السلام عليكم ورحمة الله وبركاته =)
أخباركم وعلومكم يَ الغالين ؟
إمم بأخش بالموضوع دغري ..
السالفة وما فيها إني ع وجه تخرج من الثانوي ومعي تيرسل قربعانه خخخ
~> بس نشيطة والحين ممشاها 356 ألف ! ما شاء الله ، الله يزيدها ممشى :bigggrin:
وقعدت بالبداية أدور جيب باثفندر وإلا إكسبلورر وهمن فجأة طاح الجيب من رأسي تماماً ~> والحمد لله إنه طاح خخخ
وبعدين فكرت بالكوري ( هونداي ) بس إكتشفت إنه لا مواصفات ولا أمان ولا شيء ، ووكلاء زي الزفت !
وبآخر شيء فكرت بالفورد ( كنت معتبر الإمريكي بس فورد خخخ )
وبعدين ملييييت طبعاً أنا ع هالحال من ثلاث أشهر ، وقلت لأبوي جب لي أي سيارة صغيرة وبس خخخ
ومن بكرا ، قالي وش رأيك بـ ماليبو ؟ قلت ما أعرفها خل أدخل النت وأشوف عنها =)
وشفت عنها وأعجبتني وكلن يمدحها بالرابطة اللي هون ..
بس من بعدها بيوم قالي أبوي ، وش رأيك بس تأخذ كروز وإلا أبيكا لأن الماليبو كبيرة قد الأفالون =(
إنصدمت أنا وبديت أقرأ عن الكروز و تقريباً شبه اعجبتني لكن موش بالحححيل !
لكن رحت قبل شوي للوكالة ( بالبيد ) ، وشفت الكروز والماليبو ..
الكروز : مراتبها اللي ورا ضيقة شويات ..
الماليبو : موب قد الأفالون ولا هوب لمها ، صح أطول من الكامري والأوريون بشوي لكن ما توصل أبدن للأفالون !
زبدة الموضوع عندي كم إستفسار بس خبركم لابد من الفلسفة شويات خخخ
س1 / وش الفرق بين السياحي والنص فل ؟ لأنه ع كلام البائع تو يقول بس مراتب الجلد !
س2 / سعر أقل فئة عند بالبيد بـ 73 آلف ، كم سعرها عند الوكلات الثانية ؟ وهل فيه فرق بينهم بالموصفات ؟
س3 / لو بغيت 4 سرندل بـ فتحة كم يأخذ زود علي ؟
س4 / مسألة الحساسات مضايقتني بصراحة =( سيارة جبارة مثلها ولا فيها حساسات !
يمديني أركب حساسات ؟ وكم تكلف تقريباً ؟
س5 / وش الألوان المتوفرة بالسيارة ؟ لأن بالبيد تو قالي بس اللي الحين متوفرات رصاصي وفيراني !
وأنا بصراحة ودي باللؤلؤي أو العنابي ، وبرأيكم وش أحلى لون ع السيارة ؟
س6 / بكم سعر 2010 أصفار ؟ ووش الفرق بين المواصفات بينهن ؟
س7 / بعد كم كيلو أراجع بها للصيانة ؟
وأدري طولت عليكم لبى ـآ قلوبكم بس تحملونا عاد بننشب بكم خخ
وعاد اللي عنده نصيحة لي أو هيك يتفزل يقول لي ويا مال العافية ..
