شكرا اخوي على الموقع اخذت لفه فيه طبعا الموقع فيه اشياء كثير اكزوست سيستم وانتيك وانتر كولر لكن كل هذي الاشياء ما تحطها الا اذا عدلت ال ecu وسويتله ابجريد او ترقيه يعني نفس المشكله لو عطينا المكينه هوا زياده من الانتيك ال ecu يقلل البنزين والعكس صحيح لو ركبنا بخاخات اكبر لضخ البنزين لزيادة الاحتراق اللي بيصير ان ال ecu بيقلل ضخ الهواء فا فالاخير لازم نعمل ترقية لل ecu ولو عملنا ترقيه فيه اشياء لا زم نغيرها معاه وبكذا بيكون التعديل مكلف والقوه المستخرجه مقارنة بالسعر غير مرضيه وهذا كتابة احد المالكين لل mk6 يكتب تكلفة الترقية
you will probably spend 750 on ECU programming, 300 for carbonio intake, 2000 for the exhaust and 1500 for the intercooler. Thats what they charged me (besides intercooler, but thats what they quoted me on). They charged a SHIT load compared to others but their service is unbeatable. I'm actually driving to indiana this summer to EPWerks to get my front mount done for 300 less.
__________________
وشكرا على الموقع ......اظاهر انا وانت نفس المعاناة
المازدا غير موجوده في المملكة ولا الخليج ولا الشرق اوسط وانا كلمت الوكيل وقالي انه الى الان ما في اي فكره انهم ينزلونها .
انا لمن اقصد المحرك مخيب للامال هو مجموعة مقارنات مجتمعه مع بعض يعني جلسة السياره رياضيه جداً جداً والجير dsg رياضي جداً جداً ايضاً تعليق السياره رياضي ايضاً وصوت الاقزوز رياضي الدفرنس يختلف عن بعض شقيقاتها مثل الشيروكو يعني برضو رياضي الى الان الكلام والمواصفات 100%100 ولمن تسمع مثل هالمواصفات وتفكر لبضع ثواني تبي تقول اكيد المحرك جبار يولد بالقليل 280 الى 300 حصان ولكن للاسف 210 حصان فقط وتيربو صغير طيب نقول خلنا نعدل على المحرك لكن للاسف التعديلات محدوده بالبرمجه فقط كل هذا في ظل ظهور سيارات قوية مثل اللانسر والسوبارو sti كومارو ss انفنتي g35 حتى الاوريون ينخاف منه لا يطلع على ال gti هذا اللي انا قصدته سياره مجهزه لاستقبال 300 حصان من خلال المواصفات تتفاجأ بأن المحرك 210 فقط وصعب التعديل ..
النقاش ممتاز ووجهات النظر مختلفه ولكن ايجابية .
واريد ايضا ان اضيف ان ساماكو كل مره له سعر للسياره قبل اسبوعين 113 الف الفئه الاقل بدون كاميرا خلفيه ولا اوتو بارك ولا جلد ولا فتحه ويقولون عليها عرض بــ 99000 ريال .....
_-والفئه الاعلى اللي بشاشه واوتو بارك وكاميرا خلفية وجلد 12300 ريال ويقول ان فيه عرض عليها 116000 ريال ...الحين يقولون انتهى العرض يعني بالمقارنه الاسعار مرتفعه .
الوكيل كثير ما يمدحونه ويقولون الصيانه كل 15000 كيلو وتدفع 700 الى 800 ريال (انا ما ادري هل زيت وفلتر فقط ) الصيانه مكلفه ويقولون على ال 100 الف لازم تغير التايمنج بلت لانه مو جنزير سير ايضا يحتجله مبلغ ..
هذا اللي خلاني اقول المازدا سبيد 3 ارحم بس اذا مي عند الوكيل كمان مشكله ثانيه ممكن الواحد يجيبها وياخذله فرامل احتياط ولكن فيه اشياء كثيره ممكن تروح في السياره واظاهر ان مسألة ان السياره تدخل السعوديه او الشرق الاوسط مهي بيد الوكيل فقط يعني لا تتوقعون اذا الوكيل وده يدخلها الشركة بكره بتقوله ابشر طال عمرك ترا احيان الشركة ما تحب تبيعها في منطقه عن منطقه اخرى والسبب يرجع الى سببين اساسيين الاول خط الانتاج لا يستطيع تغطية الاعداد حيث ان هناك طلب على السياره من مناطق اخرى ..السبب الثاني احيان الشركة الام ترى ان نجاح بيع السياره ودخولها سوق جديد قد يؤثر على سوق اخر ناهيك عن انه عادة يحدث تصويت لدخول السياره لمنطقه اخرى من قبل مجلس ادارة الشركة الام يعني لا تتوقعون الوكيل يقولك والله ما ودنا نجيبها (قوله هين والله لو الشركة الام الزمتهم ان ياخذونها غصباً عنهم بياخذونها ) .....
سامحني ياديزل اختلف معاك في عده امور
كيف عزم السياره مخيب؟؟
2.0 و210 حصان والكل يمدح فيها
قيرها DSG الافضل في العالم
صراحه السياره مميزه للغايه وسحبها جميل
بالنسبه للتعديل ذكرت لك انه متوفر في الوكاله وعلى الضمان
في واحد مسوي لها ستيج 3 جاب الـ 200 في 15 ثانيه
صراحه الكل يمدح قوتها
الا انت استغربت انو تقول مهي بذيك القوه؟؟!!
تحياتي لك
والله مدري ايش اقولك بس خلاص شيل من راسك المازدا لانها ماتنزل عندنا و فكر في الخيارات الموجوده ...
بس انا اناقضك في شيء : انت ذكرت ان محرك الجي تي اي مخيب للامال !!!
لا مو مخيب للامال بالعكس تسارعه جبار و حلو على سياره بهذا الحجم و القدره الحصانيه
قولف جي تي اي 210 حصان ارقام تسارعاتها /
0-100 خلال تقريبا 6.2 ثانيه باللنش كنترول
0-200 خلال 26 ثانيه .
و غير كذا لا تنسى الخامات و الجوده الالمانيه كلها تصب في صالحها .
و برضو لاتنسى القير الداهيه DSG من افضل قيور في العالم .
عشان اكون صريح و واضح معاك /
انا قدمت في رمضان يلي فات و جبت التعريف بالراتب و الطلبات حقت البنك الاهلي كلها و في اخر لحظه اترددت بسبب الوكيل لاني من اول شايل همه من اول ما فكرت في السياره
وكيلها حسب اجماع الاغلبيه سيء و يتأخر في الصيانات و بعض القطع ما يوفرها
و سبب اخر خلاني اصرف النظر عنها ان قوه سيارتي تقريبا زي قوه الجي تي اي فلو اشتريتها ماراح احس بهذاك الفرق الا اللهم انو سياره جديده فقط والمنظر و الشكل .
عن نفسي انا انصحك بها لانو احساس سواقتها مره حلو لكن حط في بالك الوكيل ليس تخويف و برضو كلام الناس عن الوكيل كان من ناس مالكه لسيارات من فلوكس واجن و مو جايبه من راسي ...
استخير و صدقني يلي ربنا يقدره هو خير لك إن شاء الله ...
و ترا برضو انا زيك حاط في راسي القولف الجي تي اي بس إن شاء الله ربنا كريم و يسهل الامور .
