كيا سورينتو 2011

بالتوفيق للجميع

يالغالي انا معي سورينتو 2011 سته سلندر فل اوبشن واخذته بسعر 103 بعرض ال 50%
من اربع شهور

المميزات:
السياره حلوه وقويه واقتصاديه جدا في البنزين (كانت معي كامري اربعه سلندر نفس الصرفيه)
شكلها وتصميمها رائع واغلب مميزات الرفاهيه موجوده فيها

العيوب:
قساوه كبيره في المطبات يعني اقل شي في الشارع تحس فيه حتى عيون البسس (وحسب ماسمعت ان اغلب سيارات الدفع الرباعي من نفس الفئه فيها نفس العيب)
الشاشه والكاميرا مركبه تلفيق عند الجبر وجودتها اقل من سيئه
ازرار الرد على المكالمات غير موجوده كما في موديل 2010
فتحة اليو اس بي الل في وسط الكونسول غير موجوده كما في موديل 2010
الطبلون والديكورات بلاستيك وبصراحه احس الاصوات بدت تطلع وانا ماكملت اربع شهور
المكيف وقت الظهر ومع حر الرياض والجفاف دون المستوى المطلوب مع اني شيكت عليه في الصيانه وغيرو الفلتر ولكن لافائده (وعلى فكره انا جلست اسبوع في الخبر وكان المكيف رائع علشان الرطوبه فأعتقد في جده ماراح تواجه مشكله مع المكيف)

السياره جيده مقارنة بسعرها ومواصفاتها
ونصيحه لو بتشتريها خذها بدون الشاشه والكاميرا وراح يقل السعر وركب شاشه وكاميرا محترمه من عند الاخ ابو ريفان متخصص الشاشات
وبالنسبه ان السياره لايوجد منها الا كم حبه فهذا كلامهم من سنتين وكل ماجيتهم قالولي نفس الكلام
ويوم صملت طلبت لون لؤلؤي وداخلي بيج وقالولي يبيله ثلاث شهور لين يجي وقلت ماعندي اي مشكله لو بتجلس سنه المهم اللون
بعدها بيوم كلموني وقالولي اللون متوفر في جده والدمام من اي مدينه تبي نجيبه لك قلت جيبوه من الدمام اقرب واقل من اسبوع كانت السياره في الرياض

هذا مالدي يالغالي واي استفسار انا حاضر


وفقك الله