هلابك يالغالي و الله لايجيب التعقيد ان شاءالله و المشاكل الي ذكرتها ماهي كبيرة و السيارة موجودة من 2007 وما اتوقع من شركة زي فورد تقع في اغلاط بجيل الايدج الثاني و الحمدالله
سيارتي ماشية 32 الف ومن احسن مايكون و الكلام هذا مو دعاية بس هذا الي اشوفة ....
يالغالي لازم تعرف اذا كان التضبيب او الضباب و الي تسمية ( بخار الماء) يطلع على القزاز من داخل السيارة او برى السيارة واذا كان من الداخل وهذا الي اعتقدة شي طبيعي يصير في فترة الشتاء و تشوف التضبب على القزاز والدرايش الجانبية مقفلة لن انفاسك تحتوي على نسبة الرطوبة و الماء و درجة الحرارة داخل السيارة اعلى من الخارج ولما تكون درجة الحرارة دخل السيارة اعلى من الخارج فالرطوبة راح تتجمع على القزاز من داخل السيارة و الحل ان تفتح الدراش الجانبية من دقيقة الى دقيقتين و راح يروح الضباب او ان تشغل المكيف البارد على الدرايش و راح يروح على طول ....
وهذا طبيعي و هذا صوت الـــ ABS شغال على العجلات الاربعة و تصير عندي و في اي سيارة امريكية فيها ABS و عشان تقطع الشك باليقين خلهم يشيكون على البريكات في وفرع ثاني و ان شاءالله خير ....
سلام عليكم ...
احييك يا فاير و احيي كل الشباب في هذا المنتدى ...
ابي اعلق على كم شغله من الكلام اللي رديت عليه بخصوص المشكله اللي قلت...
- من ناحية اني متضايق .. انا مريت بتجارب مريره مع السيارات اللي كانت قبل معي لدرجة الوسوسه في الطريق و كمان وقفت فيني في وسط الطريق انا واهلي ... والله العظيم السياره اللي كانت معي من قبل الايدج .. كنت اصرف عليها من الراتب وكانها ولدي .. اصرف عليه .. و لما جاء الوقت اللي اشتري فيه سياره قلت خلاص ,. جاء الوقت اللي ترتاح وتريييح دماغك ... بس من الوضع اللي انا فيه حسيت اني لسه على سيارتي القديمه.. اي نعم ان السياره على الضمان و رح يصلحون كل شي على نفقتهم بس انا ما شريت السياره عشان كل يوم وانا اشقر على الصيانه ووجيههم العفنه
* من يوم شريت الايدج الى الان قد صلحت فيه شغلات على ممشى 18000 كم تقريبا ..
*اول صيانه 8000 .. تهريب في الزيت في الكرونه اليمين, فتحه تعلق, سيتسم يعلق, النقاط العمياء ما تشتغل, اصوات طق في الكليبر الخلفي اذا دست عالفرامل.. و فوق هذا قلنا ماشي كل شي معرض للاخطاء.
*ثاني صيانه 16000 ,,, تهريب زيت في الكرونه اليسار, ضعف شديد في عزم السياره, تاخير التغييرات في القير, اذا فتحت الفتحه حقت السقف تخرج الجلود اللي في الاطراف معاها, صوت الفرامل زي ما هو ما تغيير, ... طبعا كل شي مثبت في اوراق الصيانه .. يعني مو مشاكل جالس احسها و اقول لكم,, برضو قلنا ماااااااااااااااااااااااشي ,, ( والفرامل الى اليوم مثل ما هي ) لو انه الABS كان قالوا لي بس قال خلاص نصلح الصوت و ما عليك.
* و في نهاية المطاف ,, الاسبوع الماضي .. القزاز الامامي كله بخار او تضبيب على قولك
يا حبيبي حتى والقزاز حقي وحق الراكب مفتوح .. يبقى موجود .. و 90 % ماء .. شوي ويصب مويه ... انا مو اول مررره اسوق او تخرب عليه سياره عشان تقول لي بخار الانسان و ما ادري ايش ( احترم وجهة نظرك )
جلست ذاك اليوم اللي كتبت لكم المشكله ,, جلست ساعه في السياره اشغل المكيف الامامي و ارجع احطه على القزاز الامامي مرارا وتكرار .. حتى اخر مررره حطيت المكيف الامامي و قفلت الفتحات اللي فوق و على طول اختفى البخار و الى اليوم ... ( حرررمت اشغل المكيف على القزاز الامامي )
وكمان الشي اللي رافع ضغطي .. اذا خليت المكيف على القزاز الامامي .. ما تقدر تقفل الهوايه الخارجيه .. تبقى مفتوحه .. طيب انا ما ابي الهوايه مفتوحه ... ما ادري وش اسوي. ( ما ادري عندكم نفس الشي )
* الاهم من كذا,,, انو اذا شغلت المكيف وخليت الهوايه مفتوحه .. بطلع صوت صفير من داخل فتحة المكيف .. وكل ما زدت السرعه ,.. زاد التصفير ... و كأن الهوايه مو فاتحه الا شي بسيط جدا .. وانت عارف كيف اذا ما كانت مفتوحه بالمره ....
عرفت ليش متضايق .... ترى السياره مو رخيصه عشان اطنش ... و كلاب الخبر ., اقصد صيانة الخبر فاااااااااااااااااااااااااااااااشلين من كل النواحي .. سواء التنظيميه والعمليه و الايدي العامله .. و ما خفي اعظم ..
خويي عنده اكسبلورر2010 ... خرب عنده الدفرنس ... وطلعوا الخبير حقهم يسوي تست عالسياره
قال .. الرمان اللي خربان مو الدفرنس
لما رحنا واشتكيناهم وجبنا اوراق من ورش ثانيه تثبت انه الدفرنس ... اخيرا اعترفوا و على طول غييروووه
ليش ما كانوا يبون يغييرونه . لان السياره تعدت 70000 كم و زي ما انتم عارفين من 60000 كم الى 200000 كم بس مكينه وقير و دفرنس تحت الضمان ...فففففففففقط
الخبير برأيهم للاسف شايف الناس حمير .. قام يحط المشكله من الرمان عشان يدفع خويي ما يقارب 2000 ريال .. بس الله كشفه ... و اخذ له Shit على كيفك ...
يعني الكل ينتبه .... منهم ... خصوصا اللي معدي 60000 كم
بس عشانك و عشان Al-Ajmah ,,,, ما ني متضايق :tongue: مبسوووووووووووط حدي
ههه
تحياتي
