عاجل مشاكل يوكن 2011 او تاهو ارجو المساعدة

لا اخوي عادي فرامل اليوكنات عامة كذا فراملها خفيفه عاااادي لاتخاف وبنسبه للبنزين

انا معي يوكن فل الفل دبل اعبيه 91 له معي 4سنين ونا اعبيه 91

الجلنط وعقدته
انا معي تاهو 2011 وعندي مشكلة في الجلنط
وهي انه ما يمسك معي من او مرة يعني اضغط على الجلنط وينفك وارجع اضغط مرة ثانية ويرجع ينفك وارجع اضغط مرة ثالثة واحيانا رابعة وخامسه الين يمسك
وبقول للوكالة عنها في صيانه 15 الف

هل مشكلتك نفس مشكلتي ؟

هذي حالة يمر فيها أي مشتري جديد لآي سيارة...

بأختصار .. عب السيارة 91 ولا تخسر فلوسك في 95 بدون فايدة وتكلمنا في هالموضوع كثير وذا فلوسك زايده مو مشكلة بس حط ببالك انك قاعد تدفع زيادة وبدون أي مقابل لان سيارتك ليست من السيارات الي تتطلب نوعيه 95 ... وعموما لو تحصل بنزين 87 كان افضل لان سيارتك مصممه على هالنوعية وانت الان معطيها اكثر من حقها. وبخصوص الرجفه مالها علاقة بنوعية البنزين اقولها وابصم لك بالعشره.. وترى فيه بعض الناس نفسيا بعد ما يحطون نوعية 95 يحس سيارته تغيرت وفي الاساس لا تغيير ولا شي حتى وصل بأحدهم يقول في أحد المواضيع أن بنزين 95 مقارنه ببنزين 91 وفر ما يقارب 120 كيلو في تعبئة الفل الواحدة !!!!!!!!!!!!!!!؟؟؟؟؟....

بخصوص الجنط ادعس على الجنط على الاخر ولا تكون حنين ...

بخصوص الزيت اسئل الوكيل هل يلزمك تغييره ولا لا ...

الجلنط اتوقع فيه مشكلة

الجمس اللي عندنا ماشاء الله اذا كان الجلنط مضغوط مايمشي ومستحيل يمشي

رح الوكالة وشيك عليها

اخوي معليش لا تزعل مني بس موترك مافيه شي
انت فيك زود حرص
توكل على الله ولا تدقق لان كذا الموتر مايكمل معك سنه الا ومبيوع

من ناحية الرجفه فهي عاديه وموجوده في اليوكن والتاهو والسيرا والسلفرادو الدبل
اما الى بدون دبل مافيه هذه الرجفه وهي عباره عن فضاوه في الدفرنس الخلفي من اجل تخفيف القوه الواصله من المحرك ولوتدعس خفيف وتازن رجلك على البنزين ماراح تطلع معك الرجفه
اما الجلنط فهو فعلا ضعيف ويجب الدعس عليه حتى اخر شي مع وضع القير على البارك
انا قبل يومين دعست على الجلنط والقير على N ويوم نزلت مادريت الا والسياره ماشيه والمشكله كان فيها زوجتي لكن الحمد لله تمشي ببطء وقدرت السيطر عليها
اما التشييك فعند الجميح لازم تشيك عندهم الالف كيلو ويقومون بتغيير الزيت والسيفون "الفلتر " مجاني اما غيرهم ماعندي علم
اما الينزين اذا كان موترك مافيه مشاكل مثل رجفه بالمكينه واهتزاز وهي تشتغل او ضعف بالعزم وانت تمشي بسرعه عاليه فخلك عليه لانه اوفر لك فرق يعني تقريبا 12 ريال في الفل
اما اذا اردت تغيير البنزين من 91 الى 95 اول شي فض التانكي يعني امش عليه حتى تولع لمبة البنزين وبعدين عب 95 بخمسة ريالات وتجنب الدعس خلك تمشي طبيعي وبعد ماتولع لمبة البنزين مره ثانيه عبه فل والله ييسر امرك
طبعا هذا كلام الفني في وكالة الجميح

وفي الاخير خل عنك الوسوسه انت شاري سياره جديده على شان تريح راسك استمتع بالسياره وتابع الصيانه وماتشوف شر

البنزين شوف الكتالوج ولا تلتفت لكلام حد
اتوقع مكتوب بالكتالوج 86 واقرب شي ل 86 هو 91
اوما الرجفهة او التفتفة الخفيفة هي طبيعية
والجلنط طبيعي بس شكلك موسوس

السلام عليكم...
اخوي يوكن دبل بالنسبة لـ بنزين 91 فهذا فيه نسبة كربون زايدة فأفضل انك تعبي 95 بعد مايخلص 91 يعني الين ماتولع اللمبة والجلنط اتوقع طبيعي بهذي الطريقة في اي سيارة ممكن كذا والفرامل عادية ولا ممكن شيك على زيت الفرامل


....(اخوي لاتدقق كثير في السيارة ترا والله بتتعب وتوسوس:c0038: السيارة مافيها شي بإذن الله تمام التمام ومبروك عليك السيارة)....