السلام عليكم ..
البارحة كنت بوكالة محمد يوسف ناغي .. طريق الكباري
العرض هو تاخذ السيارة أقساط بسعر الكاش .. لكنه على فئة معينة وألوان محددة.
الاختيار بين الفئة الخامسة ..
535 بألوان مختلفة خارجية لكن لون الجلد هو العنابي فقط .. (عنابي أو بني على أحمر كذا لونه)..
السعر 295 ألف ريال.
523 بألوان خارجية مختلفة لكن لون الجلد هو البيج فقط ..
السعر 235 ألف ريال ..
الفروقات حسب كلام الأخ (اللي تعبني كل ما أسأله يقول لي .. هو أنت ايه المواصفات اللي عوازها!! = ياخي قل لي وخلصني !! )
المكينة 3.0 في 535 تون تربو .. بينما 2.5 في 523
التلفزيون .. 523 مايكون فيها تلفزيون
الجنوط في 523 يكونو مقاس 18 بينما في 535 يكونو 19
التحكم الخلفي بالمكيف فقط في 535
هذي الأشياء اللي قال لي بها ..
وطبعاً (نقلاً منه) .. أني ما أقدر أضيف أو أغير بالمواصفات !!!!!!
بالعربي .. أختار اللون الخارجي فقط !
السؤال .. هل تسوى الـ 60 ألف ريال فرق بين السيارتين؟؟
شكراً لكم.
