وللمعلوميه
المخالفه تتدبل بعد شهر من تسجيلها بالجهاز
اغلب الناس تتوقع ان المخالفه تتدبل بعد شهر من تحريرها وهذا خطا
ياخوك عندي تعقيب بسيط
أنا تسجلت علي مخالفة تضليل بتاريخ 6/10 الماضي
و كنت يوميا أشيك لين مانتهت سنة 1431 هـ ولا نزلي شي وتوقعت انها خلاص ما راح تنزل
في نص محرم شيكت ونفس الشي ما فيه مخالفة
ونص صفر نفس الشي ما فيه مخالفة
لكن بتاريخ 27 صفر وأنا مع خويي وهو يشيك ونضحك عليه لأن عليه مخالفة ساهر
وقالي أشيك وأنا واثق ان ما علي شي لكن تفاجأت بـ 300 ريال ولما استفسرت
طلعت تضليل وبنفس تاريخ المخالفة يعني نزلت مدبلة
بتقول هي 300 وبعد شهر 500 , أبقولك الحين راح عليها شهر وشوي ولا تدبلت معناها نزلت مدبلة وخالصة
أنا ببساطة أقدر اطير المخالفات اللي علي لأن عندي 3 أعرفهم بالمرور واحد فرد و 2 ضباط
بس مابي تروح لواحد ماله ذنب أو شغالة بتروح لأهلها أو عجوز بفراشها وأتحاسب عليها بيوم القيامة
لكن ياليت تكلمون الضباط عندكم عشان يشوفون الأوضاع اللي صايرة عندكم
طبعا أنا ما أشمل الكل
لأن فيه أفراد بالمرور رجال وأخلاق ولا تهون انت ولا يهونون الشباب
لكن فيه بعض الشرذمة اللي ما أقول فيهم الا الله لا يحللهم ولا يبيحهم ويشوفونها بأنفسم ان شاء الله
الله يعطيك العافية يالغالي ع الرد ع استفسارات الشباب وع أخلاقك العالية الله يحفظك
