تصويت لأفضل سيارة يابانية من ناحية التكييف !!!

اولا اشكر صاحب الموضوع
ثانيا تعليقا على كلام الاخ
مكيف اليوكن عندي
بارد يصقع اقوى من اللاند كروزر مسخرة الارض
ومن وين طلعت ان اليوكن ام الحر بعز الظهر
ماشاء الله الي عندي انزل البروده علشان لا اصدع
حتى بالوقوف يفتر شوي لكنه يظل ابرد من مسخرة الارض
-----------------------------------------------------------

انا برأي من تجربة ودخولي المنتدى كان على استفسار
عن خياسة مكيفات تويوتا ولكزس
عندي كامري 2004
مايبرد ولو السيارة موقفه بالشمس ما يبرد
والوكاله ما سوو ولا شي لانهم عارفين سيارتهم خايسه
وعندنا سيارة الأهل لكزس ار اكس 330
هم مكيفها نفس مكيف الكامري
بالظهر مايلحق
وغلطان ثم غلطان الي ياخذ تويوتا علشان والله شيك مفتوح
انت شاري علشان تبيع ولا تستخدم
المكيف الي بأمانه عجبني بالحيل وسيارة عند الاهل جربناها ورخيصه كمان
ميتسوبيشي جرانديز
مافيها مكيف بالخلف والي بالخلف يموت من البرد
ايضا
مكيفات الأنفنتي
تقول للكزس ياعم استريح بس لكزس وكلام فاضي
اتحدى اي واحد عنده لكزس بانفنتي اف كس 2009
مكيفه يبرد حق الى واقف جنبه بالاشارة ويعطي السيارة الي قدامه بعد : )

تحياتي

انا الحين عندي كورولا 2003 وناقص الفريون شوي بس ماشاءالله
اوقفها بالظهر بعض المرات ساعتين انام فيها :a1120(86): بالدوام
المكيف يثلج ولله الحمد

مره استأجرت صني مكيفها ثلج

صوت واحد ويختم الـ 200

شبااااب المستوبيشي وين رااح مو لاني احب السياره لا والله بس مكيف والله من قوته يرجعك السيت الي ورااك هههههههع صرااحه المستوبيشي درجه اولى في المكيفاات

انا من عشاق الكوري بس الحق ينقال ابرد مكيف هو مكيف الباترول الشكل القديم الـ2009 وماادري عن الجديد

مأقول ما شاء الله. فعلاً أنا جربت كورلا 2001.
لكنك سوف تقول عكس الكلام عندما تجرب كورلا 2008 و فوق :c0038: للأسف اعتماديتها و كل شيء فيها بالكلية يتناقض مع اسم كورلا القديم و المعروف.

يظل أكثر التصويت على صني -مع أن تصويتي لميتسوبيشي- و هي ما عليها كلام فعلاً لكن معظم الناس لا يعرفون أي شيء عن ميتسوبيشي لقلة ملاكها.

المنافسة قوية بين الصني والاكورد مع ان الاخيرة مافيه مجال تقارنها مع الصني

الصني أفضل

بس غريبه منك ما حطيت كورلا أنا أشوف أنه أبرد من الكامري والاوريون والافالون
معي كورلا 2001 وقسم بالله إلى الآن ماغيرت الفريون من وكالته

بالنسبة للياباني كله حلو ..مع أني أحب تويوتا لكن الحق ينقال
صراحة ماشفت أبرد من مكيفات النيسان..خاصة الباترول لاجاك
ديزل ماشاء الله تقول ثلاجة موتى

من واقع تجربه انا جربت اللاندكروزر و الكامري ولكزس 460 وكلها مكيفاتها ليست بقوة مكيف الأكورد بصراحه سيئه وخاصه الاندكروزر

لكن للأمانه الأكورد عليها مكيف مهوب صاحي يبرد بسرعه وقوي
مرات اسكره من قوة ما انه يبرد ماشاء الله خاصه بالليل

بعد مضي شهر من طرح الموضوع والاستطلاع

اتضح لنا انحياز المصوتين للصني والاكورد

وارى ان السوبارو لم تنال نصيبا الا القليل

ربما لعدم توفرها في الشوارع الا قليلاً

كلامكم مايدخل العقل

كيف مكيف الكرسيدا افضل من مكيف السيارات الجديده ؟؟؟

بالسيارات الجديده نظام تبريد السياره بشكل عام افضل بمراحل ضوئيه
من قوة مرواح ورديتر حجم اكبر ومصنوع من مواد افضل وعوازل والمكينة اقوى و الضغط عليها اخف بكثير

ياعجبي كرسيدا 89 افضل من تبريد افالون 2011 واكورد وماكسيما

ها ها لقد صنعتم يومي !

والله ياشباب بين السيارات اللي المطروحة اشوف انو الماكسيما والاكورد افضل شي بس لو بنتكلم على مستوى السيارت اليابانية القديم والجديد اتحدى واحد يجيب مكيف زي الكرسيدا ماشاء الله كانه مكيف مركزي انا كانت عندي وحدة موديل 89 والله ان الاكورد والماكسيما ولا شي عندها وبعدها الكامري الى 2002 اما الموديل اللي بعدها مو قد كذا

اذكرو الله
انا معي افالون فيه تبريد مراتب ما احس في الحر
لكن ماراح اصوت لان افضل مكيف سياره الي هو مكيف الكرسيدا

كلام صحيح !!!

جربت الهوندا اكورد
مكيفها ممتاز

تذكرت واحد من الشباب

يقول لك اهل الرياض ماياخذون الا كرسيدا

مكيفها على طول يبرد وحرارتها ماترتفع

مارديت عليه واكتفيت بالسكوت ..

وانت كيف راح ارد عليك ؟؟؟؟

صادق الكرس شيك بالجيب مكيفها تحس انك بثلاجة الموتى :smile:

من هذا الي يقول عليك بالسيارات الأمريكية!!! شكله ما ركب غير فورد و جمس و كابرس!
معروف أن الأمريكي يفصل الكمبرسر عند توقف السيارة.. يعني شيء زين هذا؟!! كذلك التبريد أضعف.