ما أسباب تلف مضخة البنزين ؟ وما تأثير ذلك على السيارة ؟

السلام عليكم
اخواني عندي مشكله واتمنى المساعده

عندي جيب رانجلر صحارى 2013 اخر مره دخلت فيها بر وما كنت مربخ ع التواير وقبل ما اطلع دست عشان ما اغرز وكنت حاكر القير على 1 و 2 ومن طلعت على الشارع الموتر ادوس فيه خفيف ينتفض ويقطع وعقب اختفى هالشي وعقب بفتره رد بس مب من اول ما اشغل الموتر جي عقب ساعتين مثلا اتحوط وجي على الراحات يوم اوقف على اشاره من تفتح الاشاره ادوس ريس خفيف ينتفض الموتر ويقطع والار بي ام يلعب يطلع وينزل ويوم احطه فال N وادوس مافيه رييس مووول ووديته الوكاله 3 مرات وما اكتشفو المشكله لان يوم يستوي جي وياي ما تطلعلي اي علامه موول وللعلم بدلت بلكات و نضفت الانجكتر والثروال فالوكاله وبعدها المشكله

وبعدها بفتره اختفت المشكله ولما رجعت تقطع قلت بجرب احط بترول ولما عبيتها فل اختفت المشكله (للعلم البترول كان على الربع)

السلام عليكم، طرمبة البنزين تتلف لانها من القطع الاستهلاكية بعد مرور وقت على استعمالها، لان فيها قطع تخضع للاحتكاك حتى تفقد بعدها القدرة على دفع البنزين بالضغط المناسب، وهي مصممه للعمل داخل الخزان اول شيء لتبريدها ثاني شيء لان البترول يعمل مثل عمل الزيت او الماء ويقلل الاحتكاك الناتج بداخلها وعندما يفضى الخزان دايما تحتر الطرمبه وتتلف الاجزاء الداخلية فيها، وعطلانها يزيد من استهلاك البنزين في السيارة علاوة على عدم كفاءة اداءها
اما البخاخات تتلف، نتيجة تجمع كريستالات البنزين فيها والاوساخ التي نفذت من الفلتر حتى تتجمع في مسامات البخاخات وتسبب عدم كفاءتها لذلك ينصح بعمل اوفر هول لها كل سنه، وعطلانهم يسبب الهزة في المحرك وكذلك زيادة في الاستهلاك وخروج الكربون اسود من العادم مرارا

وعليكم السلام
اذا اردت المحافضة على مضخة الوقود
1- غير فلتر الوقود بانتظام
2- تعبئة الوقود قبل ظهور المؤشر انتهى الوقود
3- التعبئة من محطات النظيفة و التي تستخدم فلاتر تصفية في مضخاتها

تحياتي اليك

وغير ما اضاف صاحبنا ليست كل مشكله من الطرمبه ممكن تكون المشكله من شيء اخراو حتى من نوعية البنزينلأنني انا كنت دائماَ اعبي 95ومره نقصت فلوسي فضريت اعبي 91فجلست السياره تكحكح حتى رجعت وعبيتها من 95

تتلف الطرنبة ..
لو البنزين قل بالسيارة ..
يعني لاتخليه ينزل ..
لان بيكون في شوائب و اوساخ ..
بس تتاخر بتعباية بنززين بتصفي كل الشوائب عالطرنبة ..
يعين لاتخليه يبقى العشر بتانكي البنزين .. خليه دائما فووق الربع .. ^_*

[السلام عليكم ورحمة الله وبركاته :
تأثير البخاخات ان السيارة تحس فيها رجه أو تفتفه بس عشان تفرقها عن تفتفة البواجي تبين معاك اذا تعديت سرعة 120 تس السيارة ترج ومافيها عزم ... أرجو اني جاوبت على اسإلتك .