للأسف أخواني .. المشكله ما أنحلت بتغيير الزيت .. شريت زيت موتر كرفت وغير السيفون من الوكالة .. ومع ذلك في أحد المرات عند التشغيل ظهر صوت طقطقة داخل المكينة مدة ثانيتين مع أشتغال لمبة الزيت داخل الطبلون .. طبعا رحت للصناعية ومريت على كذا ورشة .. منها ورشة مشعل العتيبي و ورشة دار السلام هم أفضل من تعاملت معهم سابقا .. وكلاهما أتفقا على أن الخلل بنسبه كبيرة من طرمبة الزيت .. وتكلفة الإصلاح 1200 ريال وفيها فك للمكينة برا وتنزيل للقير .. لكنها شغله ..
المهم اللي مستغرب منه كلاهما ما نصحوني بزيت موتركرفت مع أنني قلت لهم أن المشكله ما ظهرت إلا عند تركيب لزيت كاسترول .. (الحضرمي صاحب ورشة دار السلام قال لا تسوي شي الآن بما أن المشكله لا تظهر إلا بالشهر مرة .. وأستعمل زيت شل 20 ـ 60 .. وإذا زادت المشكله تعال غيره ) .. يعني صراحه شي يقهر الموتر نظيف ومحافظ عليه ومع ذلك تظهر به مثل هذه المشكله لكن قدر الله وما شاء فعل .
ويا ليت ما تحرموني من أقتراحاتكم
