السلام عليكم
ياجماعة الخير معي مونديو 2007
من القصيم رحت للرياض عليها قبل الفجر ووصلت مع طلوع الشمس ويوم وصلت السيارة تقطع وتثقل دواسة البنزين وفي العودة رجعت مع اذان المغرب السيارة تقطع معي وتثقل حتى انها تخف السرعة ثم تدريجيا يرووح هالتقطيع والثقل وتعود السرعة واحيانا اضطر الى اني اوقف واطفي السيارة واشغل وترجع من احسن مايكون هالحركة صارت معي بطريق العودة مرتين.
وصلت للقصيم واستمر التقطيع وهالحالة يمكن لمدة ثلاث ايام او حولها مع ان كل مشاويري داخل الديرة
في احد المرات كنت في الدائري وكنت قطعت مسافة يمكن 30 كيلو او حولها وانا امشي تقريبا 140 ويوم دخلت وسط المدينة واوقف عند اول اشارة يوم مشيت والسيارة تثقل وتقطع استمرت لساعات
علما بأنه لو امشي عليها على شوي شوي تدريجيا تعود السرعة لطبيعتها بينما لو اضغط عليها مرة وحدة تقطع وتتفتف
وبعدها للحين يمكن صار لي اسبوع ما امشي لمسافات طويلة كلها داخل الديرة بس مع اني احيانا امشي مسرع بأحد الطرق السريعة الى 140 او حولها بس لفترة قصيرة ثم اهدي ومع ذلك السيارة زينة
مشكلتها بالطرق والمسافات الطويلة والبعيدة .
رحت لورشة وقالي يمكن بواجي او صفاية البنزين
غيرت البواجي وشيكت على اسلاك البواجي زينة .. ومابعد شريت صفاية البنزين
..
من فرج عن مسلم كربة من كرب الدنيا فرج الله عنه كربة من كرب يوم القيامه
الورش يتخرصون يقولون يمكن كذا ويمكن كذا يعني مافي شي اكيد والسيارة قطع غيارها غالية
