يا أهل التورس والله السيارة ما تستاهل وأفكر أبيعها!!

طيب ما شفت المقاطع الي في صفحه 3

كلهم يمشون تقريبا 200 وشف العزل ممتاز

والاخ راعي الموضوع يقول امشي 120 ويطلع صوت
اكيد سيارته هي الي فيها العيب

شف مقطع sho يمشي فوق 220 كيلو والعزل ممتاز

من فترة كان لك رد ان سيارتك الهوندا ماواجهت فيها اي مشكلة الى الان

عموما الاكورد 2011 مافيها مشاكل ولا عيوب وتقارير الوكالة سجلت طرمبة دركسون فقط حتى الان حتى مشاكل الديكور تم حلها

انا بصراحة ماجربت غير فئة الفل كامل دفع رباعي و الحمدلله ما اعاني مطلقا من المشاكل اللي ذكرتها ..

بالمناسبة متانة السيارة و جودة الديكور و عزل الاصوات من اكثر الاشياء اللي لفتت انتباهي اثناء التست درايف خصوصا ان لي شهر وانا ابحث عن سيارة وكالة اشتريها و كانت الخيارات مفتوحة عندي.. المسألة مسألة اذواق و قناعات وانا تجربتي مع فورد سابقا كانت ممتازة الحمدلله

نصيحة اذا كنت راح تبيع السيارة وناوي تشتري غيرها سوي تست درايف و احكم بنفسك و لا يغرك كلام بعض الناس .. فيه بعض الناس ينطبق عليهم البيت القائل:

و عين الرضا عن كل عيبٍ كليلة ٌ .. و لكن عين السخط تبدي المساويا

!! شي غريب
انا فكرت ان بس أدآءها لك عليه شوي
لكن طلع كلوووو ههههه

أتوقع المشاكل اللي تعاني منها حقيقية لكنها مشاكل عادية او بالأصح ما تعتبر مشاكل الا اول مشكلة وزنية السيارة والبلوتوث

انا ودي افهم حاجة بس ...

الحين انت شاري السيارة على عماها ولا ايش ؟ ما شفتها بالوكالة ؟ ما سقتها قبل ما تشتري ؟

معليش هذي غشامه منك اذا تضيع فلوسك كذا .... انا الحمدلله شيكت عليها 100% قبل ما اشتريها والحمدلله ما اعاني من ايه مشكله من المشاكل اللي انت ذاكرها

4- ركوب السيارة والنزول منها صعب بسبب تصميمها مع العلم أني ضعيف الجسم يعني مش طويل ولا متين .


اهنيك صراحة .. شريت سيارة قبل ما تجربها :)

فعلا اخي الكريم انت وضحت نقاط العيوب لكن المتعصبين ماراح يصدقون وراح يكذبونك ويقولون التورس افضل من المرسيدس والبي ام دبليو لكن نقول الله يهديهم ويبطلون معاند ومكابره واكبر دليل على كلامك وصحته روحوا شوفوا وخذوا لكم فره بمنتدى فورد وتلاقون كلام الاخ صحيح وميئه بالمئه ولو تبون الاثباتات من منتدى فورد جبناها لكم

وعلى فكره كل هذا كوم والعيوب التصميميه للتورس من ناحية الشكل الخارجي وارتفاع مؤخرتها بشكل كبير بحيث يحجب الرؤيه الخلفيه في حال اقتراب سياره منك بالخلف لاتستطيع حتى رؤيته وهو يأشر لك بالأنوار العاليه

وكذلك ايضا سياره دفع امامي ومع ذلك مساحتها الداخليه ضيقه والهوندا الاكورد والكامري اوسع منها في الداخل اما الافالون والكابريس فما فيه وجه مقارنه حتى الكراون فيكتوريا اوسع منها وهذا عيب كبير في تصميم الداخليه لسياره طولها 5 متر يعني بطول الكابريس ودفع امامي ومع ذلك الهوندا اكورد اوسع منها والله قمة المهزله

عموما اخوي توكل على الله اذا ماانت راضي فيها وبيعها وخذ لك افالون انصحك فيها وشكرا

^^^^

والله انك جبتها اخوي FireBox والمشكلة ينتقدون التورسس وانا لي تجربة معاها رائعة ومميزة

جربت سيارة نيسان مورانو 2009 فل كامل قسم بالله حقرت نيسان من بعد هذه السيارة وهي مو ماشية اكثر من 17 الف وصار الديكور كله ينهار واصوات مزعجة

وبعد امتلاك التورسس عرفت قيمة العزل الأرضي وعزل الصوتي وجودة المواد المستخدمة في السيارة والرساوة


سيارة قمة لايعرف قيمتها فقط من جربها

والجميع معرض لأخطاء المصنعية واغلب النقاط الخ ذكرها كانت معروفة وذكرت من قبل الجميع لا أعلم سبب اتجاهه للتورس مع بعض النقاط المذكورة في الموضوع


واغلب ردود الأعضاء على موضوع عضو بمنتدى فورد عربية مدحو التورسس وعدم مواجهته المشاكل المذكورة من صاحب الموضوع ....

عن اذان صاحب الموضوع ....

الموضوع ليس بمقارنة بين الافالون والتورس وانما في بعض النقاط الي متضايق منها صاحب الموضوع ومعاه حق فيها ويدور عليها في سيارة ثانية .....
ولكن انت تقول ان جودة الافالون متقنة والتورس ردئ الصناعة ولايستاهل نص سعرة ... طيب اثبت هالكلام انه صحيح ؟؟؟!
وبعدين شكلك ماتعرف منتدى تايوتا العربية قسم الافالون وشوف وش اكثر الناس يشتكون منه في اغلب المواضيع يعني مو موضوع واحد ولا اثنين اغلب المواضيع ....

شنطة الافالون ماتتقفل الا بعد الضرب والتهديد ...

اغلب الاعضاء يشتكي من تشقق الديكور الداخلي للافلون وخاصة الطبلون و هذا مثال



العزل لك علية

انواع الاصوات في الديكور الداخلي والريش حقت المكيف تنكسر وهذا مثال





زر الاوامر الصوتية وجودة زي عدمة والدليل مشيول من الدفعة الثانية 2011

و فيه ناس يشتكون من مدخل الـــ USB مايشغل المقاطع من الايفون واكثر الاجهزة بس يشحن ....

والكثير الي تغاضيت عنة عشان ماابالغ بكلامي وتقدر تتاكد منه في منتدى تايوتا العربية

وانا مااعيب بالافالون ولا تنسى اني من معجبينها 2010 وانت نازل وهي اصلا في غناء عن شهادتي ولا ابي اخلي التورس زي المايباخ ولكن ابي اقول ان السيارات من صناعة البشر وزي مافيها ميزات ايضا فيها عيوب وانت بيدك تحكم اما انك تتكيف مع العيوب وتمشي حالك او تدور على الي ناقصك بسيارة ثانية وفي نهاية الموضوع ماراح تحصل الكمال في صناعة البشر

وشكرا ....

اخوي عندي سؤال اتمنى احصل اجابة ليش الماكسيما الريس ثابت؟؟ ما ينزل زي باقي السيارات صراحة مالقيت تفسيير !!

100%100 انه عيوب مصناعيه

لاني خبري با التورس انه بطله حسب ما سمعت وحسب وماقالوا لي الناس


الله يعوض عليك وعلينا

يمكن لانها دفع رباعي وكبيرة,ويمكن راعيها الي قبل لاعب فيها لعب ممكن كل شي جايز,ومثل ماقال بعض الاخوه يمكن عيوب مصنعيه,والله اعلم.

يااخي القضيه مو حقد ولاشي لكن للازم كل واحد يقول مايمليه عليه ضميره ومو كل سياره شكلها حلو وتصميمها لخارجي جذاب انها جيده وقويه ...
والسياره اللي تنافسها عندك الافالون ومااعتقد فيه واحد منصف يقارن الافالون المتقن في صناعته مع انه امريكي برضو مااحد يقارنه بالتورس الردي والمصنوع من بلاستيك ردي وبهرجه
لاتمثل الاتقان والجوده التورس يستحق نصف ثمنه فقط

بصراحة ما ادري وش اقولك

زميلي قبل فترة معطيني التوروس حقته لأنه بيسافر

السيارة موديل 2010 الدفعة الأولى وماشية 30 ألف كيلو و معظم المشاكل الي انت ذكرتها غير موجودة نهائياً

العزل اكثر من ممتاز والسيار مريحة جداً في المدينة او في السفر والمكيف ثلاجة وفتحاته كبيرة ( اهم ميزة فيه )

على كل حال الله يعينك يمكنك طحت بوحدة فيها هالعيوب

وانا عن نفسي واقولك اياها بصراحة لو الكاش معي الحين اول سيارة تجي على بالي هي التوروس وبالذات اذا كانت ليمتد.

اخوي حرام عليك انا مجرب تورس نص فل دفع امامي من الخرج للرياض

نمشي حدود 160 ولا نسمع حتى صوت الهواء

يا ليتك قلت اني جربت ستاندر كان صدقتك لكن لميتد اسمح لي

انت ماشي 120 وتسمع صوت هواء طيب شف ها المقطع يمشي 200

http://www.youtube.com/watch?v=InbiO-KzljI

والله ان العزل فيها ابداع


وشف هاذا المقطع يمشي 190 كيلو الموتر نص فل
http://www.youtube.com/watch?v=B1uyuZY5dh0

ما شاء الله ما تسمع الا صوت المكينه

وعندك ها المقطع sho
يمشي طبلونها 220 او اكثر بعد
http://www.youtube.com/watch?v=PiFA-V1zZcg&feature=related



وتجي انت تمشي 120 وتسمع صوت الهواء اسمحلي والله لو انها فكتوريا :c0214:

الله يعوض عليك يا الغالي :)
اذا ناوي تغيرها انصحك بالماكسيما :xyxthumbs:

لهالدرجة الحقد :c0214:

ياخي اتحداك تجيب سيارة من نفس فئتها بنفس خامتها الداخليه .. انت ضربت ع الوتر الحسااس .. المرة الجايه اعرف وين تنتقد :xyxwave:


وبالنسبه للمشاكل ممكن تصير عادي .. السيارة جديده ومعرضه للمشاكل .

لكن اغلب مالكين السيارة يمدحون العزل والرساوة وكل شي .. ومواصفاتها ممتازه .


وبالتوفيق

ابعد عن اوريون ترى مشاكلها اكثر من تورس اللي انت ذكرتها ..
جرب كابرس او ماكسيما ..

حاولت اصدقك بس مو قادر هههه لاحول ولاقوة الا بالله قال اششش عزل زبالة وسيارة غيره راسية

انا من ملاك هوندا اكورد 2011 وفورد تورسس 2010

عرفت قيمة التورسس بعد امتلاك هوندا اكوررد من ناحية العزل والتقنيات والراحة