ياهلا والله باخواني انيرجي وباور :) والله وحشتوني
السموحه على ردي المتاخر لاني بعد ماكتب الموضوع سافرت من الدوحه وحاليا في مدينة الجبيل :) وبعد كمن ساعه ماشي لدبي انشالله
نرجع لموضوعنا ...
يعني قوه الاف تي 86 بصراحه ما تأهل الا في حاله التعديل زي وضع السيون تي سي و نزول الكثير من التعديلات عليها في أمريكا خصوصا التيربو كت و البعض منها وصل 500 حصان على الويل !!!
لكن زي ما ذكرت انت ان كيف راح يكون التسويق بين فئتين الزيلاس و الاف تي 86 ... اعتقد راح يكون زي ماكان حاصل بين السيليكا و السوبرا ايام زمان < مجرد توقع لا أكثر ...
بصراحه ما يحزني في الاف تي 86 قوتها و اعتقد انها طبقت المثل : صامت صامت و فطرت على بصل !!!
و ذكرت نقطه اخرى ان الشائع بين الناس الان هو ان الدفع الخلفي اغلى ثمن من الامامي و اعتقد انه صحيح ...
لان الدفع الامامي / استهلاك قطع اكثر ( عكوس - اذرعه - علميا ليست اثبت من الخلفي )
اما الخلفي فهو عكس الامامي في ذلك والله أعلم ...
اعتقد من باب اولى ان يكون الدفع الخلفي أغلى ثمن لانك ماراح تصرف عليه اكثر من الدفع الامامي و غير كذا الثبات ...
ياجماعة الخير ترى قوة الـ FT86 معقوله جدا على سياره 4 سلندر .... ونقطه ثانيه وهي انه السوق الرئيسي لتسويق السياره هي اليابان وامريكا
لكن اليابان حاليا عندها مشكله انه الناس هناك ماعاد تشتري سيارات ( اكثر من 8 مليون سياره تباع سنويا داخل اليابان في اواخر التسعينات .... احصائية 2008 تقول انه حاليا تباع 4.5 مليون سياره فقط) وهذا شيء محزن لانه الناس هناك وخصوصا الشباب صاروا يهتمون بالاجهزه الالكترونيه والموضه اكثر من السيارات وصاروا يعتمدون على النقل العام اكثر
اما امريكا لا .... بس الحكومه الامريكيه واضعه خطه للسيارات بحيث انه لازم يكون متوسط استهلاك سيارات اي شركة تصنيع سيارات بـ 35 ميل للجالون في 2015 و 50 ميل للجالون في 2025 وهذا الشيء موهق اغلب الشركات حاليا والحل الحالي بتصغير المحركات وتقليل القوه الحصانيه واعتماد المحركات الهجينه وغيره وغيره (موضوع طويل ودي اشرح عنه اكثر بس انا شوي مستعجل)
لكن ملخص الكلام 160 او 220 حصان على سياره وزنها 1000 كيلو ترى والله قويه ..... ياخي انا عندي AE86 وقوتها 220 حصان حاليا (وزنها 940 كج) ووالله انه مستواها نفس مستوى لومينا اس اس ستوك!!!! شوف هذي 4 سلندر و 220 حصان والاخرى 8 سلندر و 340 حصان
مدري ليش الناس اغلبها تفكر انه كل ماكانت القوه الحصانه اكبر كانت السياره اسرع .... وناسين عوامل اخرى مهمه مثل الوزن ونسب التروس وايروداناميكية السياره لانها كلها تاثر
وعلى سالفة التسويق ... نعم ايام زمان (الثمانينات واوائل التسعينات) كانت السوبرا والسليكا تسوق من الوكاله هنا جنبا لجنب .... لاكن لاتنسى انه وحده 4 سلندر والاخرى 6 سلندر تيربو
كم سعر الكامري 2010؟؟ كم سعر الماركيز/اللومينا 2010 الفئة السياحيه؟؟
اتوقع انهم نفس السعر ويمكن اللومينا ارخص حتى من الكامري؟
شفت انه فيه سيارات دفع خلفي ارخص من الامامي؟؟
بس نظريتك عن الامامي غلط ياخوي ....
الدفع الامامي صار له في السوق عندنا اكثر من 30 سنه والمشاكل اللي تتكلم عنها ممكن تكون صحيحه في التسعينات والثمانينات لكن الان اكثر من 80% من السيارات اللي تصنع الان دفع امامي ولا تنسى انه التكنولوجيا الان افضل من قبل
وعلى فكره ..... فيه سيارات دفع امامي اثبت من الدفع الخلفي (اقرب مثال السفك الجديده واللي سواقتها قريبه جدا من الدفع الخلفي مع انها دفع امامي!!!!!!)
الوكيل عندنا في الامارات ذكر انها بتنزل عندنا في نهاية 2011 يعني بتنزل في الخليج
انا شفت السيارة في معرض ابو ظبي للسيارات بصراحة ابداع هندسي و داخليتها بسيطة جدا بس مليانة تكلنوجيا
انا مثلك اخوي احب السيارات السبورت و ابغي سيارة سبورت رخيصة و عندي 350z افكر ابيعها و اشتري سوبارو sti سيدان عجبتني السيارة و سعرها حلو جدا بس يوم شفت ft قلت خلني اصبر سنة و اشتري ft و هذي نصيحتي لك
بشرك الله بالخير .... والله اتمنى انها تنزل عندنا وانا حاط في بالي انشالله FT86
مستحيل تنزل وزيلاس موجودة..لان زيلاس سيارة اي كلام ...رياضية عادية وخلاص مافيها مواصفات عالية او انظمة مميزة او شي جديد
ولو نزلت FT-86 بتطيح سوق زيلاس بقوة
لكن لاتنسى انه في نسخة من سوبارو لFT-86
وهذذي اللي اتوقع انها تنزل عندنا وتكون دفع رباعي ومحرك بوكسر ....عز الطلب
بالنسبة للتصويت
صوتي للخيار الاول والاخير...ليش؟
اذا نزلت FT-86 مااظن اني افكر بغيرها واذا نزلت وكان سعرها عالي (فوق ال110 الاف)
ففي خيار اعتقد انه بيكون اقوى وهو امبريزا WRX سيدان (سعرها من 99-105 تقريبا)
فاشوفها افضل خيار بعد الاف تي
مهو هذا اللي مزعلني من حركة تويوتا؟؟ مستحيل ينزلون سيارتين من نفس الفئه وفي نفس السنه (باقي 11 شهر على نزول الـ FT86 والزيلاس توها نازله) الزيلاس اللي نزلت عندنا مواصفاتها اي كلام + السعر الخيالي ..... نفس السياره تنزل في امريكا بس بمواصفات احسن بـ 1000 مره + السعر ارخص بفارق 20 الف ريال ....... شفت النصب
انا مب ضد الزيلاس لاني اشوفها سياره جيده ..... بس انا ضد تويوتا على استهبالهم علينا والمواصفات الـ ^$*$&$%^ اللي يجيبونها لنا
اعتقد نسخة السوبارو اسمها 216A وهذي انا حاطها في بالي اذا نزلت تيربو بـ 320 حصان ومستعد ادفع لين 150 الف ريال عليها بس انا ناطر شهر 3 للاعلان الرئيسي عنها ونشوف ايش نرسي عليه :)
وخيارك الثاني حلو الصراحه واعجبني جدا :xyxthumbs:
ما اظن ان تويوتا تخليها اقل من 250 حصان لانها عندها سيارات 280 حصان و300 حان وسعرها اقل من 100 الف !! (اتكلم عن السوق الياباني)
وكمان هذي الاحصنة تتعتبر قليلة لكن ما استغرب اذا جابت 5.5 ثواني وهي 220 حصان
تويوتا اعلنت انها ماراح تكون اكثر من 220 حصان ومش اقل من 160 حصان ومثل ماقلت من قبل السوق الرئيسي للسياره هذي هي امريكيا واللي حاليا عندهم قوانين جديده بتطبق في 2015 على سالفة استهلاك البنزين وانبعاثات الكربون + البنزين غالي عندهم
يعني تقدر تقول تويوتا تفكر بخطوه للامام قبل غيرها بحيث ينزلون سياره سبورت واقتصاديه قابله للستخدام اليومي خصوصا في مكان البنزين فيه غالي والسوق هناك الاقبال فيه على الـ 4 سلندر اكثر من الـ 6 و الـ 8 سلندر
بس لحظه ؟؟ اي سيارات تقصد من تويوتا اللي سعرها اقل من 100 الف في اليابان؟؟
ليس دفاع لكن الحق يقال .. تطورت تطور مذهل ,, تخيل ان الموستنق السته سلندر الجديد اقوى من الموستنق الجي تي 8 سلندر القديم
كلامك صحيح 100% عن السيارات الامريكيه .... انا لاحظت انه من بعد 2008 صار عندهم تغير كبير في تصميم المحركات ...... مثل ماتقول كانهم دخلوا اسلوب اليابانين في تصميم محركاتهم على اسلوب العضلات الامريكيه (يعني محركات كبيره + احصنه اكثر في كل لتر) وهذا الصراحه شيء لفت انتباهي من 2008 في سياراتهم :)
اللي يعجبني في الموستنج الجديد 5.0 انها سياره سعرها رخيص جدا لما تقارنها بسيارات بنفس فئتها (اقصد M3 و C63 و IS-F) بحيث انها بـ 160 او 150 الف ريال وادائها افضل من السيارات اللي ذكرتهم واللي ارخص وحده فيهم سعرها 220 الف ريال
FT-86 اصدار خاص للسوق اليابنية فقط والسبب انها احياء للسيارات الرياضية الرخيصة ذات المتعة العالية فالاغلب انك ماراح تشوفها في اي دولة ثانيه...
الشي الثاني اتمنى ان ملاك الـFT-86 لو نزلت عندنا مايتنكرون لكونها تحمل قلب سوبارو الى راح يكون هو الحدث الاهم في الموضوع كلة وبدونة راح تكون لا اكثر من تحديث للسيليكا الى ما ادري وش اخبارهه........
واذا على السيارات الرياضية ما اعتقد بوجود سيارة جديدة باقل من 100 الف وان كان بعض الناس مايعرف ان السيارات الرياضية اكثر من مجرد اكسسوارات
الـ FT86 مش مخصصه فقط في للسوق الياباني .... تويوتا اعلنت من قبل انها بتنزل في اليابان واوروبا واستراليا وامريكا (كل العالم تقريبا) بس لحد الان ماشفت اي اعلان لها للشرق الاوسط ..... يارجال انا رحت الوكاله من فتره وسألت المسؤولين هناك وماعندهم اي خبر؟؟؟ وكاله نايمه في العسل همهم الوحيد يبيعون 478569645 كروزر وكامري
وبالعكس اللي مميز الـ FT86 هو محرك السوبارو (ولو انه ياماها ما اتحفتنا بإبداعتها كعادتها في سيارات تويوتا الرياضيه ) بس بعد سوبارو عندها لمساتها الخاصه :smilie16:
وللاسف الناس هنا عندهم السيارات الرياضيه مجرد اكسسوارات وناسين انها صممت لمتعة القياده .... انا صار لي حاليا 10 سنوات اسوق والله للحين استمتع بكل دقيقه اسوق فيها السياره كاني توني ماخذ رخصة القياده من يوم ..... على عكس اغلب الناس واللي يعتبر السياره مجرد وسيلة نقل من A الى B :blue:
ثقافة المجتمع وعقلية المشتري هي الي جعلت تويوتا تنزل الزيلاس بهاي المواصفات
القليله هي مجرد عباره عن شكل والسعر عادي جداا 100الف
في السوف تدفع 100الف دون مشاكل الان المتحكم بلسوق
تويوتا يعني حتى لو في بديل افضل من زيلاس
وسعر السياره مثلا 80الف عادي مافي مشاكل يرفعون السعر الى 90الف
بسب التويوتا
للاسف كلامك صحيح .... وكلامك ذكرني بسياره مظلومه جدا عندنا .... وهي المتسوبيشي اكلبس!!!
تخيل السياره تنزل عندنا من 2008 وبسعر خيالي ( 77 الف للـ 4 سلندر و 90 الف للـ 3.8 اللي قوتها 250 حصان) ومع ذلك محد ياخذها؟؟؟ والقهر انك تلقى ناس تاخذ كامري سبورت (مدري ليش يسمونها سبورت لاني ما اشوف اي شيء سبورت فيها؟؟؟؟) ياخذونها بـ 95 الف ريال عندنا ويتباهون قدام الناس انه سيارته سبورت وانها وانها ... إلخ
وهي في النهاية كامري سيدان 4 ابواب ذات وزن ثقيل وبقوة 160 حصان؟؟؟؟؟
وانا ملاحظ شيء اخر .... انه الناس هنا (حتى لو كانوا شباب عزاب وفي مقتبل العمر) مايحبون اقتناء سيارات كوبيه ويفضلون السيدان عليها (كانه عندهم عائلات او متزوجين؟)
على العموم .... اتمنى لو احد من مسؤولين تويوتا يقرا كلامي ويفهم شعور الناس ...
الزيلاس سياره حلوه لكن طريقة تقديمها لنا غلط في غلط ؟؟
اولا سعرها غلط وكانه استغلال لاموال الناس؟
ثانيا مواصفاتها اي كلام
ثالثا غير متوفره بجير عادي؟
واتمنى انهم يفكرون بشكل جدي بالـ FT86 وتوفيرها لنا بسعر معقول بحيث انها تلاقي اقبال بين الناس وتتنتشر في شوارعنا وهذا من صالحنا ومن صالحهم لانهم بيكسبون $$$ وحنا ايضا نحصل اللي نبيه بالسعر المعقول في نفس الوقت .... في النهاية الطرفين ربحانيين :)
