السياره سيئة من تجربتي لها
وفيها كثير من المشاكل والاعطال وكل شوي يطلع لك شي جديد
ووكيلها الجميح اذا ماتعرف وش يعني الجميح ابحث في النت عن وكالة الجميح
وشف الفضايح من اسوء الوكالات في العالم مايعرفون يصلحون السيارات
ولاعندهم خبره كافيه مافي ترتيب ابدا تروح هناك تلقى السيارات مجدعه في كل مكان
ومغبره وكأنه تشليح ماهي وكالة , عندهم اسلوب عجيب وهو اسلوب التطفيش والتهرب
من المسئوليه كل شي عندهم عادي وطبيعي وغير ان الموتر يقعد عندهم بالاسابيع
واحيانا شهور ((( وانسى شي اسمه سياره بديله انسى ))) والله على قد مادخلت سيارتي
عندهم ماعمري شفتها وحتى مره من المرات قعدت السياره فوق ثلاث اسابيع عندهم
ورحت وتهاوشت مع مديرهم وسويت مشكله ولاحيات لمن تنادي , وليتهم صلحوها
جت مثل ماراحت , واغرب شيء مرهه رحت لهم والسياره فيها مشكله في المكينه
وشف النكته عطوني موعد بعد شهر ونص !!!!!!!!!!!!!!!!!! وتهاوشت معهم
وروحه وجيه تركت اشغالي عشان حظراتهم بس يسون واجبهم
وازيدك من الشعر بيت كل هذا والرياض كلها والمناطق الي حولها على مركز واحد فقط لا وصغير بعد
واذا بلاك الله وقررت تشتريها انصحك تشتري لك جهاز فحص الرش وتاخذه معك الوكالة
ولاتوقع استلام الا بعد ماتفحصها من الرشوش في كل مكان
شف كل هذا ولا قلت لك كل الي عندي ويشهد الله على كلامي ,
وبخصوص السياره انا قلت يمكن سيارتي فيها عيب مصنعي يعني طلعت بالغلط ولاشيء
لاكن بعد مابحثت وسألت لقيت كثير يعانون من مشاكلها وعيوبها
شف انا انصحك مهما سمعت لاتشتريها ابدا ابدا ابدا خصوصا جديده
ووالله العظيم لا لي مصلحه سواء شريتها والا شريت فراري ان شاء الله
لاكن الله من وراء القصد والسلام عليكم ورحمة الله بركاته
:smile:
والله انك صادق اما بالنسبة للسيارات المرشوشة عندهم حدث ولاحرج حصلت للوالدالله يرحمه اشترى من الجميح كدلك 83ابيض والتنده سماوي وبعدسنتين تقشعت البوية ويوم جينا نرشها بوية على الصاج كلمنا راعي الورشة وقال انتم ضاربين السيارة بوية فبل كذا قلنا لا ليش قال طلع لنا بوية سماوية قبل الابيض وفعلا طلع ان الجميح رش السماوي الكامل ابيض والتندة خلاها اجمل للشكل ولتصريف السيارة حسبي الله عليهم وزميلي ابوه اشترى منهم جمس غمارة موديل 79 وطلع مرشوش وتحياتي وانصح صاحب الموضوع يبعد عن السيارة لانها حساسة وغير عملية وياخذله انفنتي الكبيريلقله عند معرض نجد ب298الف ريال او جيب لكزس وبالتوفيق
