الكراون فيكتوريا افضل من الاوريون ( حيرااااان)

الماركيز افخم من الفكتوريا :)

الاكورد سيارة مريحة وومتازة لكن قطع غيارها ناااار !!

الطاسة الوحدة بـ 500 ريال !!

والاصطب بـ 3000 ريال ! << سمعته من واحد ثقة

انا عن نفسي كان اخذت اوريون

ومبروك مقدما :)

لا يوجد اي مشاكل في الأوريون اخي الكريم
فالوكيل يكفيك

كلا السيارتين جميلة

و القوة الحصانية للأوريون اقوى من الفورد ذو الـ 244 حصان
عموماً من وجهة نظري
افضل اقتناء الأوريون لشكلها الجميل و الحديث على السوق
الفورد
من يقتني موديل 2000 كم يقتني موديل 2012 نفس الشكل
الا يزعل هذا الأمر بعض الشي ؟

الفورد مايتقارن بالاوريون اللعبه ..

الفورد سيارة اعتمادية 100%

اما الاوريون خد منها مكينه والباقي مشاكل واصوات وقيرو و و وانت ابحض عن مشاكلها .

تحياتي .

كراون فكتوريا اسطورة لن تتكرر,هل قدت سيارة فورد مؤخرا؟؟؟؟؟؟؟!!!!!!!!!!!

انت اكبر ظالم يا صاحب الموضوع وش جاب التاريخ عن السيارات الثانية

يعني تاريخ الكروان و الجراند و قوتها ابرك بي 1111100000000000 مره من الأوريون و الكابرس و الأكورد و غيرها


انت راح تظلم نفسك إذا ما شفت لك جراند ماركيز نظيف


و استخير و الشور شورك

اخوي بالنسبة للرحاة في الممشى مافي اطلق من الامريكي
بالنسبة لقطع الغيار الفرود ارخصهم بعدين التويوتا بعدين الشفر واغلاهم الهوندا
بالنسبة للعزم ان كان اللومينا والكابريس 6 سلندر فاكيد الترتيب راح يكون اوريون /اكورد(6سلندر) لومينا فورد كابريس
بالنسبة للسعر وقت البيع تويوتا /هوندا بعدين الفورد اخر شي الشفر

طبعا نسيت الكابرس واللومينا .. ما أنصح فيها لكثرة أعطالها وتعقيدها

الأوريون ما أنصحك بها .. قاسية وفيه أصوات مزعجة كما لا حظت مع أحد الزملاء شاريها وكاله .. وأبحث في النت عنها وراح تجد كثير من يشتكي من ديكورها الداخلي .. ولا أعلم عن أسعار قطعها لكنها أعتمادية

الأكورد سيارة ذات جودة عاليه لكن قطعها غاليه .. يعني أبسط مثال الفحمات تستهلك كل 6 أشهر وقيمتها تقريبا 500 ريال فما بالك ببقية القطع

الفورد والماركيز .. سيارة لا يعلى عليها في الرساوة والراحه وأيضا توفر القطع ورخصها .. تحتاج لرجل هادئ في القيادة حتى تخدم معك أطول وقت .. والأفضل أنك تشتريها مستعمل لأن قيمه الوكاله غاليه عليها بحكم أن لها 12 سنة لم يتغير شكلها .. فيه مكاتب تستورد لك من أمريكا مباشرة أو أشتر من ميناء جدة أو الدمام مباشرة بتحصل النظيف والرخيص .. وأنت بكيف أهم شي أشتر راحتك .. اللي ترتاح له توكل على الله ولا تتردد .

فيكتوريا طبعا

ماركيز ا و فيكتوريا

اوريون.......

بالنسبة للفيكتوريا والماركيز مافيه فروق ميكانيكية أبداً

الفروق خارجية وبعض الاكسسوارات الداخلية وكشكل أفضل الماركيز على الفيكتوريا

السعر مادري بالضبط بس أذكر قريت اعلان للحاج رضا قبل فترة ان عندهم كميات من الماركيز النص فل (أزرار وكراسي مخمل) بـ 82 ألف ويجي بعد كشافات

لو تدور في الصالات مستورد من موديل 2006 إلى 2010 بتلقى شي نظيف ومشيه قليل بـ حدود 50 - 75 ألف والفيكتوريا غالباً أرخص من الماركيز ومافيه فروق بينها وبين 2011 السعودي اللهم ان السعودي غالباً يجي بـ كشافات

وعلى فكرة حتى الفيكتوريا والماركيز مايخسرك لو فكرت تبيع بعد فتره يعني يجيب لك سعر


إذا ما حصلت جديد عن الحاج حسين علي رضا خذ لك جوله على الصالات الي تستورد من أمريكا

الله يوفقك وييسر أمورك

اخوي بالنسبه للماركيز ماهي موجوده باي مكان بالعالم الا مستعمل لان وقف تصنيعها
اما الفكتوريا موجوده

بالنسبة للقوة والأداء الأفضلية حسب الآتي

1- كراون فيكتوريا - قراند ماركيز
2- لومينا او كابريس
3 -اوريون
4- اكورد

بالنسبة للإعتمادية وأسعار قطع الغيار

1 - كراون فيكتوريا وجراند ماركيز
2 - أوريون
3 - أكورد
4 - لومينا أو كابرس

بالنسبة لسعر مابعد البيع

1 - الأوريون
2 - كراون فيكتوريا - جراند ماركيز - أكورد
3 - لومينا أو كابرس

-------------------------------

بالنسبة للكراون فيكتوريا والجراند ماركيز سيارات عملية وممتازة وفيها رحابة وراحة ولكن حسب معلوماتي المتواضعة اان الفكتوريا والماركيز راح يتوقفون لفترة قد تمتد لـ 3 سنوات (ياليت أحد يصحح لي اذا كنت غلطان)

الأوريون أو الأكورد أشوف انها أنسب الخيارات بما ان هالسيارتين من ناحية سعر مابعد البيع رائعة جداً

واستبعد اللومينا والكابرس نهائياً
بالتوفيق