صباح \ مساء الخير
شباب انا بدخل بالموضوع سرييييع عشان ماطول عليكم
انا شريت كابرس 2010 Ltz طبعا اجار منتهي بالتمليك عن طريق البنك العربي وشاريها وكاله من الجميح
طبعا ربي قدر علي بواحد حسبي الله عليه دنيا واخره وين ماراح والله مانساها له بالاخره
تخيلو شباب رحت انا واثنين من اخوياي لملعب من الملاعب المستاجره حقت كوره كنا داخلين نحجز وبنعربن وبنمشي شفنا كوره تهيضنا ورحنا نلعب مامدانا ندخل الا وواحد حسبي الله عليه ورع معاه كابرس نفس موديل موتري وجا الزاحف اقوى واحد بالعالم جاي يفحط وماقصر صدم سيارتي وهي واقفه وانا اشوفه كذا قدامي والله العضيم ياشباب ماكملت 5000 حقت الفحص لس ماشيه 3591 كيلو وانا طالعت فيها شوي وابكي :mad1: وهرب وهو هارب جا واحد الله يجزاه خير لحقه ولقط لنا اللوحه ورجع عطانا اياها المهم دقينا ع المرور وكالعاده ساعه ونص ع بال ماجو طبعا الحمد لله معاي تأمين شامل تبع البنك العربي اسمه ( العربيه ) للتأمين
جانا المرور وحولنا ع مرور الشمال ورحت لهم اليوم الثاني وفي الاخير طلعت السياره مسروقه واللوحه الموجوده لهونداي سيفيك ولوحة مسقطه ومالكم بالطويله قدرت الصدمه طبعا كتبو لي خلفيه كامله وفي الاساس مو متضرر عندي بجد الا الصدام الخلفي والاصطب خلفي يمين ورحت لشيخ المعارض بالنسيم قدر لي الشنطه فيها حكات بسيطه جدداااااا حقها تلميع وتروح وقدر لي الحساسات والحساسات شغاله 100 % وقدر الصدام والاصطب المهم رجعت للمرور وعطوني المعامله رح اخذها الاحد الجاي ان شاء الله
اقترح علي واحد من اخوياي اقتراح هو الي حبيت اسأل اهل الخبره عنه
قال انا سويت بحث بالنت وعرفت كل شي عن موضوع الوكاله والتصليح ورح تتمشكل معاهم عشان بيلطعونك من 3 الى 4 شهور لان الجميح دخول السياره عندهم بحد ذاتها رح تدفع لهم السعر الي يطلبونه هم منك ورح يأخرونك اسبوعين لارسال اوراق التكلفه الثانيه الي هم رح يقدرونها للتأمين ورح تدوخ بينهم وبين البنك ع بال مايوافقو يصلحوها
قال لي بما انها ماتحتاج سمكره وفك وتركيب تاخذ لك الاصطب والصدام الخلفي اصلي وتركبها وتسوي كل الي رح يسونه ( بدون سمكره ) لانها فك وتركيب ومن جد رحنا اليوم للورشه و يعرف واحد هناك ماقصر وطلع مافيها اي سمكره مجرد فك وتركيب وسعرنا القطع مع التركيب وكل شي راح يكلف 3000 وطبعا تقدير التأمين الي رح استلمه 7000 ريال والتركيب وكل شي رح يكون بنفس اليوم وسألنا ناس دخلوها بالجميح والله في ناس قعدت سياراتهم 3 شهور وانا والله مو مستغني
الاسئله حبايبي الي ابي اعرفها
1- التأمينات رح تصرف لي شيك بيكون بأسم البنك العربي او بيكون بأسمي انا قريت عقد التفويض وفي بند من البنود بمعناه ( يحق للمفوض في حالة حدوث حادث التفاهم مع المرور دون ادنى مسؤوليه من البنك العربي ) ولو كان بأسم العربي يحق لي اصرفه وكيف راح اصرفه ؟:c0214: في واحد قال لي انو لازم اروح لهم ويحولنوها ع حسابي بوقتها .
2 - هل سيسقط التأمين اذا اخذت المبلغ وصلحتها بأي ورشه ؟ << لحس مخي واحد بهالسالفه مع انه مافي اي استثناء بهالنص في عقد التأمين .
3 - هل احد راح يسأل بالسياره او يتأكد من اي شي سار فيها قصدي يعني البنك العربي بتسير لي مشاكل معاه ؟
باختصار وضعي في السليم او فيها مشاكل الله يخليكم طمنوني اذا حد قد سارت له نفس المشكله:a1120(86):
اعذروني ع الاطاله
اخوكم عزوووز
