الحقيقه المغيبه عن زيوت السيارات

كلامك سليم هذه الشركات وضعت مواصفات خاصة للزيوت الي تضاف لمحركاتهم

بعطيك مثل فوكس تيتان سوبرسن



والله اعلم ممكن كلامك يكون صحيح

وفي اعتقادي أن يوجد أحتمالين في هالحاله

وهو أما الشركة تفسها صممت المحرك على اساس ان زيته يكون تخليقي وش الاختلاف مع الزيت العادي

لا أرى اختلاف جهوري من حيث مباء العمل والتزليق بغض النظر عن الكفاءة وطول مدة بقاء الزيت في المحرك

والاحتمال الثاني رفاهية للمحرك وتحفظ على المواصفات الزيوت واللعب الحاصل فيها والحيرة الي يعيشها الناس

فوضوعوا افضل شي

بحيث تكون مرخصه من عندهم وايضا عشان يضمنون محركاتهم لانها مكلفة ومو مستعدين

للصيانة المكلفة بالاخص تحت الضمان

ولكن هالموضوع يحتاج بحث موسع

ياخوي انا مانصحت بلزوجة 50-20 انا وضعتها للمقارنة فقط لانها تحضى بتقدير الكثير

وتراه مو سيئ للدرجة الي تتصورها لكن له ضروف يستخدم فيها مو حق استخدام عادي

بالنسبة للزيوت واللزوجة العيارات الخفيفة تتحمل حرارة وليس كما يعتقد البعض

بنسبة للعيار 30-5 و20-5 بالمواصفات القديمة كانت غير مناسبة لمنطقتنا نهائيا

وحتى الامريكان مازلوا يعتقدون انها غير مناسبه بعد ماشفت منتداياتهم وسواليفهم

قبل أكثر من عشر سنوات ماكنت تتحمل حرارة عالية

وكانت مخصصة للمناطق الباردة جدا فقط مثل مواصفات SG و SH على ما اعتقد

هاي صورة من كتيب لكزس 92

شف 30-5 فين





لكن مع المواصفات الجديدة SM و SN و SL وSJ اصبح 30-5 زيت واسع المجال للحرارة العالية والمنخفضة

وهنا حصل لبس لدى البعض

شف كتيب لكزس موديل 2000

لكن اذا ودك بالحقيقه ترى الفرق في المناطق الحارة مثل بعض هو 30 على المقياس

يعني 30-10 نفس اللزوجة تقريبا ويتميز عنه 30-5 في الاجواء الباردة

لو كانت 30-0 أو 30-20 ماتفرق كثير بالنسبه لنا

عشان كذا الشركات تنصح في 30-5 من باب انه اوسع جو بارد او حار ومعتدل من باب الاحتياط والتعميم

لكن بالنسبة للخليج بصفة عامه 30-10 كاااااااااااافي ونفس الشي سوا سوا

وفرق السعر خله لعيالك

أما بالنسبة لنوع الزيت موتركرافت ولا ايسي ديلكو او تويوتا او هوندا او غيرة

الحقيقه انا افضل اخذ الزيت من شركة زيت مو من شركة طابعه اسمها عليه ولاتدري عنه

صح موتركرافت زيت مميز عشانه مستورد وبمواصفات حديثه

لكن مافي له اي داتا او معلومات تثبت زعمهم وختم الجودة صراحة ما اثق فيه

بالذات في بلد الرقابة فيه تكاد تكون معدومه

وكل شي يدخل بدهن السير لا مواصفات ولا مقاييس

والسوق قدامك تفرج كل شي تجاري ومقلد

شف زيت تويوتا الاصلي



شف زيت تويوتا عندنا

بالله هذا شكل زيت اصلي رغم انه مجرب وجودته ممتازه لكن لانكذب على بعض ونكتب اصلي وين الرقابة



يعني الزيت الي فوق الاصلي له بارت نمبر مثله مثل اي قطعه اصلية ومنحقك تطلبها

لو جيت وطلبت الاصلي وعطاك هالزيت يعتبر على اساس انه اصلي يعتبر غش تجاري صرررررررررررررررريح

وكتابة اصلي على العلبة مخالفة للقانون وله اكثر من 15 سنه ولا احد قال ليش

لكن انا اثق بالمعباءة محلياً اكثر بالذات اذا الشركة عالمية موبيل فوكس كاسترول لانهم يخافون على سمعتهم

والزيوت الموجودة تؤدي الغرض وبنفس الكفاءة