صدمني واحد من الخلف والمرور حملني اياها 100% !!

انت الغلطااااااااان مية بالمية

قد صار لي هالموقف زماااااااااان

ايام GTX موديل 88 ايييييييييييه يا ذيك السيارة


المهم طلع علي واحد من شارع فرعي (من داخل الحارة) وعلطووول مسك المسار

الايسر .. وانا جاي بسرعه لا يقل عن 100 .. صدمته من ورا ونقزته للشارع المقابل

الحمد لله مافيه سيارة مقابلته والا كان صادم وجه لوجه مع سيارة ثانيه

جا المرور وقلنا له السالفة وصاحب السيارة أييد كلامي وصار الغلط عليه

اذكر المرور قال لو يمشي 200 مالك حق تطلع في وجهه حتى لو دقيت اشارة .. المسار له هو


والحمد لله عالسلامة

السلام عليكم

احيي رجل المرور اللي أشرف على الحادث ..

الحين انت كنت في المسار الرابع ورحت للمسار الثالث واكتشفت ان فيه سياره قمت ورجعت للمسار الرابع وجا واحد واصدمك من ورا
وتتظلم بعد ؟؟ هههههههه

الحين عندك مرايات ؟؟
اتوقع انك فاكها او انت ما تناظرها بدليل انك اساساً دخلت المسار الثالث بدون ما تتأكد من خلوه ويوم لقيت فيه موتر قمت ورجعت لمسارك بدون ما تتأكد من خلوه مع أني متأكد 99% انك انتقلت للمسار الثالث لأن هذا الشخص كان وراك وانت كنت تبي تفتح له الطريق لانه كان يرفع النور العالي عليك ولا وشو السبب اللي يخليك تنزل للمسار الثالث بدون ما تناظر وتنتبه ولما رجعت للمسار الرابع جا هذا من وراك واصدمك

طيب أنا بسألك انت نفسك
لو انت ماشي وقدامك سياره وسرعتها اقل من سرعتك ورفعت عليه النور العالي عشان يفتح لك الخط
والرجال ماقصر وفتح لك الخط وعلى هالاساس انت رفعت سرعتك لانه خلاص الخط مفتوح قدامك فجأه رجع عليك وصدمته هل في هالحاله راح تنزل وتقول معليش انا اسف وانا صادمك من ورا ؟؟؟ ولا راح تنزل موضوع هنا تقول لنا فيه انه رجع عليه والشارع مو شارع ابوه يتمشى فيه يمين ويسار ومن هالكلام ؟؟؟؟؟

على فكره نظام اللي يصدم من ورا غلطان هذي بطلوها من زماااان ... الحين فيه كشف على سحبت الكفرات في الأرض وموقع الصدمه من السياره يعني مثلاً سيارتك مضروبه في الزاويه اليسار .... يعني مو معقوله انك ماسك مسارك صح لان يسارك صبه ومستحيل يكون الشخص اللي وراك رافع كفرين على الصبه عشان تجيك الصدمه بالزاويه اللي يسار
هذا معناته ان اللي وراك صدمك وانت توك ما دخلت المسار الرابع الا بنصف السياره فقط والنصف اليمين مازال على المسار الثالث


مشكلتنا دائماً مظلومين مهماُ كانت اسباب الحادث دائماً الطرف الآخر هو الغلطان

أدري كلامي شوي قوي لكن تأكدوا انه من محب

بالنسبه لحالتك الحين
الطرف الثاني ما يحق له تقدير الوكاله الا في حالة أن سيارته موديل السنه
اذا اقدم يكون تقدير الورش او شيخ المعارض في حالة التلف ... عموماً حتى لو يبي يرسلها للمصنع انت مالك علاقه يتفاهم هو و التامين من راسه لروسهم انت الزم ما عليك مر المرور وخذ خطاب التأمين حقك وقضينا

وكن حذر مستقبلاً المرايات له دور مهم كبير في القياده السليمه

تحياتي

نفس الطريقة بالضبط .............

واحد دخل على مساااااااااري المرووووور حمله الغلط 100%

الغلط عليك ............والله يعوضك

السلام عليكم

اخوي اولا الحمد لله على سلامتكم الحوادث من النوع هذا مافيها حل وسط يا تكلف صدام

ياتشليح خصوصا اذا كانت فوق 120 بالنسبة للمسارات حنى ماكانا متواجدين معاك

لاكن اذا كنت طالعت المرايه وماشفت احد وفجأه طلع عليك هذي فيها عدة احتمالات

انه مطفي النور مخلي النور الخفيف قد صارتلي بغيت اصدم واحد صغير بسبة كذا جيت

بلف وطبعا رمشت المراية بسرعة وفجاءة الا يدق بريك حسيت رجله بتطلع من الكبوت

وبواري وزعلان مشكلته ماشغل الانوار

استغرب الردود الانتقاديه صراحه !


الحمد الله على السلامه اولاً اخوي وما تشوف شر وزين ان السياره ما انحرفت فيك خصوصاً انكم كنتم على سرعه والسياره مرتفعه والصدمه زاويه


والحمد الله انت مشكلته بس صدام موب شي كبير وروح التشليح خذ لك صدام وحساس


اما عن الغلطان انا صار لي نفس الشي قبل سنتين وانا الغلطان .. كنت طالع من رئيسي الى فرعي وبعد ثانيتين تقريباً او اكثر شوي صدمني واحد وانا الغلطان


انا مقدر شعورك .. يعني انت شفته بعيد وتوقعت انه يمديك تدخل وهو راح يهدي اذا قرب منك


بس للأسف يمكن كان مسرع بزياده او ما انتبه لك زين



والحمد الله على السلامه مره ثانيه والله يعوض عليك يا رب

اتوقع انت غلطان مليون بالميه لانك تتنقل من مسار لمسار مع ان الشارع فاضي بدون ما تشوف من جاي
ويالتهم غرموك بعد
لان هالحركه ترفع ضغطي يجيك واحد من مسار لمسار ويحوق ام الطريق
امسك مسارك لين توصل وخلاص خصوص ان الدائري فاضي التنقل من مسار لمسار بدون سبب خطر جدا عليك وعلى اروح الناس
ولا كل الناس طارات او كل الناس نظرهم 6\6

الحمدالله على السلامة يالغالي ماخسرت شيء والحمدالله صدمة بسيطة مهما كان الأثر وزين مانحرفت بك السيارة لأنها صدمة المؤخرة خطيرة .

كلها صدام تقدر تزينه بأي ورشة وحساسات . تطمّن أنت بخير حتى لو الغلط عليك . وصدقني فترة وتنسى اللي كنت شايله براسك كذا أحنا ياما جربنا وعرفنا هذه الدنيا .

هذه تسمى دخول مسار قبل التأكد من خلوه

أو تجاوز سيارة في مسار ذي سرعة أسرع

والدليل أنه صدمك من الجانب الأيسر هذا دليل كبير أنك طاب في نحر الرجل (معترض له)

الخطأ عليك 200 %

احلى شي انه المسار يكون ملك سيارة معينه وايضا 120 بشارع 70

معلومة جديدة عليه

ما توقعت إن الخطأ يكون عليك.!



طيب لو لا قدر الله إلي قدام أنكر إنه خاش في وجهي.؟

يقدر يقول : كنت أمشي في مساري وصدمني من الخلف.!

وشلون رجل المرور يتثبت من الموضوع.؟؟؟

الله يعوض عليك اخوي

قد حصل لي قريب من هالحادث وفعلا اذا انت دخلت على مسار أحد وصدمك الغلط عليك والحمد لله على كل حال الله يعوضك خير وبالنسبة لقيمة تصليح سيارتك حرام تدفع 6000 الاف على هالضربة صلح سيارتك عند احد الورش المعروفة ووفر عليك المبلغ

عزيزي انا صدمت واحد من الخلف..

وحملته الصدمة 100%..

ليه..

لأنه خطم بوجهي..

مع انه دق اشارة..

لكن كبست له وهو داق اشاره قبل لا يدخل..

عاند ودخل وصدمته..

جا المرور وقلت له السالفة..

قال الغلط عليه مية بالمية..السبب..ان المسار ملك لك وانت ما سمحت له يدخل..

ولعلمك كنت ماشي 120 في طريق 70..

انتهى..

وانت يا عزيزي دخلت في عين الرجال من المسار الأيسر للأيمن..وهذا ايضا خطأ..

تم..

اي سؤال..:)

سيم سيم .......

انا كنت بالمسار الرابع اول شي وحولت على الثالث وحدني واحد ورجعت الرابع

والدائري كان فاضي اخر الليل وكانت المسافة بيننا كبيرة ويوم ادخل المسار كان بعيد بس ماحسبت حساب انه كان مسرع هالسرعة

والله ياغالي شف

اذا الرجال اللي صدمك كان ماشي وانت دخلت بطريقه وطبعا انت تقول ثانيتين يعني هو كان قريب جدا منك فا اتوقع انت غلطان لانك دخلت بمساره ,

والا مو معقول تكون ماشي 120 ويجي واحد ماشي 80 وفجاه يدخل مسارك وتصدمه تكون انت غلطان !
لكن اذا فيه شي ثاني انا مافهمته فا اعتذر عن عدم فهمي