اسعارقطع غيااااار البانوراما 2006

ياهلابك اخوي:xyxwave: SIERRA واسعدتني بردك . الله يطعمك خير موترك ويكفيك شره

ونقول لأي واحد من الشباب اللي بيآخذ الموتر الله يهنية ولايحرمنا يارب

والله صدقت اخوي مايختلف عليه اثنين الألماني قيمته فيه.

ننتظر التفاعل من باقي الشباب وردودكم تسعدنا وتثري حوارنا ونقدم خدمة لأي واحد

من الشباب ناوي على موتر انه يعزم على الموتر اللي بخاطره نصير حطينا النقاط على الحروف

ماخلينا مجال للحيرة والتردد .

أحيييييييييييييييييه
أقول بس خلنا على الشفر
اذا رزقنا الله بفلوس شرينا البانوووو
هذي ميزة الالماني مايختلف عليه اثنين
الله يزرقنا بوحده

هلابك اخوي toplife اسعدتنا والله بهالمشاركة مثل سعادتي بباقي الاخوان اثريتنا بردك

والله اانا احب اضيف اخوي على كلامك شغله بما ان البانوراما معك وانت من واقع تجربة

تكلمنا وبصراحة هذا اللي حنا ندوره نبغى ناس مجربة او لديه اطلاع اوعلم بالسيارة

عشان تتضح الامور لجميع اخواننا الشباب اللي في حيرة وانا جربت هالحيرة

بالنسبة اخوي لمشكلة البانوراما مخ القير والله انك صدقت فيها وانا قريت في منتدى

ثاني لناس كانت تشكي منه ولكن انا اللي سمعته انهم يسوون up date تحديث

للسوفت وير بعدين يضبط هذي من خلال قراءتي فقط وبالنسبة للهايدروليك

فعلا جبت سعره بالضبط سعره في موزع الحداد كانك من الشرقية بــ 5000 ريال

انا بنفسي سألت عنه وفي ورشة نايف مايقل عن 4500 ريال بس قريت في منتدى

ثاني انك تقدر تركب هايدروليك لكزس 460 2007 ومايفرق ولاشي وتركبه في الكويت

في الشويخ اي ورشة هناك تضبطه لك على اللي قريته اخوي ويفرق في السعر فرق كبير

اللي قريته ان البانوراما الامامي 2 بتاخذه بــ 10000 ريال اللكزس بــ 5000 ريال

هذا اللي قريته ومسمي نفسه( ملك الهايدروليك) ابحث في جوجل وانا اخوك يطلع لك

واقرى بنفسك المعلومات اللي اقول لك عنها انا نقلت اللي قريته للفائدة ياشباب

لأني والله كنت افكر بهالسيارة وفي بالي الموتر لكن من خلال اللي قريته في منتدى

اخر بالاضافة اني سألت واحد من الاقارب معه السيارة فاكها وكالة على يده قال لي

شوف البانوراما ياتاخذه جديد ولاأنحش .

وبالنسبة لقطع الغيار اقل بكثير يعني خذ عندك مثلا الهوبات الامامي بــ 600 ريال تقريبا

والخلفي بحدود الــ 450 تقريبا لان ياشباب كان عندي ورقة الاسعار موجودة كاتب

فيها اسعار الفحمات والهوبات وان شاء الله بمجرد ماألقاها راح ازودكم بالاسعار المكتوبة

فيها وكله هدفنا تعم الفائدة للجميع . اشكر لك اخوي مرورك وردك اسعدني . وننتظر التفاعل

مع الموضوع من باقي الشباب . هذا موضوعكم ياشباب وموضوع يهم كل شخص بيشتري

وكل رد فيه يسعدنا والله .

مرحبا يالغالين

بخصوص البانوراما (( فيه عيب مصنعي وهو بلف البودي (( مخ القير وكل البانوراما بشكل عاام يعني اقدر اقولك 95% من سيارات البانوراما فيها هالمشكله موديل 2006 و2007 )) وكلام اكيــد يالغالي وللتأكد الرجاء الذهاب للصناعية القديمه والسؤال بورش مرسيدس بنز ورؤية كم عدد مخ القير الموجود من القديم راح تحصل اقل ورشه عندها 5 كراتين يعني مغير ل5 سيارات وقيمة تصليحه بالوكالة 12 ألف قبل الخصم وفيه نسبة خصم وكذا وخارج الوكالة ب9 آلاف .. ثاني شي يالغالي الهيدروليك مكلللف جدااا وانا من الناس اللي غير الهيدروليك وسعر الواحد بعد الخصم تقريبا ب5 آلاف وخارج الجفالي ب4000 آلاف والخلفي ب5000 خارج الوكالة ولا اعلم كم بالجفالي واسعار المجدد بالصناعيه ب2250 والمستعمل 2400 وكلها تعبانه للأسف من تجربه مافيه شي زي الجديد ولكن حافظ عليه من المطبات وغيرها .. وبالنسبه للأخوان اللي يقولون الفحمات 1030 ريال او كذا ما ادري عن الموزع وعن جودة الفحمات ولكن انا شخصيا سألت عنها بالوكالة ب2200 وغيرتها خارج الوكالة ب1700 الاربعه كامله وان شاء الله اتأكد لكم ميه بالميه بالاوراق ولكن 80% انها ب1700 خارج الوكالة ..


والسياره يالغالين مشكلتها وعيبها القيــــــــــــــــــــــــــر وركزو على كلامي بالذات 2006 و2007 وانا من الناس اللي غيرو مخ القير بالوكالة وللأسف اذا الوكالة نفسها تقولي عيب مصنعي بالبانوراما بشكل عام وضمااانك للأسف منتهي لذلك تدفع قيمة البلف ريال ريال والشكوى لله

اتمنى افد الجميع علما ان هالكلام صار له 5 شهور تقريبا ما ادري اذا تغيرت الاسعار او كذا ابرء ذمتي وشكرا للجميع

هلابك اخوي :xyxwave: vip111 ونورت صفحتي عزيزي والله يشرفنا انك متابع واننا نفيد ونستفيد

لأن اي موضوع نطرحة هدفنا منه الفائدة العامة اللي نرجوها والشكر موصول للأخ

( منصور ) اللي عزز هالتفاعل واثرانا حقيقة والعفو اخوي vip1111 ماسوينا الا الواجب

واحنا بهالمواضيع نبي نبعد الحيرة عن الشباب اللي ناوي على أي موتر في خاطره

وعسى الله يوفقك بالموتر النظيف اللي يسر خاطرك ومبروك مقدما والله يعطيك من خيره

ويكفيك شره يارب. ونتمنى اننا نكون نورناكم بحوارنا عن البارنوراما.

متابع للموضوع .. معلومات قيمة تشكرون عليها جميعا

خصوصا وان السيارة ضمن خياراتي باذن الله

هلابك اخوي منصور ويامرحبا بهالرجعه:xyxwave: عزيزي بالنسبة للسيارة اللي كانت معي احب

اصحح لك

المعلومة ان الموديل 93 وكنت ماخذها عام 97 مهوب 2007 عفوا بس اخطيت مع السرعة

في الكتابة . وبالنسبة للورشة اللي وضبت فيها القير مهوب المكينة المكينة سليمة

القير وضبته بحدود 3500 على مااذكر . البي ام سيارة متعبة وغير عملية خذ شكل بس

استخدام وعملية انسى حساس جدا يمكن اجواءنا ماتناسب هالسيارة تناسبها الاجواء

الباردة . والله يااخوي منصور استخرت وان شاء الله نشوف اللي ربك يكتبه

هي شكلها بين لكزس 460 2007 ولا رنج سبورت 2006 ولا بانوراما 2006 امريكي

وبالنسبة للهايدروليك لو لاسمح الله الله لايقوله وجتك مشكلة فيه رح الكويت وانت مغمض

رح للشويخ فيه هناك محلات تغير الهايدروليك الى هايدروليك لكزس 460 2007

وعلى اللي قريته ان السعر نص قيمة هايدروليكين في البانوراما

وبالنسبة لمخ القير تسوي له اب ديت للسوفت وير لو لاسمح الله صار شي فيه

اخوي منصور ولاعليك كلافة ان قدرت تجيب نسخة من فواتير البانوراما

وتصورها تصوير بجوالك وتحملها على المنتدى عشان استفيد من تجربتك

وغيرنا يستفيد وتنورنا لأنك مجرب ومثلك عارف وفاهم بعكس كلام النت ماتدري

وش الصحيح منه عشان اعرف كم اسعار القطع لان وانا اخوك مريت محل الحداد

حق قطع غيار مرسيدس وسألته عن الفحمات والهوبات بس مثلك عارف فيه قطع كثير

غير هاذولي الواحد المفروض يسأل عنها عشان يسوي مقارنة صحيحة بين قطع

السيارات الثانية ومثلك عارف العامل اللي في المحل ماراح يجاوبك عن اسئلة

انت ماسألتها له لأني حقيقة مدري وش القطع الاستهلاكية اللي المفروض الشخص

يركز عليها ويسأل عنها غير الفحمات والهوبات . انا قد قريت لك رد اخوي منصور

على موضوعي هذا تقول فيه ان سعر البواجي 500 ريال وان السيارة فيها 12 بوجي

فمعناته 500*12 = 6000 ريال ومع الزيوت وشغل اليد توصل حول الــ 7 آلاف واااجد والله

فحبيت اتأكد هل المعلومة صحيحة مثل ماكتبتها لك الحين ولا أنا اخطيت في الفهم

وماقصرت اخوي على تفاعلك مع موضوعي وردودك اللي اثرتني

ونورتني بيض الله وجهك تواصلك غير مسبوق ولاعمري شفت شخص يتحمس

في ردوده ويتفاعل مع موضوع معين من دون أن يمل وان دل يدل على رحابة صدرك

وحسن ذاتك . ألف شكر اخوي منصور ماقصرت يالغالي :xyxthumbs:

هلا اخوي .. على طاري البي هم تذكر خويي اللي قلتلك عليه معاه بي ام 2007 750 امريكي قبل يومين ضرب عليه مخ الجير ويقول بيكلفه حول 17 الف ريال تغيير مش ابديت لما سالته وشلون ضرب عليك قال كنت ادرفت عليها هذا مثال على اللي ما يستخدم السيارة بحشمة وبعدين يسب فيها والبي ام اللي كان معاك انت ماخذه تقول على 2007 وهو موديل 93 يعني مار عليه 14 سنة بس المرسيدس اللي انشالله بتاخذه مار عليه حول 5 سنين يعني بعز شبابه وشدني انك وضبت المكينة ب3000 تصدق اني موضب مكينة ماركيز 2003 ب5000 !!!

واذا هي بخاطرك وتوفقت بوحده نظيفة (تفحص بالجفالي وشف الكشف وروح عند نايف او الفردوس واسال كم يكلفك تغيير الاشياء اللي طلعت بكشف الجفالي لو مسمار بس على اساس انها اشياء خفيفة وبتلقى نص التكلفة اللي بكشف الجفالي راحت ووقتها تفدر تفول ان السيارة على يدك )بعد استعمال سنة ادخل على هالموضوع والمواضيع اللي تقول انك شفتها بالنت وقول ايييه اصالله عا هديك الايام وصدق من قال مو كل شي ينكتب بالنت يتصدق لانك وقتها بتكون جربت سنة وبتكون احلى سنة باذن الله يا عزيزي 5 سنوات استخدام ما حطيت غير اللي قلتلك عليه عملي الى ابعد الحدود باستثناء الحساسات والكمبيوترات لانه فجاة تصير مالها علاقة باستعمال الE قبل سنتين ضربت علي كل كمبيوترات السيارة وكلفتني 11 الف بعد فحص وتمحيص طلع ان الكنترول اللي يوزع الاوامر بين الكمبيوتر الاساسي للاجهزة اللي بالسيارة داخله ماي بسبة الجو الحلو اللي عندنا بالدمام الرطوبة ومع المكيف ومكانه تحت الدركسون شلون دخله ماي ماني عارف يومها كان يوم اسود علي وعلى الجفالي لانه على كلامهم اول مرة تصير العطبة هذي بسيارة مرت عليهم ..

هلا اخوي منصور لاحبيبي مافيه اشكالية التأخير أهم شي انك بخير وعافية كلامك سليم بس مثلك مايجهل نايف صاحب ورشة وصاحب الورشة يبغى يستفيد وهذا ابسط حقوقه عشان يكسب زباين انا تراني كان معي بي ام الفئة السابعة 740 اي ال هالكلام عام 2007 كنت ماخذه مستخدم وكان موديله 93 عانيت وانا اخوك معاناة غير طبيعية لدرجة كان يطلع عندي صوت لادقيت سلف بالموتر طقطقة مكينة ورحت لورشة نايف كان عندهم عامل اردني قال افتح الكبوت وشيك الموترثم قال لي الله يعينك المكينة مخبطة انصدمت ضاقت فيني الدنيا شلون بداوم وثلك خابرالجلسة بدون سيارة متعبة فقلت اتوجه لورشة ثانية امري لله وفعلا رحت للخضرية فيه ورشة فيها شخص لبناني كشف على الموتر قال لي السيارة فيها مشكلة في منظم الكهرب مع ان الانوار تشتغل طبعا شاحنها بصطحه وانواع البهذلة بعدها رجعت لورشة نايف وقابلته شخصيا وعلمته عن المشكلة نادى العاملوسأله قال ايه انا قلت وفعلا مخبطة طبعا جبت معي البرنت حق ورشة اللبنانيكلفتني تصليح مع قطع حدود 2500 ريال والالماني الماني حتى لو قديم قطعه مكلفة والبي هم انا سميته يبهذل من جد . عدت هالمشكلة وطحنا في مشكلة ثانية اذا سحبت القير من البارك ل الان ثم الدي ضربة قوية تخوف واحيانا يعلق في البارك اذا جيت تسحبه واحيانا في الريوس الضربة تطلع نفس الشي المهم صارت المشكلة ان القير يبي له توضيب ووضبته بحدود 3500 بعد الخصم . فأخوك طالع من معاناة مع الالماني ولكنه عاشق له غير الكارتير حق الزيت اللي قد غيرته وغير تانكي البنزين اللي غيروه لي الوكالة كذب مع الطرمبة اللي قصة لحالها . الله يكفيك شر كل خراب بس وانا اخوك انا قريت عن البانوراما انه فيه مشكلتين تتكرر في سيارات بانوراما الا وهي مخ القير والهايدروليك والهايدروليك قريت في منتدى لاحبيت ارسل لك رابطة فأنا حاضر وانا اخوك وفي خدمتك حبيبي انه تقدر تركب هايدروليك لكزس 460 2007يركب عليه. وبالنسبة لمخ القير قريت نفس الشي في نفس المنتدى انك تسوي له اب ديت للسوفت وير لان اللي قريته ان البانوراما اكثرها حساسات وكمبيوتر واذا حبيت اخوي منصور نتواصل عن طريق الايميل فأنا اتشرف اكسب اخ عزيزومنها ازودك بأي شي يستجد معي بالنسبة للبانوراما وانت كذلك ونكون على تواصل ونفيد ونستفيد من تبادل المعلومات وكلها في مصلحتنا لأني حقيقة استخرت وبشوف اللي ربك ييسره . بالنسبة لورشة نايف تراني معهم من عام 99 تقريبا ان ماخانتني الذاكرة الرجال طبعا الحين يبيع قطع غيار مستعملة موجودة عنده وكاني منيب غلطان يبيع جديدة طبعا الهايدروليك عنده الواحد بــ 4500 تقريبا وفي الحداد بــ 5000 ريال على كلامه يقول موزعين المرسيدس كثير اكثر من 5 موزعين عددهم لي الرجال طبعا شهادته مجروحة لانه صاحب ورشة ويبي يستفيد ويبيني اكون زبون دائم عنده . هو لو انه مانصحني بالبي ام كان فكرت فيه لكني مجربة وواحد من اخويايكان معه 97 واتعبه خسر عليه 20 الف ريال في سنة . هو معه بي ام لانه صاحب ورشةاي عطل يصير يضبطه في ثواني وعارف السوق والقطع فمايخاف من شي لو يآخذ اوديعادي يسلك معه مثل الحلاوة . لكن حنا صعبة نسأل ونتحرى ونقول يالله السلامة .

هلا اخوي و السموحة على التاخير ..

ما بعد كلام نايف كلام هو شخص عنده ورشتين وفاااهم بالالماني خصوصا انه يجي للورشة كثير فاكثر واحد يفهم بخرابها بحكم انه تمر عليه كثير سيارات وانا بصراحة ما خرب علي الهيدروليك وانشااله ما يخرب وهو صحيح تكلفت تصليحه عاليه اذكره من ايام الفياجرا نفس السعر تقريبا بس آخر سنيتن بموديله لقوله حل انه يبدلون الهيدروليك بمساعدات صحيح انها مستحل تعطيك اداء وراحة نفس الهيدروليك بس للي ظروفه ما تسمح وما يهمه كثير الهيدروليك تنفعله بس بخصوص الموديلات الجديدة من S من 2006 الى 2011 ما سمعت عن اعطال بالهيدروليك و سيارتي مرت على طرق جدااا سيئه ولمرات كثيرة والحمد لله ما صار فيه شي وسبب المشاكل بهيدروليك الفياجرا ومو كل موديلاته بس من 99 الى 2003 بعدها صار ما يشتكي من شي لانه مرسيدس غيرت الهيدروليك من زيت الى هواء على ما اذكر ..
سويت بحث ولقيت ان اللي ممكن يخرب مش مساعدات الهيدروليك اللي احتمال يخرب الكمبريسر (الماطور) تبع الهيدروليك ..
http://www.benzworld.org/forums/w221-s-class/1305046-07-s550-air-suspension-woes.html

ودام نايف قالك اخذها صدقني الرجال ثقة جدا جدا جدا وهو على ما اذكر معاه بي ام الفئة السابعة الشكل اللي راح

العفو اخوي/ منصور الشكر لك ولرحابة صدرك وهذا المنتدى ملتقى لنا لتبادل المعلومات اخوي منصور حبيت احطك في الصورة واستفيد من خبرتك بالبانوراما حقيقة انا مريت اليوم ورشة نايف على طريق الخبر وبالصدفة قابلت الاخ نايف وسألته عن اعطال البانوراما قالي انصحك يابانوراما ولا بي ام لكن ابعد عن اللكزس 460 لان سمعت ان فيها تهريب هوى في الخط بالاضافة لانه يقول انا مااشتغل باللكزس ولااستقبل غير الالماني وقال لي انصحك بالبانوراما امريكي يكون حاول تاخذ 2007 قال الامريكي يطلع عليك ارخص ب 30 الف تقريبا عن السعودي هو نصحني بالبي ام والبي ام كان معي قبل واحد وتعبني قطع نار وصيانة الناغي تعبانة واستغلاليين ويطلعون لك الف علة في السيارة لكن المرسيدس اللي اسمعه انه افضل من البي ام وقبل مااجي لورشة نايف مريت الحداد وقلت اسال عن الهايدروليك كم سعره انصدمت من سعره طبعا على كلام موظف الاستقبال اللي في الحداد ان في البانوراما 4 هيدروليكات الواحد بــ 5000 ريال يعني الاربعة بـــ 20 الف ريال طبعا سألته يفرق الفئات اذا كانت 350 او 500 قال القطع نفس الشي بس الفرق قوة المكينة سعر القطع من 2006 حتى 2009 ماتفرق بس بعدها من 2010 ارتفعتاسعار القطع على كلامه فمريت عبداللطيف جميل وقارنت اسعار لكزس 460 2007بالبانوراما 2006 لقيت البانوراما ارخص بفرق مهوب سهل بس شغلة الهايدروليكفي البانوراما هي اللي خلتني اوقف شوي تخبر بتشتري مستخدم ماتدري وش يطلع لك مع الاستخدام واذا خرب عليك الهايدروليك وش السواة من وين تشتريه مع اني سألت يقولون مايتصلح بس يتغير.

شكرا لك عزيزي وما سوينا الا الواجب .. لا انشالله تغيره لـ مالك بانوراما ..اعقلها وتوكل ما بعد البانوراما سيارة هي السيارة بحئ وحئيئي ..

عفوا اخوي سلمان كم موديله البانوراما اللي معك واي فئة وهل هو وكالة ولا مستخدم ومن خلال تجربتك مع محلات قطع الغيار وش المحلات غير الحداد وهل فيه ورش ممتازةواسعارها معقولة غير ورشة نايف لأن الحقيقة ودنا يكون عندنا اكثر من خيار الواحد يختاره وينتقي الزين منه واللي اسعاره معقولة وخدمتهم ممتازة وشغلهم 100% ياليت ولاعليك امر تفصلي تجربتك مع البانوراما وقطع الغيار والصيانو والورشووش اكثر مشكلة صادفتك مع الموتر لاسمح الله وكلفتك مبلغ عالي حقيقة الاخ منصور ماقصر نقل لي تجربته مع البانوراما وشرح لي كل شي فياليت اذا عندك اضافة تفيدني فيها اكون شاكر ومقدر لك خدمتك هاذي. وتقبلو فائق التقدير والاحترام

وهذا ايميلي للتواصل واتشرف فيكم اخواني [EMAIL="[email protected]"][email protected][/EMAIL]

الف شكر اخواني الاخ / منصور :xyxwave:

ماقصرت حقيقة يعجز لساني عن شكرك قدمت لي معلومات
جدا قيمة وهذا ينم عن خبرة مع الالماني ماشاء الله تبارك الله ولاانسى الاخ/ سلمان
عقب على كلامك اخوي منصور وزودنا باللمسات الاخيرة
كفيتو ووفيتو مابقى الا الاستخارة ثم نعقلها ونتوكل ماشاء الله اول مرة تحصل معي
حقيقة القى ناس فاهمة ومجربين وينقلون لك تجربتهم بصدق وشفافية العادة مع احترامي
للمنتديات الاخرى يااجتهادات شخصية
وكلها خطأ ولا وكالة ( يقولون ) اللي ضيعت ناس كثير حتى انه وصل لمرحلة ماعاد
صار اي شخص يصدق المنتديات وانا ماألومه لانه مالقى أمثال أخوي منصور واخوي الثاني
سلمان مع احترامي للجميع لكن وجدت من الاخ منصور قمة التفاعل مع الموضوع
والرد السريع والجواب الشافي لكل تساؤل وكمل معروفة بتزويدي برقم مركز الحداد
لقطع الغيار حقيقة انت والاخ سلمان مفخرة لكل منتدى . وتقبلو وافر الاحترام والتقدير

انا بغير اسمي من ناوي على بانوراما إلى جازم على بانوراما ان شاء الله خخخخخخخ.:bigggrin:

والله اخوي منصور ما قصر .. كفى ووفى ..

وانا مع الاخ منصور بكل كلمه قالها ولا ازيد عليها شي .. انا قماشات سيارتي اغيرها كل سنه بـ 800 ريال عند نايف .. والزيت كل 15 الف بـ 500 ريال .. والبانوراما سياره ما شاء الله عمليه جدا جدا .. ولا ابيك تتردد بمشتراها اذا حصلت شي يسوى ونظيف .. بالنسبه للامريكي .. انا خويي توه ماخذ 2008 اس 500 .. والحمدالله ما غيرنا فيه شي غير برمجه الطبلون والمسجل وبسس .. كل شي نفس ماهو وما شاء الله انظف من السعودي يجيك كـ بودي و ماكينه .. الله يوفقك ويسهل امرك اخوي :)

آمين الله يسمع منك وا اكمل التشكيلة الالمانية .. التامين اسااسي عشان تريح بالك وعند التعاونية شامل لانهم مريحين بالتعامل وموثوقين .. اسعار قطع الغيار بين الجفالي والحداد تفرق من 10 الى 20 بالمية تقريبا والحداد كان وكيل مرسيدس قبل الجفالي يعني مامنه خوف وكل الورش تتعامل معاه ما تتعامل مع الجفالي .. بالنسبة للصيانة بالجفالي ايه بصراحة مكلفة لان شغل اليد ينحسب بالساعات يعني بالوقت اللي ياخذونه وهم يشتغلون بالسيارة يعني كم ساعة اشتغلو بالقطعة الفلانية يمشي عليها الحساب نفس نظام بايكات الهارلي .. بصراحة ما ادري عن الالماني استخدام امريكي واحد من اخوياي معاه 750 2007 بي ام استخدام امريكي والحمد لله ما يشكي من حرارة او شي بحكم انه استخدام امريكي بس انا كان لي تجربة بسيارتين استخدام الاولى كانت ماركيز 2003 امريكي ما شكيت من حرارة ابد والثانية تاهو Z71 2004 هذا بهذلني بالحرارة فما ادري صراحة عن المرسيدس استخدام اكيد بيكون انظف وله سجل كامل بالكارفاكس والاتوتشيك بس بالنسبة للالماني السعودي او الخليجي بعد ما منه خوف لانه له ملف بالوكالة .. اذا هي راجعة لي باخذ سعودي او خليجي مسجل بالوكالة وجاهز وواحس اريح نفسيا .. بالنسبة لمنتديات بالنت ما اعرف الا مرسيدس فور اراب وبصراحة ما عندهم خبرة بالمرسيدس الجديد معلوماتهم كلها عن القديم الفياجرا والشبح بس اذا عندك لغة انجليزية فيه كثير منتديات مرسيدس benzworld او اشهرهم
mbworld.org

وانشالله تتوفق بالفخر الالماني النظيف ..

شرح وافي ماشاء الله تبارك الف شكر على هالمعلومات القيمة :xyxwave: الله عليك اجبت عن كل

التساؤلات اللي كانت محيرتني :xyxthumbs: وكلمت


طال عمرك الحداد وتأكدت من قطع الغيار مثل ماتفضلت بذكر اسعارها معلوماتك جدا ممتازة


وشرحك وافي . انا بدعي لي لك بالتوفيق وطوله العمر خدمتني خدمة ماانساها كفيت ووفيت


وعقبال مانشوف معك مايباخ كسيارة ثالثة تستاهل كل الخير والله يطعمك خير البانوراما ويكفيك


شره ويحفظك . وش رايك وانا اخوك في البانوراما استخدام امريكي 2006 s350 تنصحني فيه


ولا اخذ بس خليجي واتوكل على الله . اكيد اكسسوارات السيارة غالية تحتاج تأمين هذي راح


احطها في حساباتي . تفرق قطع الغيار بين الحداد والجفالي فرق كبير ومن ناحية الصيانة


هل اسعار الجفالي غالية في الصيانة :rolleyes1: يعطيك الف عافية وموفق في حياتك العلمية والعملية :smile:

وبالنسبة لاسمح الله لو واجهتني مشكلة في السيارة مستقبلا هل فيه منتديات متخصصة في

المرسيدس ومشاكله من ملاك مرسيدس :confused1:

ماسوينا اللي الواجب اخوي ..
اللي معاي s 350 موديل 2006 ماخذها وكالة وانك تاخذها من قطر ولا السعودية ما اتوقع تفرق لان بالحالتين ضمان السيارة منتهي ضمان مرسيدس 3 سنوات او 60 الف وفي تمديد ضمان تصير 5 سنوات يعني حتى اللي ممدد ضمان سيارته ب 5 سنوات بيتنهي هالسنة ميزة سيارات قطر الممشى يصير قليل مقارنة بالسعودية وشوارعهم اكيد احسن من شوارعنا يعني السيارة بتكون انظف وشيك موقع Qatarsale و كارسمسار تبع سيارات قطر بس انتبه بخصوص الممشى اذا جيت تشتري سيارة من قطر افحص بالوكالة والوكالة نفسها تطلعلك الممشى الحقيقي حق السيارة اذا لاسمح الله ملعوب فيها مع اني ما اتوقع واحد يشتري هالسيارة ويلعب بالعداد بس الحرص واجب وكل سيارة مرسيدس لها ملف بالوكالة يعني اذا جيت تشتري مرسيدس لنفرض من هنا جفالي بيكون لها ملف بالوكالة ايش صار بالسيارة من اول ما طلعت من باب الوكالة والصيانات اللي صارت فيها الى آخر مرة راعيها دخلها الوكالة وآخر صيانة والسيارة قاطعة كم كيلو كله يبين عندهم .. جربت صيانة الجفالي ايام ماكانت على الضمان بس بعد ما انتهى الحمد لله ما احتجتهم ومثل ماقلتلك غير زيت وكفرات وقماشات فرامل ما حطيت فيها .. بخصوص موزعين قطع مرسيدس بصراحة ما اعرف الا الحداد والجفالي وواغلب القطع القاها عند الحداد واذا ما هي موجودة يطلبها من الرياض او جدة او دبي بس بالS ما احتجت الا الفرامل عشان كذا مدري عن توفر باقي القطع عندهم بخصوص S ..
المرسيدس مو مثل البي ام صيانته اسهل بحكم ان في ناس كثير تفهم فيه بس انشالله منت محتاج غير مركز نايف والفردوس فاهمين بالمرسيدس والبي ام جديد او قديم لا تحاتي .. بخصوص انه عملي على مستوى استعمالي له اشوف انه عملي صبر على الشوارع المكسرة والحر وما اشتكى اذا توفقت بواحد نظيف انشالله منت محتاج الورش لان من الناس اللي ضد المستعمل لاني مدري عن صاحبه الاول وش مسوي فيه عشان لا تدعي علي اذا صار شي لاسمح الله ويطلع لانه مستعمل انا جالس اقولك عن تجربتي له 5 سنوات بدون مشاكل تذكر ولله الحمد واستعمالي شغل وامش بدون تسخين لانه ما يحتاج تسخين الماني آكل مطبات مستحيل شوارع مكسرة امشي وما عندي مشاكل سرعة نادر ما اسرع كل 10 آلاف اغير الزيت قماشات ما غيرتها الا 3 مرات طول الخمس سنوات والهوبات ما تنخرط لازم تتغير بس متى الله العالم خمس سنوات تغيير قماشات بدون مالمس الهوب ولا احد من الورش جاب طاري هوب ..

الفرق بين الفئات
S350 ستة سلندر
S500 ثمانية سلندر مافي فرق بالمواصفات بين ال350 وال500 بس المكينة و مدري عن الجير بس هم 7 تعشيقات
الS65 هذا كلام ثاني وانساه تماما صيانة غير وقطع غير لانه تقدر تقول سبورت طبعا بدون ماننسى الفخامة مكينة قوية جداااا وغااااالي جدااااا وكالة سعره فوق المليون لان S600 ب750 الف ريال فهذا اكيد فوق المليون بالراحة اعلى فئة بالمرسيدس
انصحك بالs350 لانه ستة سلندر بتكون قطعة ارخص من ال500 والمواصفات ما تفرق بينهم الا اذا رغبتك ب8 سلندر بس اقولك 6 سلندر مرسيدس مو مثل سيارة ثانية 6 سلندر ستة مرسيدس فيها حقها تماما ومو بطالة ابدا .. وبالتوفيق

ماقصرت يالغالي عز الله انك كفيت ووفيت واهتمامك بالموضوع والرد عليه وتزويدنا بموقع الورش واماكن قطع الغيار دليل كرم اخلاقك وذوقك اثريتنا بمعلومات تفيد الكل ومن في نيته يشتري بانوراما مستخدم ماظنيت بيتردد عقب توضيحاتك عفوا اخوي منصور البانوراما اللي معك كم موديلها وهل شريتها وكالة ولا مستخدم ووش افضل اخذ بانوراما من السعودية ولا من قطر بإستثناء الكويت لأن السيارات عندهم نار يعني مثلا احرص على اني اخذها من السعودية وعليها ضمان الجفالي ولا مااركز على هالشي وهل جربت صيانتها في الوكالة هل يوجد موزعين غير الحداد لقطع غيار البانوراما وهل كل قطعه تلقاها عندهم ووش اغلى قطعه تشوف انها كلفتك كسعر في السيارة ماقصرت فعلا وضحت لي الامور وياليت كل العالم مثلك يتكلم من واقع تجربة مهوب من وكالة( يقولون) مانستفيد منها شي لاوالبعض الله يهديه يأكد لك انه يعرف وكل معلوماته تصير (خطأ) . ذكرت الورشتين نايف معروفة والثانية اللي حول اسكان الخبر اضفت لي معلومة جديدة ماقصرت بس هل له اكثر من ورشة تفهم فيه ولا معقد ميكانيكيا وحساسات زي البي هم قصدي البي أم خخخخخ كله مشاكل .انا حقيقة ابغى موتر عملي يصبر معي حق سفر وكشخة يعني ماابغى كل شوي موقف عند ورشة وصلح مكينة وعدل في القير وغير الحساس وفي الاخير الفاتورة الالاف مؤلفة. وبما ان عندك معلومات وافية وش الفرق بين فئات s350 و s65 و s500 ووش افضلهم من ناحية العملية وقطع الغيار وهل الافضل آخذ سعودي ولا ممكن اخذ امريكي نظيف لانه بيطلع ارخص بس ممكن ماتفهم فيه الورش ولا تستقبله الوكالة لو صار فيه مشكلة وومكن يتعبني من ناحية الحرارة . ماقصرت على رحابة صدرك وتفاعلك مع الموضوع واشكر كل من رد على استفساراتي من الاخوان .