تبادل خبرات واستفسارات لكل ملاك فورد ( ايدج )

قد يكون التخزين سبب
ولكن هناك سيارات مخزنة من سنوات ولم تتعرض للصدا
المشكلة محيرة
انا قرات موضوع لواحد اشترى ادج 2012 ووضع صور لها من اسفل معدوة صدا

هي موجوده بكل السيارات لكن صارت ملاحظه بكثره في سيارات الجزيرة في الفتره الاخيره وهي سيارات جديده
احتمال كلامك صحيح لكن الحديد زي باقي السيارات يعني مافي فرق لكن اتوقع سوء التخزين هو العامل الاكبر

والله مشكلة الصدا انتشرت حتى في الايدج
اتوقع ان السبب من ضعف جودة الحديد المستخدم
لان المشكله لاتوجد في السيارات اليابانية حتى القديمة

الأسود حلو لكن يتعبك بالتنظيف كل يومين لازم تنظف اي شي يوضح خاصة بالنهار وانا معي اسود داخلي سبورت
لايوجد مشاكل لكن الفتحه تحتاج تشحيم لانها تطلع صوت خلال المطبات والميول بالشارع
اهم شي اذا جيت تستلم السياره لاتوقع الا اذا تاكدت من ان السياره مافيها صدأ لأن سيارات الجزيرة كثر فيها مسأله الصدأ هذي وشوف مواضيع الاخوان

ياشباب اسال عن لون الداخلية هل فيه اسود كامل المقاعد والطبلون
للمجربين هل واجهتم مشاكل تقنية او ميكانيكية

ملاك الايدج انتظر فزعتكم يالنشاما في موضوعي الله يفرج همكم ساعدوني

http://www.assayyarat.com/forums/thread258880.html

امممممممممممم:c0214:

والله للاسف ماعندي خبرة والا ودي افيدك <<< طيب ليش ترد يالملقوف :c0038:

السلام عليكم
اخواني الكرام انا قريب من شراء فورد ايدج 2010 امريكي وسمعت من ناس كثير ان الامريكي فيه خرابات وسيئ فياليت تفيدونا وتعطونا نصايحكم ومشكورين

^
^
^
والله ياخوي انا جربت كل المراتب الا مرتبة الراكب الثاني <<< ام القرادة :smilie16:

مرتبة السائق والمراتب الخلفية كلها وسيعة مع العلم اني سمين جدا <<< فرحان انت ووجهك بسمنتك :mad1:

ياشباب هل الايدج ضيقة من الداخل ام مساحتها واسعة خاصة المقعد الثاني

الله يبارك فيك يا احمد

وان شاء الله بصورها لما استلمها

وراح اسالهم عن التظليل والحماية

شاكر لك ردك

الف الف مبارك على الايدج السبورت

ترى عددها قليل جدا بالسعودية وعليها طلب من الشباب

لازم تاخذ لنا كم صورة لها بعد الاستلام , بالنسبة للنصايح ممكن تطلب من الشركة نفسها يغلفوها من الداخل ويركبوا لك تظليل وحماية من الخارج

ومبارك مرة اخرى

السلام عليكم ورحمة الله وبركاته

واخييييييييييرا قريت كل الردود في هذا الموضوع الراااااااااائع

وبصراحة انا قررت اني ما افوت اي رد من بعد ماقررت اني اشتري السيارة

طبعا انا كان معي جيب سوزوكي قراند فيتارا XL-7 2002 لونه اخضر عليه استكر لا اله الا الله <<< يمكن في احد شافه لانه مشهور في شمال الرياض :smilie16:
وكان ماشي معاي زي الفل بس العمر مايرحم بدت تكثر طلباته وخراباته وفي الاخير قررت ابيعه

وبعد مابعته جلست ادور لي جيب صغير بحكم اني احب الجيوب الصغيرة وكنت ابي شي رياضي لدرجة اني بديت اشطح بتفكيري وبغيت انحرف عن الجيوب للسيارات الرياضية الثانية (كمارو+تشالنجر+موستنق) لكن الحمد لله صحيت وقلت مايصلح لي الا الجيوب بحكم وزني <<< الاخ دب بشكل كبير :a1120(86):

طبعا الايدج ماكانت على البال ابدا واصلا ماكنت اعرف هالسيارة ولا كانها موجودة

ومابديت الاحظها الا في 2011 بس ما اعجبتني كثير وكنت اشوف المازدا CX-7 احلى

بس يوم شفت الايدج سبورت انسحرت :emot165: وقررت اشتريها والحمد لله شريتها قبل حوالي 3 اسابيع ووصلت الخميس اللي راح للرياض بس قالوا بتستلمها يوم الثلاثاء او بالكثير الاربعاء الجاي ان شاء الله لانهم قاعدين يجهزونها <<< زواج على غفلة

طبعا السيارة سبورت لؤلؤي 2012 وطلبت انهم يركبون لي زينون عليه

مانستغني عن نصايحكم وملاحظاتكم ياحلوين :ch19:

اخوكم طارق

بعد التحديث .... (راي شخصي)
المميزات : سرعه لاستجابه فقط ...
العيوب:
١- الثيم باهت واقل جوده بكثير ... مثلا اللون لاسود كان اجمل من الرمادي الحالي.
٢- عدم عرض اسم المقطع الصوتي اذا كان منقول بالبلوتوث (وهالشي جدا زعلني)
٣- صور لالبون مات او Art Cover صغير وغير وااااضحه بمقارنتها بالتحديث السابق
٤- مشكله ال RDS ما انحلت
انا تحسفت (نوعا ما) اني حدثت ... لان لامور الي ذكرتها في العيوب كانت مهمه جدا بالنسبه لي

توني خلصت التحديث
اول شي نصيحة لاحد يتفلسف مثلي ويسوي الابديت بدون مايشتغل السياره هذا سبب لي مشكلة كبيرة علق النظام بالكامل وجميع الحلول مانفعت حتى حاولت اسوي master reset لكن حتى المنيو مقدر ادخل عليها واضطريت افصل فيوز myfordtouch والحمدلله مشى الحال

بالنسبة لرأيي اشوف النظام تحسن من ناحيه الاستجابه بشكل ملاحظ لكن اللي ماعجبني جوده الثيم او الجرافكس قلت عن النظام القديم بشكل ملاحظ

^^^^
يالغالي سو التحديث على نفس مذكور و لا تخاف و انا قبلك حدثت و كثير من الاعضاء سووها و الصراحة ابدااااع من شركة فورد و ما ناقصة الا النافي ....

على العموم سوها و قل لنا وش حصل معاك و انطباعك عن التطبيق الجديد ....

وشكرا ...

^
لله يعطيك العافيه ... انا حاليا جالس انزله بس في التسجيل في الموقع مالقيت الا امريكا وكندا والمكسيك ... عموما حطيت عنوان وهمي امريكي ومشت لامور ..بس خايف ان النسخه ماتركب على سيارتي او شي زي كذا

ياشباب اعلان هاااام

نزل اصدار ماي فورد توتش الجديد قبل عشرة ايام و حدثته بالبيت و التطبيق خورافي ...

والي ما حدث يسارع للتحديث وتقدر تسويها بالبيت و كل الي يحتاجه منك فلاش ميموري فيه مساحة فاضية على الاقل 2 جيجا و تسجل في موقع سينك ماي رايد و تنزل التطبيق في الفلاش ميموري و تخلي السيارة شغالة لمدة تصل الى 60 دقيقة ....

وهذا للتفصيل اكثر ....
http://www.ford4arab.com/vb/t53912.html

وهذا طريقة البرمجة ...
http://www.youtube.com/watch?v=ANHRub8Ze1M&feature=related

وهاذي المحصلة النهائية ....
http://www.youtube.com/watch?v=c3k4iDZyhYE

وبالتوفيق للجميع ....

السلام عليكم

شباب انا معايا ايدج 2011 وماشي فيها الى الان 8000 والمشكله المدينه اللي انا فيها ماعندهم مركز صيانة وابغى اغير زيت المكينة فياليت تقوليلي ايش هوا الزيت المناسب للسياره وهل فيه اشياء ثانيه اسويها بما اني وصلت للصيانة الاولى

والف شكر لكم