لماذا يصدر صوت عند الضغط على الفرامل بالسيارات الجديده ؟

السلام عليكم ورحمه الله وبركاته


اخواني الآعضاء ابي اقولكم قصتي مع استلامي للماليبو :-


طبعاً الوالد الله يحفظه هو الي جابها من الوكاله ( طبعاً الوالد لا يعترف بشئ اسمه تمرين :tongue: )

مشى عليها الوالد 30 كيلو من الوكاله للبيت .. انا يوم استلمتها كنت احافظ عليها جداً وما كان الـ RPM يتعدا الـ 2 وسرعتي ما تزيد عن 80 وكنت اخفف عند المطبات لين صيانه الـ 1000 كيلو متر .. طبعاً المشكله الي ازعجتني بالماليبو هو صوت السفايف " تـــســس :bigggrin: " رحت للوكاله وقالوا لي السفايف خلصت :a1120(82): توها السياره ماشيه 6000 كيلو متر مايمديها تخلص

قلت شكلهم يبون يضحكون علي بس الشكوى لله .. قلت له بدلها وكان عندي يقين تام ان السفايف ما خلصت قلت له بدل السفايف و عطي القديمه ابيها

اول ما آستلمت السياره مافيها صوت قلت الحمد لله ارتحت من الصوت :xyxthumbs: .. لكن بعد ما مشيت عليها 100 كيلو بغى يصير لي حادث فاضغطت بريك قوي والحمد لله ماصار لي حادث بعدها قام الصوت يطلع لي :a1120(82):

عرفت هنا ان السفايف ماتتحمل من اول بريك قوي يطلع فيه الصوت

ومشت معاي السياره للـ 35000 الف والصوت معاي :blue: .. بعدها اخذ السياره اخوي لمده شهر

طبعاً كان يسافر فيها واستلمت السياره منه 45000 الف ههههههههههههه :bigggrin:

الي مستغرب منه ان صوت السفايف اختفى تماماً .. سآلت اخوي قلت له وش سويت بالسياره قالي : لا ماسويت فيها الي تبديل زيت بالوكاله

طبعاً انا اعرف اخوي لا جا يخفف يضغط البريك كله ههههههه :bigggrin: يعني رجله حاره



يعني اكتشفت ان اذا تبي صوت السفايف يختفي خل رجلك على البريك قويه شوي


::

::


::

::

::


والآكتشاف الثاني قريته بالكتيب : اذا بدلت السفايف لازم اول 320 كيلو لا تضغط على البريك بقوه





اذا كلامي صحيح فمن الله .. وان كان كلامي خطآ فمني و الشيطان



وشكراً :bigggrin: