السلام عليكم
شباب اخذت قرض لشراء سيارة , سبعين ألف ( هذا اكبر بلغ اقدر ادفعه )
و اكثر مايهمني في السيارة هو انها تكون جديده ( ما ابي مستخدم ) ويهمني جودتها وتوفر قطع غيارها و تكون اقتصاديه من ناحية استهلاك الوقود ومن ناحية رخص قطع الغيار
و ضروري يكون فيها مميزات امان اكثر ,, ويهمني الشكل
واحترت بين سيارتين :
السوناتا 2011 ( الدرجة الثانية ) جنوط وكشافات قيمتها حوالي 66 ألف
والكامري ( ستاندر ) جي أل شركات قيمتها حوالي 70 ألف
السوناتا بصراحه داخله مخي بقوه و انا مقتنع فيها من ناحية الشكل و الكماليات مثل مثبت السرعه والديكورت الداخلية و التحكم بالمسجل عن طريق المقود ,, والسيارة أخذت درجات عالية في كثير من التقييمات في الدول الاخرى ,, بس عندنا هنا في السعوديه يعيبها شي واحد وهو نقص أنظمة الأمان , مافيها الا ايرباق واحد ومافيها ABS ( وهذي غلطة الوكيل ) لانه يرخص من قيمة السيارة مقابل إزالة بعض المميزات ( غلطة قاتله !! )
والكامري أكثركم يكرهها :mad1: ( وانا واحد منكم ) بسبب استخدامها من بعض الفئات اللي لعبو في حسبة السيارة وخلو سمعتها زفت :a1120(121): , لكن خلونا ننسى الكلام هذا لأن السيارة لها حسناتها والدليل انتشارها بشكل كبير عندنا , و حتى في أمريكا أخذت جائزة السيارة الأكثر مبيعا في أمريكا لمدة 8 سنوات متتالية . ومع وجود بعض المشاكل مثل أصوات الديكورات و نقص زيت المكينة , لكن السيارة ما انتشرت الا بسبب جودتها وتحملها , ووجود بعض المميزات الأخرى منها سمعة تويوتا و نجاح وكيلها .
و في الأخير ماعرفت اختار ..
شباب ياليت تساعدوني في اتخاذ القرار مع ذكر السبب ..
وعادي لو تقترحون علي سيارة ثانية بشرط انها تكون جديده ( مابي مستخدم ) وتكون جودتها عاليه و متوفره قطع غيارها و اقتصاديه من ناحية استهلاك الوقود ومن ناحية رخص قطع الغيار و ضروري يكون فيها مميزات امان اكثر
