~ رابــــــــــــــــــطة عـــــــشــــــــــاق و مـــــــلاكـــــ CHEVROLET CAMARO ~

نسيت اسال. البودي كت قيمته ٥٠٠٠ ؟؟؟ وبعدين اشوف ناس تصبغه

وناس تتركة اسود وش رايك؟؟؟ ودي اصبغه

انا اذا اخذتها باذن الله ماراح اسوقها كثير لاني بتركها ف بيت الوالد لان معي سيارة ف ابها. وانا مارجع للديرة الا. اسبوع ورا اسبوع فالقير العادي
عاجبني اكثر واحسه احسن للسبورت .. سيارتي اوتو. قلت اغير ..

ان شاء الله يتصلون عليك بخصوص التجربة

لا الابيض لا تغير رايك فيه ,,,,, جدا ممتاز على الكمارو وخاصه لا ركبت عليه بودي كت ,, واللي انا ان شاء الله راح اركبه على السياره

وبالنسبه للقير العادي ,, ممتاز واقوى بس من ناحيتي انا احب ارتاح في الموتر وخاصه في الرياض اعوذ بالله ما تشيلك يدك من القير ,,,, فالاوتو افضل بالنسبه لي مع انها سياره سبورت بس وش نسوي.

وتم طلب تجربه القياده :)

http://www.assayyarat.com/forums/thread248926.html

ماشاء الله

انا باخذ قير عادي مش اوتو ... وطبعا الموقع اللي دخلته شفرولية السعودية

يعني مو تابع لاي وكيل .. ع ماظن يعني

وهذا الرابط
http://sa-ar.chevroletarabia.com

بالنسبه لي. عجبني الابيض في موضوع احد الاخوان في قسم صور سيارات الاعضاء ' اسم الموضوع camaro فيه طبعا ٣ سيارات والوان مختلفه

بس الابيض عجبني وكانت الخطوط حمراء

بالنسبه للكمارو اللي يجي معه باكيج 45 سنه ,, هو قالي السعر بس تعرف الواحد ما يجمع في ذيك اللحظه ولا كنت متحمس لها عشان كذا ما انتبهت لسعرها زين وفي راسي الف سؤال ,, بس اللي اذكره قالي ما بين 180 وبين 170 .. بس بالضبط ما اذكر.

بالنسبه للكمارو اللي اقولك عليها الابيض وداخلي اورانج قالي اول شئ سعرها بالسيستم عنده 182 الف وصدق شفتها في السيستم كذا وبعدين قالي اقدر اعطيك اياها بـ 173 الف بس تنتظر لانها على الباخره .. وعلى فكره الجميح قالي 173 الف بس يقول احاول فيها لـ 170 الف بس ماني متأكد من الجميح انه يجيب ابيض وداخلي اورانج. والعيسى باقي ما اعرف اسعاره

طبعا انا رحت لهم بس كذا ولا ما راح اشتري منهم لاني من سكان الرياض وصدق ان دوامي في الشرقيه وراح اخلي السياره في الرياض دايم عشان كذا حبيت اشتريها من الرياض ,, بس انا رحت عندهم بس اشوف المواصفات اللي ينزلونها تختلف عن الجميح ولالا. وما شفت اختلاف الصراحه... بس اللي لاحظته انه وكاله العيسى والتوكيلات تجيب قير عادي بس الجميح لا .. ولاحظت ان مثلا الباكيج حق 45 سنه نزل في التوكيلات والجميح لا ..

وانا حاليا انتظر العيسى يجيبونها بعد عشان اشوفها ,, لانهم قالوا برضو نفس الكلام (على الباخره)

وممكن تعطيني اللنك حق موقع شفر اللي دخلت عليه؟

ماقالك بكم سعرها ؟؟؟

انا دخلت موقع شفر وسويت طلب تجربة وبصراحة ماتوقعت يتصلون فيني

لاني قبل طلبت وسحبو علي لكن تفاجات يوم الاثنين باتصال من رقم ماعرفه

من المنطقة الشرقية. وكلمتني موظفة وقالت انت فلان قلت ايوه .. قالت معك الجميح للسيارات طلبت تجربة كمارو ؟؟؟ عاد انا لما سمعت تجرربة تذكرت

قلت طلبت .. بعدين سالتني متى حاب ؟؟؟ قلت انا عملي ف ابها لكن من سكان الرياض وارجع ف الويك اند ،،، قلت الخميس يناسبني قالت اوك انتظر مندوب

الرياض بيتصل عليك ... طبعا انا طلبت الخميس بعد القادم

هههههههههههههه من جد ,,, وش نسوي الرجال يقول عنده اختبارات ,, معذووور مع انه الانتظار صعب والله بس يلا,,,

وعلى طاري الكومارو اللي نزلوها بمناسبه مرور 45 سنه ,, لونها كربوووني فقط ,,, بس امس كنت عند وكاله التوكيلات العالميه بما اني اداوم في الشرقيه ,, وقالي الموظف انهم راح ينزلون كومارو بالباكيج حق 45 سنه. ويقول انها على الباخره حاليا.

وودي اسالك يا كومارو 2011 ,, وين بتجرب السياره عشان ودي اجربها بعد وليش يوم الخميس ,, لازم نحجز يعني ولا كيف ؟؟

كأن فيه شخص وعدنا بحاجه وسحب علينا ولا ههههه

http://www.google.com/imgres?q=camaro+45th+anniversary&hl=ar&safe=active&client=safari&sa=X&biw=980&bih=1208&tbm=isch&prmd=imvns&tbnid=5Rsdv5f47_qBpM:&imgrefurl=http://www.necoautos.com/2012-chevrolet-camaro-45th-anniversary-edition/chevrolet-camaro-45th-anniversary-edition-front-2012/&docid=7hpZpB3bwPJrlM&imgurl=http://www.necoautos.com/wp-content/uploads/2011/04/Chevrolet-Camaro-45th-Anniversary-Edition-Front-2012.jpg&w=1300&h=1250&ei=w9HSTu6MNMbDhAes4szADQ&zoom=1

معليش ياخوي انت غلطان ... السيارة اللي بمناسبة الاحتفالية. تجي بلون

اسود فقط. وعلى الكبوت خط احمر مع اسود ومكتوب ٤٥ بس بشكل حلو

بس جنوطها بايخه. ومسالة انه لون واحد. شي مو حلو. '*

كلامك صحيح أخوي نزلوا فئة خاصة أسمها نـايكـي وهي بمناسبة مرور 43 عام على صنع السيارة ...

والسيارة موجود وتباع بأمريكا وأن شاء الله أخذ وحده نفسها بس أخاف أخذ وحده نفسها ولا أحصل لها قطع غيار لان مكينتها غير 360 درجة على الكمارو الاعتيادية

وهاذي بعض الصور ...







.

^^^

فرع طريق الملك عبدالعزيز :bigggrin:

ههههه والله اني كنت ابغى اصفر بس في اخر الايام تراجعت وقررت ابيض

انا عندي تجربة للسيارة يوم الخميس وبقولكم وش يصير معي

هلا كومارو 2011,,
والله انا زيك ,, راح اشتري هالسياره هاذي ,, واتوقع اني راح اخذ لون ابيض والداخل اورانج (قريب من الاحمر) والفئه طبعا SS ..

هذا اختياري وانصح لك بالمثل :) ولو تبينا نطقها انا وياك في يوم واحد ما عندي مشكله :):):):)

لو سمحتو يا اخوان هل السيارة متوفرة ولا لازم يطلبونها وانتظر ؟؟؟؟


وش ترشحون لي لووون لاني قررت اخذها بإذن الله

ايوة سووا تغيرات في الديكورات بس اني ما شفتها من داخل بس سمعت
طيب كم سعرها الاصلي

شباب .. عندي لكم سؤال ..
وش رايكم بكمارو ٢٠١٢ ار اس .. ب ١٣٢٥٠٠ بالجميح لقيتها بعد التخفيض .. تستاهل .. ووش فيها مميزات .. هل فيها تغير بالديكور عن ٢٠١١ .. وهل فيها النظام الصوتي مثل ال اس اس .. ووش الفرق بين الجميح والعيسى بالمواصفات .. مع العلم ان العيسى اغلى ..
انتظركم !