جيب BMW X5 موديل 2011 وش رايكم فيه

بانميرا @user_254911 · 31-07-2011

السلام عليكم

انا من الناس المعجبين بالبي ام بجميع انواعها ووقعت عيني امس في وكالة بي ام على الاكس فايف ال 8 سلندر وبصراحة اعجبني ولكن السؤال هل السيارة عملية وقليلة الاعطال وانا مخير بينه وبين الفئة السابعه وايهما اعلى جودة وقوة

ورحت للوكالة وقالوا لي سعره 330 الف
وال 740 فل كامل 426 الف
وال 740 العادي 380 الف

وش رايكم ووش تنصحون فيه مع انه بيتغير بعد سنتين ومو فارقة معي كثير

لذلك شوروا علي بحكم خبرتكم او احد جرب التكس فايف

بوشافي @user_75200 · 17-08-2011

ص

صعـب المنـال

السلام عليكم
والله ياغالي لو إني منك راح آخذ الـفئة الـسـابعه
والسبب إن المقصورة الداخلية لـ7Series أفخم بكثير من الـ X5
وأيضا الفخامة الخارجية لـ 7Series أفخم بكثير من الـX5
اما عن تغيير الـ X5 فاعذرني والله
راح تكون فخامة الجيب حقك مثل هذا الحين

الجيب هذا اللي انت تتهزء فيـــه

اقسم باللـــه انه في نظري يسوا جيب اللكزس 2010

وفيه فخامه ومواصفات ماتحصلها في موديلات حديثه

والحمدلله ان الله وفقني في اقتناااء X5 2007 وانصح صاحب الموضوع في الاكس

اكثر من السيدان والسبب انه اقل اعطال وعملي اكثر وفي نظري ارز

بس احرص انه يكون فل ابشن وراح ترتاح كثييير معه

سماري @user_50839 · 15-08-2011

الأكس فايف ماعليه كلام من ناحية الأداء والقوهـ .. إلخ

لكن سيارة أصبح شكلها مستهلك ... من موديل 2007

إذا تبغى جيب ألماني وشكل جديد ما أنتشر .. انصحك بالجيب الطوارق الشكل الجديد تاخذ فل كامل بـ 220 ألف أبيض وركب عليه كت ...

راح تكون مميز وملفت جدا ..

waaaldd @user_257954 · 14-08-2011

B

B A N D A R

هذا بـ أمريكا أعتقد
عند الناغي يختلف الوضع

لا أخوي انا جايب السعر من ناغي الرياض شارع الضباب مع الملك عبدالعزيز

the creater @user_240171 · 06-08-2011

انا من رايي المتواضع انك تشتري اكس سكس
سياره قويه ومتميزه وقليل تلقاها في الشوارع وهذا الاهم

porsche fan @user_259532 · 05-08-2011

والله يا اخوي شوف انا اقول اذا بتاخذ من فئة الـ X5 اقول خذ لك الأودي Q7 افضل واوسع واجمل .. هذا من رأيي الشخصي , وانصحك تركب السيارة وتشوفها

بالتوفيق

ابو زايد العنزي @user_222702 · 05-08-2011

شف كل سيارة ازين من الثانية ما شاء الله اما المستعمل انت ماتدري وش استخدام الي قبلك الا اذا كنت تعرف الشخص اما انت مستعد دفع مبلغ وقدرة ليش تاخذ مستعمل؟؟؟؟
بس انا من رايي والوالد عن كلامه ان البي ام تبي تتعبك بعد سنتين ثلاث سنين لان المكيف يخرب
طيب سؤال هل شفت GS460 انه انا من رايي وهذا الي حاصل عمليه اكثر من الفءه السابعة ومكينه مجنونة وفخمة وفيهاتبريد للمراتب والسعر حول 250

او اذا انت تبي نفس فئة البي ام الفئه السابعة فعندك LS460

بانميرا @user_254911 صاحب الموضوع · 05-08-2011

طيب لو خذت x5 2011 مستخدم استخدام نظيف هل عادي
لاني امس رحت لمعرض وقال انصحك الاكس فايف خصوصاً خذ جديد اما الفئة السابعه عادي تاخذ مستخدم هل كلامه صحيح *

B A N D A R @user_221287 · 02-08-2011

w

waaaldd

بالنسبة للسعر غير صحيح اخوي انا جاي من الوكالة سعره 265 واال8 سلندر حول ال 310

هذا بـ أمريكا أعتقد
عند الناغي يختلف الوضع

waaaldd @user_257954 · 02-08-2011

بالنسبة للسعر غير صحيح اخوي انا جاي من الوكالة سعره 265 واال8 سلندر حول ال 310

porsche fan @user_259532 · 01-08-2011

والله لو انا راح اخذ الفل كامل , وذلك بسبب تبريد وتدفئة المقاعد وهذي ميزة جداً مهمة ومريحة للسائق والركاب :)

بالتوفيق

بانميرا @user_254911 صاحب الموضوع · 01-08-2011

الفرق بين الستاندر والفل مايلي
الفل يجي فيه بروجكتر ويجي تبريد وتدفئة مراتب وشاشات خلفية هذي تقريباً الاشياء الاساسية
والستاندر مايجي فيها اللي ذكرت

وانا الان محتار هل هي تستاهل ولا لا
وانا شباب وماراح يسوق السيارة الا انا ومشاويري كلها في الرياض دوام وغيره

ماهرالحربي @user_148044 · 01-08-2011

نصيحتي لك لاتاخذ سيارة فخمة إلا كاملة المواصفات ....

لأن أغلب عوامل الترف في السيارات الفخمة تجي في كاملة المواصفات ، مثلا :

تكييف المقاعد ، الرؤية الليلية ، الإضاءة المحيطية الداخلية ، التلفيزيون ،
راديو HD يضم 1400 قناة ، وغيرها ....

تقريبا مافيه أحد ياخذ سيارة فخمة ستاندر إلا ويندم مع مرور الوقت ....

كذلك الفرق السعري ليس بالكبير بين الستاندر والفل أوبشن إذا نظرنا
إلى قيمة السيارة الأساسية ، فأنت ستدفع 380 ألف ريال فلم لاتدفع
46 ألف ريال إضافية للحصول على خلاصة الترف ؟؟

بالتوفيق .....

porsche fan @user_259532 · 01-08-2011

^
والله هذا يعتمد بعد على اهتماماتك وايش تحب من التقنيّة
ممكن تكون فيه اشياء بالفل كامل انت ما تستفيد منها .. على كلٍ انا ما ادري بهالفئة وش الفرق بين الفل كامل والستاندر , يفضل انك تزور الوكالة وتسالهم وتشوف , ان كانت الفروقات بسيطة وما تأثر فخذ الستاندر عشان توفر , اذا شفت بالفل كامل مثلاً اشياء ما تهمك كثير فلا تاخذها ..

بالتوفيق

بانميرا @user_254911 صاحب الموضوع · 01-08-2011

جزيتم الف خير

الغيت فكرة الاكس فايف من راسي لكن الفئة السابعه هل رايكم اني اخذ الفل من ال ٧٤٠ ولا اخذ الستاندر
لاني ما ادري يمكن ادفع فيها كل هذا المبلغ ويصير ما احتاج المواصفات هذي كلها
مارايكم

porsche fan @user_259532 · 01-08-2011

لو اني محلك اخوي طبعاً راح اتوجه للفئة السابعة ولعدة اسباب
اولها ان شكل الـ X5 ما يعجبني نهائياً وهالشئ يفرق من شخص لاخر وممكن يكون الشكل عاجبك
ثانياً الفئة السابعة افضل شكلاً واسماً , بالاضافة بأنها افخم وانعم من الـ X5 بالسواقة وتقنيتها اعلى من الـ X5 ايضاً
من رأيي الـ X5 افضل من الفئة السابعة بشئ واحد فقط وهو ادائها بالاماكن الوعرة بالرغم اني ما ادري كيف ادائها بالاماكن الوعرة لكن اكيد انها افضل من البي ام الفئة السابعة من هالناحيّة , ولا باقي الخصائص والميزات للفئة السابعة وهي الافضل أكيد , بالاضافة ان البي ام الفئة السابعة مطلوبة جداً وقت البيع اكثر من الـ X5
واخيراً الـ X5 راح يتغير شكله بعام 2013 .. اعتقد شئ يقهر لما تشتري سيارة وبعد سنة او سنتين تشوف الشكل الجديد منها يمشي بالشارع وانت معاك القديم بالرغم انك قلت انك ما تهتم , لكن اشوفها تفرق معاك بعدين نفسياً :)

Ahmad Al-Sabban @user_134747 · 01-08-2011

م

ماهرالحربي

وعليكم السلام ورحمة الله وبركاته ....

الإختيار من بينهم راجع لك ولمتطلباتك ،

إذا تهتم بالسعر والدفع الرباعي والسبعة مقاعد فخذ الـ X5 ....

وإذا تهتم بالراحة والترف والتطور والهيبة فخذ الفئة السابعة ....

استخير + جرب السيارتين + الله يوفقك للأفضل .....

+1

وبالتوفيق

المحتار2009 @user_196958 · 01-08-2011

بصراحه الــX5 سيارة عادية جدا وشكلها من فتره ما تغير
وأفضل خيار هو الفئة السابعة 740Li بدون تردد

مووفق

بانميرا @user_254911 صاحب الموضوع · 01-08-2011

الف شكر لكل من رد
ولكن احد الاصحاب ذكر لي ان الاكس فايف تحمل اكثر من الفئة السابعه؟

ماهرالحربي @user_148044 · 01-08-2011

وعليكم السلام ورحمة الله وبركاته ....

الإختيار من بينهم راجع لك ولمتطلباتك ،

إذا تهتم بالسعر والدفع الرباعي والسبعة مقاعد فخذ الـ X5 ....

وإذا تهتم بالراحة والترف والتطور والهيبة فخذ الفئة السابعة ....

استخير + جرب السيارتين + الله يوفقك للأفضل .....