ارجوكم شاركوني في مصيبتي

ماجد الشمال 1 @user_221129 · 02-05-2011

السلام عليكم ورحمة الله وبركاتة
مطول عليكم قبل ثلاث ايام رحة للبر وستانسة ونبسطة هناك
وبعد ماتعشيت وسهرة روحة للبيت وعند مانزلت من السيارة
ابي افتح باب الحوش عشان افوت السيارة
كأني شفت اولمحة شي زرق تحت مرتبة الكرسي الامامي حق الراكب
دخلت السيارة جوى الحوش دورت وضويت بلكشاف تحت الكراسي ماشفت شيئ
الصباح جالس انزل بالغراض الا اشوف ابو الشباب الجرذي متكي
عند الاغراض حولت اخرجة من السيارة لكن بسرعة اختفاء داخل الطبلون
طبعن رحت للبقالة على طول جبت فليت وخرقة العلبة ورميتها بسيارة وكتمة القزاز
العصر فتحة السيارة حاولت ادورة مابين شيئ بسيارة مشيت بسيارة مافيها شيي
بس المكيف والمسجل بطل يشتغل
اليوم الصباح شغلة السيارة ابي اروح لشغلي
يوم دقيت سلف الا وسيارة تفتف ولها دخان اسود وعزمها طايح بلمرة
والتفت ورى الا ابو الشباب نقزمن الكرسي الخلفي ماأدري وين راح
تكفون بهدلي بسيارة ايش اسوي
وهل ان التفتفة والدخان الاسود وفصلت المكيف يكون قطع اسلاك كهرب بطبلون
تكفون وش اسوي ساعدوني بلحلول:smilie20:

omhnm @user_223423 · 30-03-2012

الحمد لله ان المشكلة انحلت
بس يا اخي الكريم ترى اللي سوبته بالجرذ حرام ولا يجوز تعذيبه بهذا الشكل

Meshal.M.Y @user_229960 · 29-01-2012

مايجوز تعذيب اي مخلوق حي

مااقول الا الله يهديك فعلاً شيء قاسي ولايجوز !!

فوزان2008 @user_166017 · 14-11-2011

ياخي مالك داعي لو انك معطيني خبر كان شريت منك ذا الجرذي بحق الظفير .
( ولله ياعندنا واحد في حارتنا مأذينا بتفحيط والأزعاج اه لوك بايعنياه واحطه في سيارته ونرتاح منه )

nemsis @user_269187 · 14-11-2011

كفو والله انا لو منك سويت اكثر

عالعموم والله كلفك دراهم هالفار موب هين :xyxwave:

المداوي 11 @user_66681 · 09-05-2011

خاف ربك ليش عذبته؟؟

أبو ديـــــالا @user_149616 · 09-05-2011

بس والله التعذيب ما يصلح

هو بهيمة , يعني ما سوا هالحركات بقصد إيذائك

الله يعفي عنا وعنكم

الحنووووني @user_218758 · 08-05-2011

وعليكم السلام ورحمة الله وبركاته

هلا اخوي الحل بسييط ان شاء الله

جب كرتونه مربعه مو كبيره ولا صغيره وحط عليها بشكل خطوط جـنب بعض على متسوا الكرتونـه وحط عليها لزق الفأران وحط بوسط الكرتونه شيء من الأكل حطها في المرتبه اللي ورا كرتونه واللي قدام كرتونه وحط على كل كرتونه أكل وان شاء الله بتصييده

محبكم2010 @user_187516 · 08-05-2011

تصدق لو انا كان ناديت له الشيخ توم هههههههههههههههههههه يتفاهم معاه .
بصراحه انا حصلت لي مشكله مقاربه لك والغبنه ان السياره في ذاك الوقت بعد ماطلعتها من الوكاله بشهر تقريبا وكنت اسوق السياره واسمعه جوة الطبلون يخرفش كنت اخاف ينط على رجلي ياخذ نصيبه المهم اسبوع حاولته يطلع ولكن مافيه امل الغريب انه كان في الليل وقت البروده يخرج على المكينه يتدفئ وحصلت اثاره ومتابعه بقوه ووقت النوم يدخل جوة السياره ههههههههههههه.
اخذت له سم وكل الرجال وعفن بالسياره وفكيت الطبلون كامل جلست امكن 3 ساعات عشان احصله وماحصلته بالنهايه والله حصلناه وراء مقعدة السواق ولكن مايضر الشاه السلخ بعد الذبح :smilie20:
ااااااااااااااااااااااسف على الاطاله .

العابر.. @user_253917 · 08-05-2011

أما ذالجرذي نذل من جد..
حقه وماجاه يستاهل... وبعد لو أني مكانك لأعلقة بذنبه في الصدام اسبوع كامل وأفربه في الحارة وأسحبه في كل شارع عشان يكون عبرة لغيرة من الجرذان..

عبدالعزيز 8 @user_231972 · 08-05-2011

الحمد لله ان مشكلتك انحلت

ولكن اشور عليك تتصدق لأنك عذبت الجرذي والمفروض تقتله من دون تعذيب
بالتوفيق

ماجد الشمال 1 @user_221129 صاحب الموضوع · 08-05-2011

الله يبشرك بالخير. أجل التنر ينفع في هذه الحالات.

و عقبال ما تترك: :eh_s(7):

الحمد لله انحلت. و أخونا جالس يفطر و يتغدى على الظفيرة, وش الطعم الي فيها!!

امين انشاء الله رح اتركة والله يسمع منك
اتنر نعم رائحتة قوية ونفاثة
س-وش الطعم الي فيها الى كان جالس يفطر ويتغذى منها ؟
ج- ظفيرة : محشوة بالاكترونات سالبة وموجبة:smilie16:

lami @user_33191 · 07-05-2011

من جد شيء مره مزعج

الحمد لله على كل حال

ماودك ادق ابدنك شوي؟؟؟؟:a1120(86):

ماتهقى ان الجرذ امداه يولد داخل السيارة علشان يمدي يصير جزء ثاني وثالث؟؟:smilie16:

المفروض تأكدت انه ذكر او انثى؟؟؟؟

عذرا مجرد تخيلات مزعجة الله لايقوله

تحياتي لك:wavey:

super_safari @user_201024 · 07-05-2011

الله يبشرك بالخير. أجل التنر ينفع في هذه الحالات.
و عقبال ما تترك: :eh_s(7):
الحمد لله انحلت. و أخونا جالس يفطر و يتغدى على الظفيرة, وش الطعم الي فيها!!

ماجد الشمال 1 @user_221129 صاحب الموضوع · 06-05-2011

السلام عليكم
قام الفلبيني صباح يوم الخميس بوضع علبة مملؤة بمادة تنر مزيل البويا ثم خرق الغطاء من اعلى ووضعها داخل السيارة
ثم احظر قطع من الكراتين ووضع الصمغ الاصق على الكرتين تحت الطبلون
طبعن رائحة مادة التنر قوية جدآجدآ وفواحة وسكر القزاز كتم وقال انتظر والله مرح تكمل السيجارة التي بيدك الا ملعون الوالدين تشوفة يفحط على الصمغ
والله العظيم فعلآ مكملت السيجارة الا وهو يفحط على الصمغ ومنصطل ومكلبشة الصمغ تكلبش
قمت بربطة بحبل مع رجلية قلت للفلبيني وتركي على طول فية بطارية خربانة عندا قبل يومين كنت مغيرها حقت الحراثة فظوها لي وجيبو لي الأسيد حقها
وبعدما احظرو لي الأسيد في وعاء
قمت بتنزيل الاجرذي في الوعاء حبة حبة حتى تفصخ جلدة وعظمة من الأسيد
طبعآ الضفيرة كانت فية ظفيرة لم يبقى منها الا افتفيت
اشتريت ظفيرة كاملة بسعر1350ريال
وتم تركيبها والحمد لله اشتغلت السيارة تمام التمام

عبدالعزيز 8 @user_231972 · 03-05-2011

الله يكون في عونك
روح لسوق بنده عندهم كرتون لاصق تضع عليه جبنه وتضعها عند دواسة الارجل
موضوع التفتفه وغيره اكيد انه قطع بعض الاسلاك وديها لكهربائي يشيك على جميع الاسلاك.
موفق اخوي

super_safari @user_201024 · 02-05-2011

و الله يا خوي ماجد أقول أعانك الله. قصتك عجيبة و فيها طرفة بنفس الوقت. ما أدري وش أقول لك لكن يجب أن تفك البطلون , و ما أظن العملية صعبة على متمرس للمهنة مثلك.
تقطيع الأسلاك واردة و بقوة. إن شاء الله يكون بس في نهايات الأسلاك و لا يوصل لأصل الظفيرة الداخلية. أما التفتفة و الدخان الأسود و ضعف العزم فأول ما أفكر فيه هو البواجي أو أسلاك البواجي عزيزي. ألق نظرة على أسلاك البواجي.
شكله ذا الجردي ما خلا لا داخل السيارة و لا خارجها هالمحترم!

و عسا هذا الابتلاء كفارة ذنب. و احمد الله على كل حال.

الحــامي @user_258529 · 02-05-2011

الله يعينك على مصيبتك جبلك قط وحطه في السيارة لعل وعسى يحل مشكلتك ههههه
لا جد الجردي في السيارة بيجوع وماله الا اسلاك السيارة يصبر نفسه فيها حط له حباله فيران وبتجيب اجله

ماجد الشمال 1 @user_221129 صاحب الموضوع · 02-05-2011

افا وين الشعب