يتجاوز 40 الف ريال بالسياره الواحده اذا تبي تصير تاجر لازم تصير حراامي اختسرتها عليك

اخوي اول شي الله يوفقك
ثاني شي, حط في بالك انك تحتاج سنتين اقل شي تتعلم فيها,, مو كل السيارات مرغوبة, وحتى بعض السيارات المرغوبة جدا بعض انواعها غير مرغوبة, لأسباب يمكن تستغرب منها, مثل اللون الخارجي, اللون الداخلي, تناسق اللونين الخارجي مع الداخلي, مثلا سيارة من داخل اسود غير مرغوبة بكثرة, ويمكن تبتلش فيها تجلس كم شهر تقابلها ولاحد يشتريها منك, ايضا مميزات السيارة تفرق كثير,
باختصار شف الزباين وش يرغبون ووش يحبون وخل السيارة اللي تحبها على جنب .
نصيحة ثانية ارضى بالمكسب القليل ولاتطمع, الزباين مو على كيفك يجون, ممكن واحد يسوم سيارة منك بــ٤٠ الف ويكون ربحك الفين ريال بس تقول السيارة تستاهل اكثر (مثلا ٤٣ الف) من كذا وتنتظر اللي يسومها منك بس مايجي الا بعد شهر, وش الافضل, ربح الفين في اسبوع ولا ٥ الاف في شهر؟ الفين باسبوع احسن لأنك تقدر تشتري سيارة ثانية وتربح فيها الفين في اسبوع ثاني, وهكذا,
وعموما حاول تشتغل بالسيارات الرخيصة يعني مايتعدى سعرها ٤٥ الف, لأن لشعب مطفر ويدور على الرخيص
واهم الشي العلاقات...
عموما مع الوقت راح تكتشف هالشغلات واسرار السوق
وبما انك ماتعرف شي, مانصحك تبدا على عمى, حاول تشوف واحد يشغلك معه , تتعلم منه وبعدين تطلع وتسوي تجارتك لحالك, رح للمعارض والصالات وقل لهم مستعد اجيب لكم زباين واسوق لكم واخذ عمولة على كل سيارة, ماهم كلهم بيوافقون بس دور, مع الوقت بتتعلم اشياء كثيرة وبتبدا شغلك والصورة واضحة قدامك
بالتوفيق

المشاهدات حول ال100
ولابه واحد يفيدني

للرفــــــــــع

شرفني مروركم الكريم يااخوان وماقصرتوا لا خلا ولا عدم ومشكورين على الدعوات

لاكن ماحصلت مرادي واستفساراتي ماحد جاوب عليها
بانتظار هل الخبرة

الله يرزقنا ويرزقك من واسع فضله سبحانه
ويوفقك بتجارتك ويغنيك عن الوظيفه !
مافيه احلى من الحريه !والتجاره ! والبزنس !!

هلا اخوي ...

في البداية اسال الله ان يوفقك في تجارتك .. وان يرزقك بالمال الحلال ...

تقبل تحياتي

الله يوفقك اخوي
موفق ويغنيك الله بالحلال عن الحرام
اخوك ابو فهد

ماقصرت يالغالي وشرفني واسعدني مرورك

بيني وبينك اعشق التويوتا لاكن ماعندي ادنى خلفي عن اي مزاد ولا عمري دخلت اي مزاد
والسيارة النظيفة احسن اذا مادخلها سمكرة ولا لعب الصناعية
لاوالله ياخوك ودي اشتغل بالنظيف

وشكرا لمرور يالغالي وماقصرت وبعدني بانتظار اهل الخبرة