السلام عليكم ورحمة الله وبركاته
بعد تفكير ، قررنا انا والوالد نشتري سيارة للبر ، منها نخليها اذا طلعنا البر من فترة لفترة ، ومنها اخذها انا اذا احتجتها ، لأني حالياً ما عندي سيارة :a1120(121):
طبعاً على الأغلب اننا ما بنشتري وكالة لان توني هالحظة راجع من وكالة الدودج والجيب وصراحة الاسعار ما تبشر بخير ، كنا ناوين على الشروكي ولكن طلع سعره غالي شوي ، السيارة قوية وشكلها الخارجي جيّد ، لكن للأسف سعره المشكلة ، على العموم الوالد جاه كذا عرض ، جاه تيوتا اف جي ، وجاه بعد فورد اكسبلورر ، التيوتا اف جي رفضها كونه ما يعتبرها قوية مثل الشروكي ، والفورد اكسبلورر رفضها بعد وما يدري ليه خخخخخخخ :bigggrin: ، خلونا نخش بالمهم .. احنا مثل ما قلت لكم ما نتوقع نشتري سيارة وكاله ، مثلاً لو كنا بنشتري اف جي بناخذها 2008 او 2009 عشان تكون ارخص ، يعني راح ناخذ مستعمل ولكن مو قديم واجد
المواصفات الي ودنا تكون بالسيارة :
1- واهم شئ قوة المكينة
2- ودنا السيارة تكون حقت كرف يعني ما ودنا بسيارة حقت دلع
3- يفضل السيارة تكون جيدة بالراحة الداخلية :smile:
4- المساحة الداخليه ، ودنا بسيارة وسيعه شوي لاني بحتاج سيارة وسيعة عشان الأهل والأصحاب اكثر شئ وكذا
طبعاً فيه كذا سيارة ما نبيها ابد وهي : الربع ، الباترول ، اللاند كروزر ، الفورد تشينر .
طبعاً حدنا بين الـ 80 الف للـ 90 الف ، بهالحدود يعني
اقتراحاتكم الله يجزاكم خير ، وتكفون راعو المواصفات الي ودي تكون بالسيارة ، القوة وسيارة حقت كررف ، وتكون بدون تعصب الله يجزاكم خير :a1120(121):
طبعاً يا ليت الي بيقترح سيارة يكتب عدد السلندرات + عدد الأحصنة اذا امكن :a1120(86):
سؤال على السريع :
الشروكي من موديل كم نزلت بهالشكل الجديد ؟ :rolleyes1:
