سيارات الهلال الأحمر السعودي

لا يا اخي الفاضل هي تابعه لـ فرق الخدمات الارضيه للإسعاف الجوي السعودي التابع لـ هيئه الهلال الاحمر السعودي ،،،

وانا ماعندي صور الان لكن اوعدك اوريك صوره مقربه لسياره التاهو حتى تتأكد من ذلك ،، بس بكره بعد الدوام ان شاء الله ،،

دمــت بـ ود

لعلمـك سواءا سياره الاسعاف ذات الشكل الصندوقي او الفان ، جميعها مجهزه تجهيز عالي وقادره على التعامل مع اشد الحالات حرجـآ بـ فضل الله ،،


بالنسبه لسيارات الهلال الاحمر فهي كلها تجهز ( محليا ) ولاتستورد جاهزه ابدا ، ولايوجد ابدا سياراه تأتي من بلدها اسعاف جاهز ابدا ، فكل قطاع يجهز سياراته وفق مايناسب المهمات المناطه اليه ، وهي على ارقى المستويات والمواصفات المقايسس العالميه ، وليست رديئه ،،

وقص الحديد لايوجد ياخي معدات قص حديد في سيارات الاسعاف ابدا ، فهذا من اختصاص الدفاع المدني وليس الهلال الاحمــر ، يوجد فقط مقصات لقص الخواتم والسلاسل وتقويم الاسنان في سياره الاسعاف ، معلومه خاطئه التي وصلتك ،،،

معاذ الله يا اخي كيف تتجرأ على اتهام الناس بـ الرشوه والجهـل ؟؟

حسب كلامك الوالد تم نقله بالاسعاف الخاص بالمستوصف ،، الخاص بالمستوصف وليس الاسعاف التابع لهيئه الهلال الاحمــر حتى تحكم على سيارات اسعاف الهلال الاحمـر بـ انها سيارات نقــل وشحن ؟!!!

انا لا اتمنى لك ولا لـ غيرك ابدا ان تركب سياره تابعه للهلال الاحمـر او تحتاج يوما للهلال الاحمــر حتى تقوم بـ الاطلاع على سيارات اسعاف الهلال الاحمــر ،، ولكن اذا حاب تطلع عليها حادثني على الخاص وانا مستعد انسق لك زياره لاقرب مركز اسعاف لك حتى تطلع بـ نفسك على ماسخرته هيئه الهلال الاحمـر السعودي لخدمتك ،،

واتق الله ولاتلق التهم جزافا على المسلمين يارعاك الله ،،

دمتم بـ ود

صفقـه فاشله للهلال الاحمــر ؟؟

يبدو انـك لاتعرف الفرق بين وزاره الصحـه وهيئه الهلال الاحمـر السعودي ،،،

الاترى شعار وزاره الصحه يظهر جليـّآ امامك ؟؟

ثم لماذا الحكم بالفشل على هذه الصفقه هـل انت مقيّم صفقات حكوميه مثلا ؟؟


مثل هذا الاسعاف التابع لوزاره الصحه هـو مصمم لـ مهمات تتناسب مع شكل وحجم وموديل السياره ،،،

فليس كل سيارات الاسعاف تحتاج الى محركات ذات قوه رهيبه وسريعه ،، فهذا الاسعاف مخصص لبرامج الرعايه الصحيه الاوليه والنقل للحالات المرضيه البسيطه بين مستشفيات وزاره الصحه ،،،

بالنسبه لهيئه الهلال الاحمــر فهي تمتلك اسطول متكامل من السيارات وعلى افضل المواصفات والمقايسس العالميه ، فهناك سيارات الاسعاف ذات التجهيز العالي جدا ، وهناك فرق الاستجابه المتقدمه والتي تكون عاده بسيارات صغيره لـ سرعه مباشره الحالات الاسعافيه ، وهناك فرق الدراجات الناريه وذلك لسرعه الوصول لمواقع الحالات في حاله الازدحام الشديد ، وهناك سيارات اسعاف مهيئه للتعامل مع اكثر من 8 حالات في نفس الوقت ، وهناك ايضا سيارات اسعاف ذات دفع رباعي وهي تستخدم من قبل الجهات الاشرافيه وتستخدم كـ سياره اسعاف في المناطق الوعره ، وهناك ايضا الاسعاف الجوي والذي اصبح يغطي مناطق شاسعه جدآ من ربوع بلادنا الحبيبه ،،،

التاهو ، والطائرة الهيلكوبتر شعارهم مختلف ، الظاهر أنهم للصحة .

حياكم الله ياهل الإمارات .

أنا قالي مسؤول في الهلال الأحمر : "أن أفضل سيارة إسعاف هي اللي تجي وارد أمريكا -زي ما تفضلت F-350- اللي على شكل صندوق ، أفضل بكثي من الفانات ، لأنها تجي جاهزة بمعداتها الطبية ، وفيها معدات زيادة (مثل آلات قص الحديد في الحوادث) .
مع العلم أن في شركات في الإمارات تجهزها محلي ، ولكن للأسف مستواها سيء ، ماهي مثل اللي تجيك جاهزة من الشركة الأم" .

صراحه استغرب كيف الهيونداى اسعاف
عندنا فى مصرر هناك المرسيدس و الفلوكس واجن

مشكور اخوي
الحين ذولا تابعين للصحة او للهلال الاحمر
لان الهلال الاحمر هم اللي معهم هيلوكبتر والصحة ماعندهم
واذكر انهم استخدموا الهيلوكبتر استخدموها في الرياض لنقل الحالات الحرجة و الابتعاد عن الزحمة

والله ودك المطنوخ أبو جنحان (الهيلكوبتر)

بلا سيارات , اللي لا سمح الله إذا إحتجتها تجيك بعد نص ساعه , والطرق السريعه الله يكفينا الشر أدهى وأمر

يوم تتكلمون عن سيارات أسعاف راح أدخل سيارات أسعاف إلى عندنا في الإمارات

أما نحن في الإمارات عندنا نفس سيارات أسعاف في أمريكا ford f350

حتى واضح أنه وارد أمريكا لأنه أنوار أمامية شغال ما تفصل

أما سيارات طوارئ و الإنقاذ جمس جديد و باثفندر جديد هذا إلى أذكرة


أما نقل موتى سيارات جمس أو فان جمس قديمة ..

المشكلة عندنا يا أخوان من اللي يحدد السيارة المناسبة لتكون سيارة إسعاف أو يتم تجهيزها لتكون سيارة إسعاف (( شخص جاهل أو مغرى بمبلغ مالي ))
أغلب سيارات الإسعاف عندنا هي سيارات شحن أو نقل بضائع كيف هاذي تكون سيارة إسعاف سيارات الشحن غالباً يكون التعليق الخاص بها خشن جدأ علشان الأحمال
أذكر مرة الوالد الله يرحمة وديناه بالأسعاف الخاص بالمستوصف القريب منا بعد الوصول يقول الوالد هذا ماهي سيارة أسعاف يقول إن فيها انواع المطب وغير مريحة

الهلال الأحمر يظهر عندهم التنويع , يعني مو متعصبين لشيء واحد :smilie16:
يوجد فان مرسيدس سبرنتر. يستخدم بكثرة في كل مكان بالعالم إلا السعودية نادر جدًا وجوده هنا. ربما لأنها تتوفر بمحرك صغير 4 أو 6 سلندر. و إلا لو حطو فيها 8 سلندر لا تقول لي لا فورد و لا جي إم سواءً ديزل أو بنزين.
و فعلاً لو يتم استخدام باترول الجديد 2010 زي ما تفضلت كان شيء ثاني.

بس في النهاية أعتقد السالفة مجرد مناقصات و كل واحد يمشي لزميله من تحت الطاولة. و الدليل الأسعاف الهونداي !
:a1120(121):

وعليكم السلام
ما شاء الله عليكم ......الشرطة وعرفتوها ،،والحين الاسعاف ..ماباقي الا المطافي:bigggrin:
الله يعطيك العافية يالضيف ....

والله الاسعاف لازم يكون فورد او جي ام
لان اوسع ومكائنها كبيره

وعليكم السلام ورحمة الله وبركاته
حياك الله يالغالي ، شرفتنا بمرورك .

بالتوفيق للهلال الاحمر

المعذرة ... تم رفع الصور .

وبرأيي أن الأمريكي في الإسعاف هو الأفضل ، من حيث الحجم وقوة المحركات .
مع العلم أن اللي يستخدمونها غالبا ماتكون ديزل ، لكن عزم الفورد والـGM بالديزل خيالي ، وتسارعه قوي .

أما الدفع الرباعي : فالأفضل الياباني ، -وأتمنى- الباترول الجديد 2010 ، حجم وعزم ...

أما الكوري وللاسف :





هذي الصورة المعبرة ، لصفقة فاشلة للهلال الأحمر ...:a1120(121):

والسبب : موظف جاهل ، همه يحقق مكسب شخصي ، ولا يهمه أرواح الناس .

والله لو وظفوا واحد من شباب المنتدى ، لكان شفت اللمبورغيني اسعاف ...:bigggrin: