مقارنه كمارو ss & انفنتي G37

^^^^^^^^^^^^
ياسلام عليك اهنيك على تعبيرك الرائع

وعليكم السلام ورحمة الله وبركاته ,,

محد يقدر يقول ايت افضل مهما كان

لان فئات السيارتين مختلفة

كل سيارة فيها شي يميزها ومتطلباتك هيا اللي تحدد الافضل والانسب لك

الكامارو اس اس ماني متأكد كم تسارعها اظن انه 5 ثواني

لكن الانفنتي جي تسارعها 5 ثواني بالضبط وقد تصل الى 4.8 اذا كان الجو مناسب والسيارة نشيطة

يعني في العزم متقاربين

الفخامة والراحة والجودة والمواصفات والتقنية والصرفية لصالح الانفنتي

المساحة الداخلية تعتبر عيب في الانفنتي ورغم انها نفس المساحة الموجودة في الكامارو تقريبا الا انها ماتعتبر عيب فيها لان المساحة مناسبة لسيارة رياضية

واذا تبغى سيارة رياضية بحتة وكوبيه فطبعا الكامارو افضل لكن في هذي الحالة اقول لك حول على الموستنغ لانه افضل اداء وجودة ومتعة قيادة واقل سعر

يعني باختصار:

اذا تبغى راحة وفخامة ومكينة قوية فالافضل انفنتي جي37 (تعتبر اسرع سيارة في فئتها واقوى 6 سلندر تنفس طبيعي في سيدان)

واذا تبغى كوبيه وسيارة رياضية فالافضل الكامارو

ولو انا مكانك باختار انفنتي لانها جمعت قوة الامريكي وفخامة الالماني وجودة الياباني

وبالنسبة لتوفر القطع...قطع الانفنتي متوفرة <<معظمها

بس بعض القطع الغير استهلاكية قد تحتاج للانتظار يوم يومين اسبوع والا اسبوعين لين توصل وان شاء الله اذا حافظت عليها من الدرفت والمقاومات ماراح تحتاج قطع كثير

وبالتوفيق ^^"

شي اكيد انفينتي افضل من الكورمارو بكثير

الانفنتي افضل في كل شئ لا راحه ولا ثبات ولا فخامه ولا عزل ولا كل شئ . يكفيك الـBOSE

اما الكومارو قوه فقط لا غير ويمكل البعض يحب شكلها الكلاسيكي مثلي واللي افضل شكلها الحارجي على الانفنتي . لكن برضو لا تقارن بالانفنتي هي تقارن بالـ370z مع ان الـz فخامتها ومواصفاتها مثل الانفنتي ما تنقص عنها شئ واقوى بكثيييير من الانفنتي وقوتها مقاربه للكومارو !

بس للاسف اسعار الزد في السعوديه نار النص فل بـ210 الاف

وامريكا تبدا من 114 الف الى 145 الف للفل . والنيسمو 350 حصان بـ155 الف

تحيآتي

انفنتي اكيد .. فيها كل اللي تبغاهـ .. بس شي واحد !! بتتغير السيارة السنه الجايه !!
ف حرام تاخذ سيارة ب 160 الف وبتتغير بعد سنه بشكل جذري

قطع الغيار اكيد تلاقي السيارة لها حول 6سنوات ف السوق ما تغير شكلها فقط المكينه
كل القطع موجودهـ !!

عندك خيار اذا ما فرق عندك سيارة سبورت . موستينج 5.0 8 سلندر تجمع مواصفات وقوة !

لكن انا انصح انك تصرف النظر عنها .. تمسك فلوسك شوي .... لين تلقى سيارة مناسبه او تنزل موديلات جديدهـ

تسلم على ردك
وافدتي بقوه
ونشوف باقي الاخوان

فخامه راحة و عزل صوتي افضل اكيد الخيار الافضل لك هو الانفنتي

لان الكمارو نظام تعليقها قاسي شوي بحكم انها رياضيه

ولا فيها اي تقنيه مثل شاشة ملاحه او كاميرا خلفيه او حتى حساسات اماميه يعني ابسط الاشياء ما فيها

و طبعا عزل الصوت في الانفنتي افضل و بشكل ملحوظ بحكم ان الانفنتي سياره فخمه

فـ اذا تبحث عن عزل صوتي و تقنيه و فخامه و قوه خيار الانفنتي هو الافضل
و اذا
تبي قوه فقط فـ الكمارو افضل

بنسبه لقطع الغيار والله انا اشوف ناس كثير يقولون قطعها متوفر الانفنتي و اسعارها ارخص من الكمارو وهذا الي متاكد منه وخصوصا القطع الاستهلاكيه

عموما الخيار لك

اتمنى اني افدتك

هلا اخوي انا معك بس انا ابغى فخامه
وراحه بالطريق

ومشكله قطع الغيار هل هي موجوده مثل الكمارو

ومشكور على ردك وشفت موضوع
والله يرزقك افضل منها بكثير
ويمكن طحت في سوء مصنع

والله يخوي المقارنه فيها اختلاف شوي

لانك تقارن بين سياره سبورت فخمه و سياره سبورت

يعني اذا تبي سياره فيها تكنلوجيا و فخامه وفي نفس الوقت قويه خذ الانفنتي

اذا تبي القوه فقط خذ الكمارو لانها تفتقر الى التقنيه و الفخامه فقط قوه

بتسمع كلام كثثثثير لاكن انت شوف الي تبحث عنه و اختار

بنسبه لي انا املك كمارو SS و السياره فاشله مع مرتبة الشرف (( رايي الشخصي ))

و فيها كثير من الاشياء الي اتمنى شركة شفرولية تعدلها مثل الجوده الداخليه و التماسك و اشياء كثيره عموما انا لي موضوع كامل عن معاناتي مع الكمارو و تقدر تشيك على الموضوع في قائمة مواضيعي و طبعا انا الا الان عرفت في الرياض 35 شخص يعانون من هذي الاشياء ومنهم والله ناس موديل 2011 لان الموديل الي معي 2010

طبعا ادري الحين بيجون ناس و يردون و ينتقدون ردي لاكن يـ حبايبي انا لي تجربه مع السياره و بنقلها للأخ بكل حياديه لان بكل بساطه ما ابيه يطيح بالي طحت فيه
وهذا رابط الموضوع للفائده
http://www.assayyarat.com/forums/thread227357.html

فـ الخيار لك اخوي الكريم و ننتظر ردود الاخوان من بعدي

بس احب اذكر الاخوان الي بيعلقون على ردي (( في حال تغير اتجاه الموضوع واصبح الموضوع ردود على بعض راح يغلق الموضوع لانه خرج عن سؤال اخونا الكريم فـ ارجوكم لا تدمرون موضوع الاخ و خلوه يستفيد و كل واحد يقول الي عنده بدون ما يرد على البقيه و يخرج الموضوع عن الهدف الاساسي و هو فائدة الاخ الكريم و لا تنسون ان القرار في يد اخونا وهو له الحق انه يسمع ردود الجميع وفي كل الحالات فلا يجي شخص يدافع عن الشركه الفلانيه سوا شفر او انفنتي لان الموضوع ماله دخل ))

شكرا