ممكن تشرحلي الطريقة
وشكرا
طريقة البرمجة لو تكرمت
ولك كل الشكر
الطريقة ...
1- القير يكون في N
2 - ترص على الزرين في الريموت اللي يفتح الأبواب مع اللي يقفلها راح تسمع البوري ...
3- اول ما تسمع البوري ابدأ في الكفر الأمامي الأيسر اللي عند السواق ... طبعا تنسمه او تنفخه لين تسمع البوري ..
وبعدها باقي الكفرات على شكل عقارب الساعه يعني تبدأ من الأمامي الأيسر بعده الأمامي الأيمن وبعده الخلفي الأيمن واخيراً الخلفي الأيسر
ونفس الشي لازم تسمع البوري اربع مرات مره من كل كفر ...
اللمبه راح تظل شغال معاك بس انت عشق القير للـD واتوكل على الله وامش اذا كملت 3 الى 4 كيلو ما طفت اللمبه كل اللي عليك وقتها انك توقف وتطفي السياره وتشغلها ....
طريقة ثانيه
لا تشغل السيارة بس فر السويتش لما يشتغل مركز معلومات السايق ..تضغط على الزر الثاني لما توصل لجملة ( اعادة ضبط الاطارات ) او Tire relearning
عقب تسمع صوت الهرن ( البوري ) مرة وحدة .. تنزل من السيارة و تروح للتاير ( الكفر ) اليسار الامامي و راح تلاحظ ان لمبة السكن اليسار البرتقالية شغالة ( هذي علشان تعلمك اي تاير تبرمجه ) نفـّس على التاير او زيده هوا المهم ان في هوا يدش او يطلع من البلف تقريبا من 15-20 ثانية لما تسمع صوت الهرن ..
بعدين تروح للتاير الامامي اليمين و هم راح تشوف اللمبة اليمين شغالة و تكرر نفس العملية .. و بعدين التاير الخلفي اليمين و بعدين التاير الخلفي اليسار ..
اذا سمعت صوت الهرن مرتين معناه العملية نجحت و المولود سليم :bigggrin: ... بعدين تشغل السيارة و تتوكل على الله و طبعا لا تنسى تتاكد ان الهوا مضبوط ...
كل الطريقتين لم اجربهم ومنقوله من احد الاشخاص هنا
الله يعطيهم العافيه ..
=-=-=-=-=-=-=-=-=-=-=-
شرحين من موقعي آخر
باختصار طريقة برمجة كفرات وحفظ اعدادات القياس ومواقع الكفرات اليوكون من 2007 وكذلك التاهو عن طريق الريموت
وهي طريقتين
الطريقة الاولى اتبع الخطوات
1- افتح الاسوتش بدون تشغيل
2- افتح على اعدادات الكفرات بالطبلون
3 - اضغط على فتح وقفل الريموت بتزامن مع بعض حتى ترى حفظ مواقع الكفرات ناشط كما هو واضح بالصورة وتسمع صوت البوري
4 - قم بزيادة اوتنقيص الهو اء بالكفرات ابتداء من كفر السائق الامامي واتجة بعده الى كفر الراكب الامامي واكمل للخلفي خلف الراكب حتى الكفر الاخير
5- قم بتشغيل السيارة لاتمام عملية البرمجة ومن ثم اطفي السيارة لاكمال العملية وبكذا انتهت البرمجة
ولحفظ الاعدادات وعيار الهواء اتبع فقط الخطوات بدون زيادة اونقص
6 - في اثناء البرمجة ستلاحظ اشتغال الضوء الامامي الغماز على هيئة كشاف باليوكون حتى الانتهاء من البرمجة واشغال السيارة واطفاءها ينتهي
التاهو يشتغل الكشاف الي داخل النور
وطبعا كلها بدون الانوار الخلفيه
الطريقة الثانية
1- فتح الاسوتش بدون تشغيل
2-القيام بزيادة او تنقيص الكفر حتى سماع صوت المنبة
3- يكون القياس والزيادة عكس اتجاه عقارب الساعه بدء من كفر السائق الامامي
طريقة الموديلات الأقدم
موجودة بالكتلوج .
1- شد البريك شغل السويتش حتى تولع لمبات الطبلون .
2- شغل النور وطفي ل 3 او 4 مرات حتى تسمع صوت البوري مرتين طط طط
3- ابدأ من الكفر الامامي الايسر (جهة السائق) طلع الهواء لمدة مابين 5 ثواني الى 15 ثانيه وانتظر حتى تسمع صوت البوري طط وبهذي الطريقة الكفر الامامي الايمن جهة الراكب ثم الكفر الخلفي الايمن ثم الكفر الخلفي الايسر .
في كل كفر تعمل نفس طريقة الكفر الامامي الايسر (جهة الراكب ) وتنتظر حتى تسمع البوري طط .
ملاحظة اذا كان خيارات البوري معدله من خصائص الكمبيوتر بايقاف صوت البوري فلن تسمع البوري ولكن الذاكرة تحفظ كل موقع من الاطارات بنجاح .
الطبلون 
