السلام عليكم ....
شباب مراااح اطول عليكم انا عندي مشكلة بماركيز 2008 ولي تقريبا 4 اشهر اعاني منها وهي في لمبة بالطبلون مثل اللي بالصوره
تولع اللمبه اذا انا ماشي على خط طووويل يعني مثلا من جده للرياض بعد 150 كم تولع اللمبه اكتشفت انا ان اللمبه تولع اذا تعطل لمبة الاوفر درايف ضغط انا على زر أوفر درايف اكتشفت انها ترجع نمره بس ماتولع اللمبه حقت الاوفر على طول وقفت السياره وطفيتها وشغلتها اختفت اللمبه واشتغلت لمبة الاوفر درايف كملت سفري بعد 7 كيلو اشتغلت اللمبه وتعطلت لمبة الاوفر درايف مع انك تضغط على زر الاوفر درايف ترجع السياره نمره بس ماتولع اللمبه المهم صار الاقير وانا مثلا داعس نصف دعسه وانا على سرعة 100 يعشق بالرابع ثم يرجع الثالث ثم بعدها الرابع وانا داعس مثبت رجلي على النصف دعسه يعني احس القير ملخبط رحت للوكاله بالرياض الحاج حسين قالي بعد فحص السياراه عندك 3 احتمالات بعد الفحص قال عندك حساس خربان ثاني حاجه الزيت القير ثالث حاجه الطنجره(((البطيخه))) اخذت سيارتي وطلعت واخذت لي ظفيرة قير كامله كلفتني تقريبا 1400 ريال طبعا تتكون من 4 حساسات وظفيره وغيرت الزيت من الوكاله مع الفلتر اما الطنجره (((البطيخه ))) ماغيرتها ورحت راجع لجده بعد 200 كم اشتغلت اللمبه ورجعة نفس المشكله الاوفر درايف رحت الحاج حسين بجده بكيلو 11 قالي بنفحص السياره وقالي كلام مخيف ايش قال قالي ان لازم نفك القير بس اذا بنرجعه بنحطه بالشنطه اذا ماوفقت على الاصلاح القير لأنه يحتاج توظيب من كلامه مااقتنعت فيه حسيته نصااااااب لأن القير قبل 200 كم اثناء السفر ممتاز جدا جدا جدا حتى كلمة السوداني قلت ابي الفني طلع معي الفني وشاف الزيت قال ممتاز جدا وجرب السياره اليوم الثاني قالي تمام قلت له بعد 200 كم تولع اللمبه وتصير مشاكل قالي اطلع 200 كم وتعال ارجع اشوف السياره بصرااحه انا مليت منهم رفعو ضغطي
الحين باقي الطنجره (((البطيخه))) بس انا سألت اكثر من مكانيكي قالي الطنجره ماتخرب الا اذا عزم الموتر ضعيف وانا موتر ماشالله ماشي 90 الف كم
وشرايكم شباب مع ان البطيخه سعرها 1700 وتحتاج فك قير +تغير زيت + فلتر يعني الشغل كله 2400 ريال
انا اخاف ادفع 2400 ريال وبالاخير تصير نفس المشكله ....تكفووون ساعدوني في الحل انا بالجنوب وقريب بطلع الرياض بس ابي احد يسأل عن حل للمشكله ولو في احد يقدر يكتب الموضوع في المواقع الانجليزيه عشان يشوف الحل بدعيله من كل قلبي .....
هذي مشكلتي وسلامتكم
