مشكلة في القير والعكس للإنترا 2006

بيض الله وجيهكم جميعاً
لكن عندي سؤال لو ماصلحت النحاسات هل هناك مشكلة

لا أزيد على كلام أشيل همك . المشكلة في النحاسات. أما التروس سليمة إن شاء الله.

جلدة العكس يوجد منها تجاري لكن صدقني ما تكمل سنة و أنا مجرب. كل محلات العكوس يقولون لك الي عندي (ياباني)!! واحد منهم الي صدق الله يجزاه الخير و قال ترا ما فيه غير صيني بالبلد !! هو يركب و كل المقاسات متوفرة لكن المشكلة أنه يحتك في بعضه لأنه تعرجاته قريبة على بعضها. كذلك لا يتصف بالمرونة المطلوبة. أيضًا سريع التشقق و الجفاف.
خذ الجلد فقط من الوكالة نصيحة. و يجي معاها القفايز و الشحم.
الواحدة باعتقادي لا تصل 100 ريال لكن تجلس معك أقل شيء 4 سنوات.

السلام عليكم
بالنسبة لمشكلة عظة في الترس الثالث
ظهرت لي المشكلة مرة من المرات في سيارتي
وهي من نوع أبيكا عايدي
وجلست أهوجس ياربي أفك القير واشوف
وكل واحد يعطيني سعرررر والمصيبة المشكلة مرة تظهر ومرة ماتظهر ؟!!!!
واذا عشقت القير بأسلوب حلو مو بقوة ماتظهر بعد ولو ظهرت تحسها كانها تظهر على خفيف
آخر شي قلت خلني امشى اسبوع وأشوف وش يصير بلاش اتسرع إلين اتأكد
مشيت اسبوع وأخفتفت المشكلة مررة والحمد لله ودرات الأيام ورجعت المشكلة
ومشيت عليها وأختفت ولحد الحين ماظهرت وهذا يدل على انها شي طبيعي
يظهر لمدة بسيطة ويختفي ولأجل ذلك ان كانت مشكلتك نفس مشكلتي لاتتسرع
إلا لمن تتأكد مررررة ان المشكلة اكيد موجودة مو مرة تجي ومرة لا
وليش تغير القير كامل ؟؟؟
تغير بس شي والله مدري إذا ماخاب ظني اسمه نحاسات كل نمرة يجي لها نحاس
فانت تغير نحاس للقير الثالث
أما بالنسبة لصوفة العكس ان شالله تلقاها شوف الوكالة يمكن فيها
تراها رخصية أو مدري لو حق النترا 1600 تركب عليها والله يعينك وويوفقك
وبالتوفيق ودعواك اخوي