تويوتا , نقاش مع حقد المجتمع !!

تويوتا تقدر تضيف 6 ايرباقات .. لكن المشكلة من هيئة المواصفات عندنا

لو هيئة المواصفات والمقاييس بالسعودية اشترطت على الشركات انها تضع 6 ايرباجات على الاقل ، كان تحصل تويوتا وضعتها بكل سياراتها

لكن ليه تويوتا تتعب نفسها وتحط 6 ايرباجات دام هيئة المواصفات والمقاييس ساكتة عن الوضع ؟

امريكا لانهم حاطين مثل هالشروط ، تحصل سيارات تويوتا وغيرها على مستوى عالى من السلامة

شكرا لك اخوي :smile:

آي جوده تتكلم عنهآ .. تتصنع في آسترآليآ .. وآسعآرهآ 100 وفوق وهي بدون موآصفآت وبدون جووده .. :confused1:
الهوندآ مآعندهآ الآ الآكوورد .. وسعرهآ وصل الـ 130 عشآنهآ يآبآنيه :confused1: .. مآنختلف عن جودتهآ بس مآتوصل للـ 130 ..

خليهآ تضيفهآ وعقبهآ نتكلم عنهآ .. :) .. اذا شركه زي تويوتآ مآقدرت توفر الا آربآقين فقط للسعوديه ..
وآسعآرهآ بـ العآلي .. تتوقع كل هذآ عشآن الجووده .. لو بآخذ موتري ومآبيه يخرب بروح آدور لي كآمري 98 .. مآركيز آو فورد من 98 للـ 2010 .. غيره آنآ آبي موتر جديد بـ 100 وفوق . . آكيد بيصير فيه جوده ورفآهيه وآمآن .. :)

ههههههههههههههههه
طيب والمازدا اللي ذكرتها بردي ؟؟
فاسدا من اي ناحيه ؟؟؟

وانت تدري ليه التويوتا مبيعاتها هناك مرتفعه ؟؟؟؟

تعتقد ان عندهم مسجل متخلف من سنة 2000 ولا سماعات اقل من عاديه ؟؟؟
ولا اير باقين بالفل كامل !!!!!

حبيبي هناك التويوتا تويوتا صح

مو لعب على عقول الناس << اكيد انك فهمت

والزوم عند اللزوم قال ايش فاسدا

روح للوكاله واركبها واسأل ملاكها وبعدين تعال ناقش

استمروا في ترديد الكلام انا اشوف هوندا وتويوتا تستاهل اسعارها بالمقارنه بجودتها واعتماديتها..
من السهل على هالشركتين اضافة المواصفات المكمله للسياره ولكن سعرها راح يرتفع لفوق ..
ولكن المازدا والنيسان اانا اشوف اسعارها غاليه جدا بالمقارنه بجودتها لانها كلها مكملات فقط لاتسمن ولاتغني من جوع ..
تعال نحسبها بالعقل :
ايرباج + زنزن + سماعات بوس .. الخ كلها بالكثير تطلع بـ 30 الف اذا ضربة الحمى طيب وايش اسوي في السياره اتصور بجنبها مثلا ..
تخيل لو وقفت عليك في الشمس وهذا اللي راح يصير زي اغلب السيارات المرميه في الشوارع وقتها راح تلعن الشركه والغبي اللي لقنك الكلام وانت بس تردده ..

انا عدلت المشاركه الاولى ومدري ليه امسحت ولكن الحين نزلتها جديد ..

لي عوده ..

لا انت كذا خرجت برى الموضوع وبينت للاعضاء مستوى تفكيرك ..

اللي يمشي ورى التريلات ماهو موضوعنا لانه هذي قناعته ولا لها دخل بالشركه اللي اشترى منها

طيب مبيعات تويوتا في امريكا مرتفعه هل كلهم يمشوا ورى السيارات ويغبروها .. !!

عشان تعرف انك ملقن الكلام برضوا ولا تعرف وش تقول ..

وعلى العموم خلي الشعب يشتري مازدا بالاول بعدها خليه يغبرها ولايحرقها :tongue:

المازدا فاسدااا ماجات من فراغ :xyxwave:

كلفت على عمرك :a1120(121):

شوف يالغالي .. وكل اللي يقرا كلامي

عشان ما ارد عليه واقول من وين جبت الكلام !

تويوتا كشركه عالميا ماعليها اي غبار ابد ولن اتكلم عنها بشي

فـ مثل مايقولون اللي مايعرف الصقر يشويه

تتطور لكن مو مثل تطور غيرها [ وجهه نظر ]

والجود ما اشوفها مثل جوده السابق .. بحكم اني امتلك هدد 97 م ومعروف ذاك الوقت بتويوتا انه ياباني اصيل !

مع ان فيه انواع الاصوات بالديكور والمراتب وخارجي ايضا لكن مالومه احيانا :blue:

لكن انا عتبي وكل اللي حاصل على الوكيل عبداللطيف جميل وغيره اللي ما قدروا قيمه سيارات تويوتا

ومن اللي بدر منه شركه ابوجميل الله يرحمه .. واظن الكل عارفها من تلفيق و اسعار نار

انا صراحه من متابعين تويوتا العربيه

كثير اللي يآخذ اوريون فل بدون شاشه [ عشانها صيني ]

ويشتريها الظاهر من ابو جميل نفسه الاصليه بسعر مايقل عن 4000 الاف ريال

ولو شريتها مع السياره تزود اكثر .. وصيني !

من ناحيه الاكسسوارت ماتظمن شي معه لان كلها صيني 100%

واظن ان حاليا الاوريون تجي الشاشه راكبه مع الديكور

بس الموديلات السابقه لا .. وهذي اللي اقصده بكلامي

لاتستغربون اني احب شي اسمه تويوتا لكن الحاصل عندنا يكرهني فيهم

السياره الوحيده عندنا هي اللي تشفع لي هي افالون .. سعر مناسب جدا ومواصفات مناسبه مع ان فيها تلفيق الشاشه

واتمنى المقارنه تكون عادله قليلا لكي نقارن فيها

الكرولا = صني .. اكسنت .. كروز .. النترا

الكامري = التيما .. هوندا اكورد .. مازدا 3 .. سوناتا .. ازيرا

الاوريون = التيما 6 .. اكورد 6 .. مازدا 6 .. تورس .. ازيرا فل

واذا فيه نقص من السيارات او خطآ اتمنى التعديل

,

بس توي ادري ان طبلون الكرولا ليزر والكامري ازرق مدري ابيض واحمر

وفيها مكيف الكتروني .. والكامري يدوي

وانت قارنت بس من ناحيه المواصفات والامان مع ان اللي ذكرتها ما اسميها مواصفات للاسف

لكن نسيت تشوف الراحه و الجوده و العزل و و و الخ

وهذي ماتلقاها الا بـ الياباني الاصيل واظن الكل عارفه !!

والمشكله ان اللي ذكرتها من المواصفات

مافيه شي يحسسك انك دافع قيمتها للاسف فعلا !

شوف الاكسنت فيها تشغيل بالبصمه كاميرا خلفيه بلتوث ركوب السياره من دون مفتاح جنط 16 المنيوم مدخل usb و aux

واليارس الى الان نظام قديم ومسجل كاسيت !

وسعر الفل للاكسنت 45 الف

شوف السوناتا وسقف بانوراما

والعديد من المزايا ,,

طيب اذا ماتبي اتكلم عن السوناتا والكوري لانك تدري انها افضل بالمواصفات مو مشكله

شوف الاكورد .. وللمعلوميه ترا الفل 4 سلندر فيها شاشه خرائط اتكلم عن 2011

وفيها بلتوث .. وسعرها فل مع شاشه مايتعدى 120 الف !

افضل من الكامري اللي كانت شاشتها مثل اللي بالغرابي ويجذب الزبون عشان الاكورد كانت مافيها الاربعه سلندر !

اركب سياره بدون شاشه افضل من اشوف هالشي قدامي .. بعد مادفعت شيك قيمته 100 الف :blue:

لا والمشكله تزود عليها مايقل عن 5 الاف ريال والشاشه ماتسوى 1200 عند ابو يمن ويعطيك ضمان سنه !

لا والمشكله الكامري بدون شاشه ,, بذمتك تسميه مسجل ؟

تقارن المسجل هذا بمسجلات السيارات المنافسه للكامري مثل الاكورد والالتيما ؟

ياخي تبي ادفع 92 الف للكامري

واركب اشوف الطبلون ابيض واحمر .. ولا المكيف يدوي

والداخليه عجزت ابلعها ابد ,, حتى التخشيبه مدري كيف جايه

ترا مافيه فرق طبلون الكامري 2002 عن الجديده ترا لونه ابيض !

ياخي تعب نفسك شوي واركب الاكورد .. شف داخليتها كيف

اترك الاكورد اركب طيب التيما .. اركب سوناتا [ اوه صح نسينا ماتبي الكوري انت ] !

خلاص اركب بدالها المازدا الزوم 3 .. شف كيف التصاميم والمواصفات

تحس انها سيارات عصريه

ومايحتاج اسرد باقي مواصفات السيارات المتوفقه على الكامري

والاوريون نفس هيكله الكامري الا البدي يختلف والمكينه

الداخلي نفسه .. الفرق مكيف الكتروني والطبلون ليزر فقط لاغير

وانا اعتبرها هي الكامري الاصليه احتراما للكامري اللي عندنا !

الحين السيارات الكورية مثل اللكزس اول ما نزلت !

مواصفات كثير بسعر قليل , لين تكسب الزباين و بعدها بيطلع سعرها فوووووق !!

ماتدري يمكن لا

وبيني وبينك والله يالكوري ابدع ابداع مهب صاحي

شف الازيرا الجديده .. والاوبتيما

ويكفي فخر الكوري انها تجيك مثل ماتشوفها بالمصنع

وكوري 100% .. افضل من ياباني مع استرالي مع ابو جميل

دخلها المقارنه ولاتخاف

سيارات تويوتا فيها حقها ابو جميل ماقصر معكم

وحط لكم شاشه راكبه مع الديكور من قدكم :smile:

بعد ماكنت تعانون منها .. ديكور فضي والشاشه سودا

شاشة نفجيشن ( راكبة مع الديكور )

الناس وصلت القمر وانت تقول الشاشه راكبه مع الديكور للاسف

وش يدل عليه ذا الكلام ؟ حتى انت ماتقدر تقول شي ولاتقدر حتى ترقع لهالسالفه !! :c0038:

وانا مايقهرني الا يقول

هذا يسب سيارات تويوتا ويقول فيها هيك وهيك وهيك

وهو الي مزعجنا

يا اخي سياره تجيك من المصنع لو هي قرمبعه افضل من سياره تركبها تقول هالشاشه تسني شايفها بالغرابي عند ابو يمن وملعوبن عليك بسعرها بعد :a120(115): .

ماتحملنا ابو يمن يجيك واحد اردى منه

لا والمشكله ان قلت له تسذا

قال ذا تويوتا ياعمي وش عرفك انت وليش حاقد عليها

ماقول الا

الله يهينك على مابتلاك الله فيه :bigggrin:

ويا اخوان ترا مايفرقنا حديد هذا اولا

ويبقى كلامنا نقاش بيننا

وان اخطيت انا على احد فليعذرني وهذا اهم شي


,

الالماني اسعاره غاليه والشعب دائما في اي بلد يعتبر اغلبه من الطبقه المتوسطه والطبقه الغنيه ماراح يشتري سياره المانيه مستخدمه ..
عشان كذا اللي يعرض السيارات الالمانيه فئه قليله والطلب كمان فئه قليله لانه اللي يشتري الالماني معروف وضعه يبي يتفشخر او عشان الراحه والمواصفات العاليه ولا تتوقع راح يشتري عشان يكد فيها ولا يستخدمها يوميا في جميع مشاويره اليوميه يعني بالعربي سياره حرام تكد فيها يوميا لانه راح تطلب قطع وقطعها معروفه مره غاليه ،، عشان كذا الطلب عليها قليل ..

ولو عندك سياره تستاهل 100 الف ولقيت واحد يبي يشتري كمان تبي تتشرط عليه !! اكيد سعرها ينخفض ..
لكن ايش اللي يمنع ان الشعب السعودي اغلبه مايشتري المازدا مدام على قولتك انها رخيصه ومواصفات عاليه وجودتها الفائقه
او مانبي نقول الشعب السعودي عشان لاتقولوا عندهم مرض تويوتا كل بلاد العالم تشتري تويوتا - هوندا - فورد ..
هذي دائما المتصدره ..

شباب من ناحية التطور فتويتا وهوندا هم الوكالتين الي الى الان مو راضين يتطورن نهائيا الهوندا الى الان مافي تشغيل الكتروني في الاكورد اذا ماصار في سياراتهم كلها ماعندي خبر عنهم وتويوتا الى الان على مواصفات ال 2006 ماتغير شي يعني مواصفات الافالون 2006 نفسها في 2011 ماتغير شي والكامري كذلك شنو تغير عن 2006 بس الشكل ماتغير شي ماتغيرت مواصفات
بعكس الكوري الي الان اشوفه في تطور متزايد الى حد انهم حطو في النترا 2012 ركن سيارة الكتروني واتوقع هالخاصية ماهي موجودة الا في لكزس لارج
تشغيل الكتروني ماهي موجود في تويوتا الا في الاوريون وانت صاعد من سيارات تويوت وفي سيارات اغلى منولاهي موجودة فيه
اف جي /فورشنر/ اغلى من الاوريون ولا فيهم تشغيل الكتروني
بعكس الكوري الان الاكسنت فيه تشغيل الكتروني سيراتو كيا فيها تشغيل الكتروني

ومن قآل آن المآزدآ مآتتطور .. المآزدآ مشكلتهآ وكيلهآ عندنآ فقط .. شوف الزوم وشوف الـ CX-9 .. الزوم لحآلهآ آفضل موآصفآت من الآوريون وسعرهآ 91 للفل كآمل .. بينمآ الآوريون 102 للجل آل آكس . . :confused1: . ! وطبعآ مآنبغآ ندخل بشغل المكينه لآنه بكل تآكيد تويوتآ خسسرآنه فيه ..

آقولك مآزدآ تطورت بكثيير .. التويوتآ هي الوحيده آللي عآيشه على سمعتهآ :c0038: ..

^^

طيب الالماني من الموديلات القديمة ممكن تحصله سعره طايح بالارض ..
و خصوصا اذا كان سعرها مرتفع مره اول ما نزلت ..
بعد 5 سنوات ممكن تحصلها بأقل من سعرها 10 مرات ..
و محد يبيها و الكل يبعد عنها .. هل معنى هالشيء ان الالماني سيء ؟

و من منطق كلامك نقدر نقول ان مازدا و الالماني نفس الشيء :) ..
لانه بعد مرور كم سنة محد يبيها و سعرها بلاش ..

^^^

ماشاء الله عليك معلومات قيمه :bigggrin:

اذا سيارت مازدا 2003 و 2004 تنباع ببلاش هذا اذا كانت شغاله اصلا وتلاقيها مغبره وصافطينها عند الاراضي والتشاليح وتجي تبي تقنعني بجودتها !!

وانا يعجبني الانسان المتفتح واللي يملك معلومات ولاهو راضي يستفيد منها ويتعلم
مدام انه الشركه اقدم الشركات اليابانيه والى الحين سياراتها ضعيفه فايش استفدت من هذي المعلومه ..!

ياليتك خليتهاا شركه حديثه عشان نعيش على امل انها تتطور الى الافضل ..
الشركات الكوريه حسنت صناعاتها في سنوات قليله واقدم شركه يابانيه الى الحين ماهي راضيه تتقدم :bigggrin:

لاتفضحنا ويجي واحد يسمعك يقول هذي الصناعه اليابانيه حقتكم :xyxwave:

ياليت اللي يتناقش معي يكون يملك معلومات ويستفيد منها ولايرددها زي الببغاء .. !!

جمعه مباركه .. :smile:

^^

هههههههههههههههههههههههههههههههههههههه ..

المشكلة اللي يتكلم و هو جاهل و لا يعرف شيء ..
لمعلوماتك مازدا أقدم من تويوتا و تأسست قبل تويوتا بأكثر من 10 سنوات ! ..
و هي من أقدم الشركات اليابانية بقطاع السيارات ..

ما ودي اتكلم كثير و ادخل باشياء ممكن البعض ما يعرفها و كذا ..
لكن شوف السيارات الحين اللي بالشوارع و القديمة منها ..
شوف وش هي و كم موديلها .. اتحداك تحصل تويوتا موديل ما بين 1960 الى 1975
مقارنة بمازدا اللي ممكن تحصل سياراتها القديمة بكل مكان ..


و بخصوص الحاضر الواقع يشهد لهم ايضا انهم افضل من تويوتا من كل النواحي :) ..
محركات و قوة و جودة و اسعار :) ..

المشكله شوف دائما اللي يسبوا في تويوتا يا معاه مازدا يانيسان :a1120(121):
ووالله انها من حفره لدحديره ..

شوف اي واحد يمتلك سياره من هوندا او شركة فورد وينتقد تويوتا والله على عيني وراسي لانه معاه سياره .. :bigggrin:

ولاهي بمجامله لانها سيارات اعتماديه وحتى لو انتقد انتقد لانه عاشر سياره لكن يجي واحد سيارته لا حاظر ولا ماضي لها هنا نقول شر البلية مايضحك ..!!

يقارن سياره من تويوتا وهوندا بسعرهاا طيب ياعزيزي هذي سيارات تكررر الشوارع كررررر ولاتقولك لا.. اكيد لازم تحط فيها سعر اجل تبيها ببلاش !!

انت تقارن سياره بمواصفات فقط بسياره اعتماديه هل تتوقع شركه بحجم تويوتا ماتقدر تركبلك سي دي ولا زنون ههههههههههه

ارتقوا بالتفكير ياجماعه لحد يجي يضحك على افكاركم السطحيه !!

^^

المازدا 6 تصنع باليابان و مع ذلك سعرها ما تجاوز 92 الف ريال ؟! ..
مع ان فيه مواصفات افضل من الاكورد 100 مره ؟! ..

يعني ليه ما تأثر سعر مازدا مقارنة بالاكورد ؟
مع ان كلهم يصنعون بنفس المنطقة ؟

اخوي فهد1،
الله يبارك لك في سيارتك
من ناحية سعر الاكورد فهو يرجع لانها ياباني 100% وسبب ارتفاع السعر هو هبوط الين مع الدولار حيث ضرب السلع اليابانية المصنوعة في اليابان لان سعره الان وصل 78 ين مقابل الدولار واتوقع ان الاكورد القادمة ستصنع خارج اليابان مثل امريكا

لو تلاحظ ان باقي منافسينها مثل التيما امريكي والاوريون + الكامري استرالي ما تعاني من ارتفاع السعر لانها لاتصنع في اليابان

واخاف يجي يوم وما يصنع في اليابان ولا سيارة لان الياريس الان وهي اصغر من الكوروللا صار سعرها مقارب للصني مع ان الصني من نفس فئة الكورلا والسبب الين مرة اخرى

يااخوان استهدو بالله .. ولي تجربتي الشخصيه لسيارات النيسان والهوندا والامريكي والتويوتا والهونداي

كل سياره وفيها حقها من محاسن ومساوء سواء ياباني100% او صيني او استرالي او تايواني ..الخ

انا ماراح اطول بالكلام واطلع برى موضوع صاحب الموضوع واتكلم عن باقي ماركات السيارات

انا بتكلم عن تويوتا .. بختصار ماتهمني الكماليات والاكسسوارات والخرابيط الي مالها لزوم ولو تبيها تقدر تركبها من اقرب محل زينه .. حتى الفتحه تقدر تسويها ب3800ريال وبضمان 5 سنوات

انا الي يهمني جودة المحركات والقطع الميكانيكيه والكهربائيه وتوفر القطع وسهولة الصيانه وعدم التعقيد وسعر قطع اقل قيمه من غيره

انا جربت سيارات كثيره ولقيت منها تعقيد ماله اخر من حيث الوكيل وسعر القطع المبالغ فيه وصعوبة صيانتها

بالنسبه للمواصفات والاسعار الي تتكلمون عنها بتويوتا بعطيكم مثال لسياره اشتريتها ورضيت فيها وارتحت ولله الحمد

كنت متردد بين هوندا اكورد 2011 سبيشل واوريون2011 ستاندر GLX الاكورد سعرها ب91 الف ريال والاوريون ب87 الف ريال

وجدت ان الاوريون تتفوق على الاكورد بمحرك 6 سلندر 3,5 والقير توب ترونيك ب6 سرعات وانوار زينون ومسجل سي دي يشغل 6 سيديات وام بي 3 و..الخ وستاره خلفيه كهرباء ومراتب مريحه اكثر من الاكورد وحساسات اماميه وبرغم ذلك الاوريون (((اقل سعر))) واكثر مواصفات وراحه وقوة محرك بينما ينقص الاوريون الفتحه رغم اني قارنت الاكورد السبيشل باقل نوع من الاوريون

يااخوان الي ذكرته مثل من احد سيارات تويوتا وبالنسبه لهوندا الاكورد الله يعلم ان مو قصدي تقليل بقدرها وبجودتها بالعكس انا من عشاق الاكورد ومن ملاكها اكثر من 7 سنوات
لكن الحق يقال .. هنا وجدت ان الاوريون التويوتا افضل من الاكورد واقل قيمه
والي يقول عيوب الاوريون ماعنده غير الديكور فقط ..!!! وهذا مو شي اساسي ومهم يخليك تبتعد عن السياره


((واتمنى ان تتقبلو وجهة نظري بصدر رحب والي ذكرته تعبير عن رأيي فقط ))
وشكرآ لصاحب الموضوع وللجميع ..

دائما حقين التويوتا ..يبغو يبررو انهم اجود من الهوندا والمازدا وحتى السوبارو ..

لدرجه انه واحد قال ياجماعه عندي آ خد كامري جي ال اكس ولا اخد سوبارو جي تي وتخبط المكينه ومحد يصحلها ههههههههههههههههه ..<< لكن انا ماعطي للكلام دا اهتمام بس من باب انه انفحتح الموضوع .

لكن محد يقدر يقول غير كل واحد عقله في راسه ويعرف خلاصه الا يبغى تويوتا يشتري تويوتا والي يبغا سوبارو يشتري والي يبغا مازدا يشتري ..والله ييسرله .

اما انا بالنسبة لي ما اعتب وكالة تويوتا بعيد الشر...<< لاسباب خاصة .

هههههههههههههههههههههههههههههههه ..
طيب شفيك معصب :confused1: ؟!! ..

خلاص لا تصيح حقك علينا ..
تويوتا احسن شركة بالعالم
سياراتها كلها افضل من كل الشركات
و حتى افضل من الالماني بعد ..
حتى بعد يقولون ان الافالون تحط راسها براس البوغاتي او المزارتي !؟
يا بختكم بس .. يرضيك بعد و لا تبي ندخل الطيارات بالسالفة خخخخخخخ

اهم شيء اعصابك بس و كله من سيكلي الله يهديه هو اللي تسبب بهالازمة :bigggrin: ..