مشلكة في يوكن .. هل عنكم حل

ورشة جيركو بالرياض الصناعية القديمة مخرج 17 وانت جاي من الدائري الشرقي لف يمين مع الاشارة وانتبه في ساهر في الطريق امش سيدة الى ان تعدي كبري القطار بجيك اشارة لف يسار بجيك على ايدك اليسار ترايستار امش سيده وبتجيك الورشة على يسارك بعد ترايستار اسال عن ابو زياد هذا لبناني هو المسؤول عن الورشة واسم الفني اللي يسويلك فحص ايقاي فلبيني وهذا رقمهم 0505403297 واذا بغيت شي انا حاضر

الأخ شهاب السحيباني

الأخ TAHOE_LTZ

الأخ أبو ماجد البشري

الأخ SHAMI

الأخ h666

مشكورين وما قصرتوا

سؤال للأخ h666
وين سويت البرمجة يا الغالي ؟
ولك مني جزيل الشكر ...

مساء الخير انا مرت علي المشكلتين معي يوكن 2008 نبدا بالمشكله الاولى وهي بعد 60000اشتغلت اللمبه ووديتها والورشة وفحصها وطلعت حقت التلوث وسويت برمجة اكسجين ب 350 ريال وراحت المشكله الثانية التقطيع اذا عشقت السيارة ولفيت الدركسون بدون ما ادعس بنزين تحس السيارة تتنافض او كنك تدعس بنزين وترفع رجلك وتحس السيارة كنها بتطفي الحل المشكلة كانت في البخاخات وبالاخص جلب البخاخات سعرها 30 ريال وشغل اليد 500 بس انت يمكن محتاج تنظيف بخاخات فقط سببها اني كنت اخلي التانكي ينزل تحت الربع واعبيه
ملاحظه اخيره لازم تسوي فحص كمبيوتر عند ورشه مختصه بالامريكي وفي ورشه في الصناعيه القديمه اسمها جيركو انصحك فيها ما صار في اليوكن مشكله الا وحلوها باذن الله

والله ياااخوك كل ماركبت جمس حصلت الشعار ذا شغال حتى الجمس حق الوالد شغال 24 ساعه

لكن الوالد قبل كم سنه نظف حساسات جايه قريبة من الشكمان وراحت اللمبه

وقبل شهر تقريبا اشتغل مرة ثانية

اللمبه هذي تضيء لعدة اسباب ولا يستطيع تحديده إلا الكمبيوتر لأنه يحدد رقم الكود العطلان لأن لكل حساس كود معين مخزن بكمبيوتر السياره اما دبة التلوث ماتخرب اوتقل كفائتها إلا بعد مضي سنوات طويله قد تتعدى 10 سنوات لكن اللي فحص لك السياره احتمال انه مايعرف لأن حساس التلوث يعطي قرائه لعدم احتراق مثالي ربما نقص اكسجين او زيادة وقود وبدوره الحساس يعطي امر عن طريق كمبيوتر السياره لتعدل عمل البخاخات بزياده او نقص الوقود لأن الحساسات كلها مرتبطه وتؤدي وضائفها عن طريق الكمبيوتر .حساس العادم يقراء ثاني اكسيد الكربون هل هو حسب المعدل الطبيعي ام فيه خلل ,وحساس الأكسجي يعطي قرائه للأكسجين المتدفق الداخل للمحرك حسب دوران المحرك وهكذا حتى الحساسات اللي بالقير تضيء لها نفس اللمبه يعني مستحيل ان يتكهن احد عن سبب إضائتها إلا عن طريق الفحص وقرائة كود العطل ,,لو كان كل عطل له لمبه معينه كان كل واحد استطاع معرفة الخلل ولم يذهب للورش الكبيره لكن هي سياسة شركات السيارات المصنعه للتسويق البرامج والأجهزه الكاشفه للأعطال ,,

اتمنى لك وللجمبع التوفيق..

الله يكون بعونك...

اسمع ونا اخوك لا تستعجل...

رح لم احد الورش و خله يفحص لك الموتر بالكمبيوتر ... اكيد بيقول لك عندك مشكله بالحساس... قل للفني جب لي الدبه مستعمله و اذا ما طفت اللمبه على مسؤليتك ... عشان ما تخسر فلوسك...

أهلا بالأخوة
لحن المشاعر
RAMIALREFAI
TAHOE_LTZ

بالنسبة للفحص فحصت عند اثنين وكلهم قالوا : الحساس !!

وأما (الثروتل) فنظفته مع البرمجة دون جدوى ...

وأما البواجي فالجهاز لا يشير إلى وجود مشكلة فيه ..

وأما السكن فلست من الرياض...

وأنا في الحقيقة وجدت دبة موتر 2010 في التشليح وناوي أشريها ,, وش رايكم ؟؟

شاكر لكم تفاعلكم :xyxthumbs::xyxthumbs:

بسيطة............ نفس اللمبة اشتغلت عندي بالماليبوووووووووووووو2010........... غير بواجي وبتروح ان شاء الله:xyxwave:

^

افحص عند واحد ثاني

الوكاله احيانا تطلع لك خرابات من راسها

الله العالم اللمبه من التقطيع

ويمكن من الثروثل .

مرحبا أخي
TAHOE_LTZ

غيرت حساس الدبة ثم فصلت أصبع البطارية أكثر من مرة لكن بدون فائدة !!
وأيضا : فرغت الدبة وما زالت المشكلة قائمة ...
وأما البرمجة قالوا لي : ما يحتاج برمجة الحساس!!
ونسيت أقول لكم شيء وهو أن الموتر فيه تقطيع خفيف ...
وأقول في نفسي : لا يكون من طرمبة البنزين ؟؟ :confused1:

اكيد تنظيف الثروتل (البخاخات)

كل مشكله ولها حل

وان شاء الله مشكلتك بسيطه

مثل ما قالوا الاخوه

تحياتي