شف وانا اخوك الكايين له ٥ انواع وانت ما ذكرت النوع اللي تبيه ..
والانواع هي كالتالي وراح ابدأ بالاغلى والاقوى :
١- كايين تيربو اس
٢- كايين تيربو
٣- كايين جي تي اس
٤- كايين اس
٥- كايين ( ٦ سلندر )
واكثر نوع عملي هو الكايين العادي وذلك لانعدام كثير من التقنيات فيه مثل الهيدروليك والاقمشه حقته ارخص من اقمشة الكايين الاس .. لكن بصراحه انا شخصيا ما اشتريه ولا افضله لان مافيه صوت الطرب حق البورش ولا فيه عزم والسياره بتكون جدا ثقيله وقيادتها جدا قاسيه بدون الهيدروليك ..
لكن ان بغيت الموتر الي عليه الكلام من صوت وعزم وشكل خارجي وداخي ( كت رسمي من الوكاله ) وعملي جدا ومن ناس مجربه وفاهمه ،، ما عليك الا انك تدور كايين جي تي اس وراح تنبسط وتدعي لي ان شاء الله ..
لانه يجمع الشكل الخارجي للكايين التيربو من ناحية الكت الخارجي ومن الداخل المقاعد حقته بتكون رياضيه وشامواه ،، والمكينه عليها بعض التعديلات وليس تيربو لان التيربو غير عملي ويسبب مشاكل كثير خصوصا في اجواءنا الريفيه ماشاء الله ، بل تعديلات فقط على الاقزوز وبعض القطع في الماكينه تخليها اقوى من الكايين الاس واقل من الكايين التيربو .. والصوت في الجي تي خراااااااااافي ماشاء الله ..
وهذا مقطع للنوع اللي اقصده cayenne GTS
http://www.youtube.com/watch?v=wIoYJ86MjRI
وهذا بعد مقطع ثاني بس الرجال الغبي لاعب في الكت االخارجي شوي بس انت عليك من الصوت يالبيييييييييه بس
http://www.youtube.com/watch?v=9z9d39fOHKw
واذا نويت على واحد خذ احد هالموديلين ٢٠٠٩ او ٢٠١٠ لان الشاشه فيه تغيرت وصارت باللمس وصار فيه مخرج ايفون وايبود و usb ..
وبالنسبه لسعر الجي تي اس عندنا بالسعوديه ٢٠٠٩ يبدأ من ١٩٥ الف الى ٢٣٠ الف وانا اتكلم عن موديلين ٢٠٠٩ و ٢٠١٠ ويكون طبعا ماشي قليل ونظيف
ولو حبيت تشتري وصامل عليه انصحك تاخذه من قطر لان سياراتهم نظيفه واسعارهم طيبه وادخل مستعمل قطر وخذ لك فكره عن الاسعار ..
وبالنسبه لضمان السياره بالنسبه لساماكو اول ما تطلع السياره من عندهم على الزيرو يعطونك ضمان مصنعي مدته سنتين فقط ومفتوح العداد ، وبعد ما نتنهي السنتين بامكانك تمدد الضمان سنويا بقيمة ٧ الاف ريال تقريبا او اكثر شوي والتمديد راح يكون بشكل سنوي لمدة ٥ سنوات بعد انتهاء السنتين الاولى وبعد كذا ماعاد يسوون لك ضمان بالوكاله .. ولو تروح تسأالهم يكون افضل لاني ناسي بعض الاشياء ويمكن اكون مغلط في فترة الضمان ..
والبورش معروفه بالاعتماديه وقلة الاعطال والمشاكل والخرابات ، بس يبي لها انتظام بالصيانه وشوية اهتمام وان شاء الله ما تشتكي منها ابد ..
ان شاء الله اكون افدتك ،،،
بالتوووفيق
