[SIZE=3]اول شي صبااحكم ورد انا اول موضوع لي بالمنتدى وحاب استفيد من خبراتكم عندي مشكله في جيب لاندكروزر موديل 93 الحراره ماترتفع يعني على C وتوقف في بعض الاحيان وترتفع اذا شغلت الدبل المهم انا الي اشغلني بزيااده ياجماعة الخير المويه حقت الرديتر تنقص يعني تنقص حق ابو اكثر من نص لتر مويه مقطر وحتى وهيا وااقفه السياره يوم اصبح القاها ناقصه والله تنقص فا من جد هالجيب لحس مخي اشتريته من واحد من الجمااعه فاكه على يده وكاله ورجال عاقل فا ماعاد ادري مع العلم سويت تسييخ للرديتر وشيكت عليه دورت تنسيم مافي شي والخراطيش جدآ سليمه والمكينه وديتها لأكثر من ورشه بالطايف ابو حربه والسواط يقولون مو مختلط الزيت مع المويه يعني من جد شي عجيب عسا الله يعطيني خيره ويكفيني شرره واذا لكم فيه رائي ياليت تدلوني عليه عسى الله يكتبه لكم في موازين حسناتكم :wavey:[/SIZE]
السلام عليكم ورحمة الله وبركاته
الله يصبحك بالنور والسرور , وارق عليهم ترا الناس اجازة يعني لا تواخذنا اذا تأخرنا في الرد :bigggrin:
طبعاً بخصوص الحرارة انها ماترتفع حاول انك تغير حساس الحرارة بواحد جديد واصلي .
اما عن النقص لازم يالغالي تشيك على الراديتر - الاهوز او الخراطيش - طبات الماكينة - طرمبة الموية - واخيرا قربة الراديتر
الراديتر راح يبين تهريبه وهذا معروف , قربة الراديتر بحكم انها بلاستيك مع الحرارة تتكسر وتبدأ تهرب .
طبات الموية تبين اذا شفتها بعينك حولها صدأ لأنها اكثر شئ يسرب الموية ومن قوة حرارة الماكينة تتبخر.
طرمبة الموية تهريبها واضح بالتنقيط من الجنب , آخر شئ وهي الاهواز او الخراطيش او الليات مع الحرارة تبدأ تضعف وتنسم والموية تنقص منها بدون ماتبين فـ تأكد ان اليات كلها سليمة وغير لينة.
وحياك الله في أي وقت
أخوكـ
