/ !! .. محــتاج نصيحتــكم .. الابــيكــا .. ومتــردد .. !! /

صح لسانك اخي الكريم والله انك صادق

انا اول ما خديت الموتر قبل 4 سنوات الكل لامني وقال لي الموتر ما بيجلس معاك حتى سنتين وصدقني بعد هالفترة من استعمال هالموتر اقول لك كلها هدررررررررة فااااضية السيارة ما بتخترب وتضرب مكينتها الا بسبب

واعطيك نبذة عن استعمالي

1_ ماسك خط الظهران الجبيل 3 سنوات ودععععسس (قبل ساهر طبعا)
2_ عند كل اشارة حد الدعسه.
3_ سفريات عليها.
4_زين اذا بدلت زيتها كل 7 الاف.
5_ صيانتها كل سنة وحوايج خفييفة.

الخرابات الي واجهتني :
1_ تهريب زيت من جلدة الكرنك بسبب اني استعملت زيت ثقيل على الموتر وتم اصلاحه ب 1400 ريال !!
2_ المكيف صار يهرب الفريون والمشكلة طلعت كبس هوز ب 250 ريال وكان الله غفورا رحيما.
3_ انفجر عندي خرطوشين للرديتر كل واحد قيمته 50 ريال وبدلتهم في الكراج بنفسي (اتوقع من الدعس بالسيارة)
4_ الهند بريك (الجلنط) فيه مرة صار يعلق عندي ما ينزل واعتقد انا الي خربته :smilie16: وتم الاصلاح ب 100 ريال.
5_ الحين فيها خراب ان اذا المكيف مشغل تطلع صوت حنة والسبب سير الكمبرسر (بأعتقادي) وما بيكلفني الخراب 200 ريال.

طبعا كل هالخرابات في 4 سنوات من الاستعمال العنيييف والحين الموتر ماشي قريب ال 130 الف وبعده عااالي العااال والمكيييف (ماشاء الله تبارك الرحمن) ثلللللللللللج واسئل اصحاب الابيكا :xyxthumbs::xyxthumbs:

وهذا الي عندي من شخص مستعمل الى السيارة مو يجي واحد يقول لي سمعت فلان وفلان

ارجو اني افدتكم اخواني الكرام

اخوي لو تلاحظ كل اللي يذمونها ماستخدموها (سمعت وماسمعت)

انا احد ملاكها امتلك موديل 2007

سيارة جيدة جدا للاستعمال وقليلة الخرابات

الي يسبونها يقصدون موديل 2006 وتحت وهذا فيه مشاكل كثير

والي يمدحونها يقصدون موديل 2007 وطالع

انا معي ابيكا 2009 ماشيه 62 الف للحين ما غيرت فيها الا زيت وفحمات ( ما شاء الله )

انا معي ابيكا 2007 السياره معي زي الفل مافي مكان في المملكه مارحتله من شمال الي شرق السياره ممتازه الى الان بس مشكلتها عزمها ضعيف عند الانطلاق فقط ولا الباقي يازينها قطع رخيصه ومتوفره .. والى يشتكي من تخبيط المكينه الله العالم ماقد شيك على زيت المكينه .... ناقص زايد ..!
اخر الكلام السياره ممتازه اهتم فيها وفي زيوتها تعيش معك .. شوف ناس ماشيه معهم فوق 300 الف ولا اشتكوا منها ..

ماانصحك بها كسيارة كرف
واحد من خوياي عنده وحده ويسب فيها
ولاتنسى الاستخاره

حسيت السيارة فيها سره

ردود مختلفه ولا فيه واحد منها متشابه ال بعض يقول زينه والبعض يقول موب زينه

ياليت اللى يكتب له تجربه سابقه او تجربه عن قرب من اخو او صديق

وحيرتوني أكثر

واحد من خوياي كنت معه يوم خبطت فجأة عليه ماشية 95 ألف وشاريها من الكويت نظيفة .. ومع ذلك خبطت بسبب عمود الكرنك .. أصرف النظر عنها .. هي سيارة تخدم إذا كانت جديدة أو أستعمال نظيف .. لكن إذا خربت قطعه غير متوفرة وايضا صيانتها مكلفة لأن مو كل واحد يصلحها .. يكفيك أن السيفون ما تحصله بالبناشر إلا نادراً ..

السلام عليكم

اخوي الغآلي / أنا بأتكلم عن نفسي ورأيي الشخصي بحكم اني معي أبيكا 2008 ..

امتلكتها من 3 سنوات تقريبا وداخل السنه الرابعه ...

السيآرة حتى الآن ماشيه معي 185 الف كيلو ... ولله الحمد والمنّه المكينه والقير نظيفه رغم اني شخص غير مهتم (يعني حط رجلك بالخطوط والعن والدين الموتر بوسط الديره )

ولكن ولله الحمد حتى الآن السيآرة ما طلبت شي ،، اللهم الأشياء المستهلكه مثل : الفحمات، البواجي، جلد، إلخ ....

والصرآحه انا معجبتني ولا فكرت حتى الآن أغيرها ..

اتمنى أكون أفدتك .

أخوك/ يآسر ...