طرمبه زيت التاهو واليوكن 2007 وفوق + طقطقه البلوف .. مهم جدا ..

أشتر بس اهم شيء الصيانه خصوصا الزيوت مكينه والقير والدفرنس واستخدم القطع الأصليه ويدوم معك بأمر الله .

يا عالم انا يمكن اشتري يوكن 2007 sle تنصحوني فيه ولا لا ؟

والله أنك جبتها أنا سيارتي من الجميح وهم الوحيدين عندهم 5/30 بس العلبه ب70ريال والتوكيلات العالميه ما عندهم إلا 10/30 يوم قلت للموظف أن المصنع يوصي بأستخدام زيت 5/30 ويحذرون من إستخدام 10/30 و20/50 قالي لا عندهم غير (يعني يفهمون أكثر من المصنع) وخصام ألين جبت معي الزيت وخليتهم يغيرونه والله حاله .

يآ اخوان انا استغرب من الي يعبون 10\30 و 20\50
خلاص خلك يبوي على الموصى فيه بالكتالوج وعب 5\30 ,, اول ما تشغل السياره الزيت خفيف ويقلب في المكينه كلها بسرعه

ومايجهد الطرمبه بثقله ,, الـ 20\50 ثقيل ويتعب الطرمبه

بالكتالوج في تحذير بـعدم وضع الـ 10\30 و الـ 20\50 نصاَ

عن تجربه افضل شي motorcraft 5W30 synthetic blend
كرتون فيه 12 علبه بـ 144 ( العلبه بـ 12 ريأل ) من وكالة الحاج حسين

موفقين

موضوع جدا هام ومفيد للجميع
بارك الله فيك والف شكرعلى مشاركتنا تجربتك
احلى تقييم لموضوعك الرائع

السلام عليكم

كل عآم وانتم بصحه وسلآمه جميعآ


انا طلعت لي هالمشكله من بعد ماغيرت الزيت من 10 \ 30 الى 20\50

جلس يومين الزيت كل ماشغلت السياره تطلع طقطقه وتختفي بعد ثواني

ف رحت على طول اغير نوعية الزيت الى 10\30

وقبل ابيعه امس كان يطلع الصوت اذا طول الموتر واقف وشغلته ثانيه

وشكرآ لك عزآم على الموضوع

اللي باعتقادي انه مهم وضروري لكل واحد معه تاهو ويوكن

الله يعطيك العافيه

الامبيرمهم فعلا وهذه مشاكل التاهو واليوكن العيب في اطلمبة الزيت مهو بنوعية الزيت
صارت معي باليوكن 2001 لين بين الصوت عندي بلبلوف لكن الل لطف الحمد لله رب العالمين

هلا ابو عبدالله كيف الحال

كل عام وأنت بخير

فعلاً طرمبة الزيت بالجموس قطعه إستهلاكية لها عمر إفتراضي

وأذكر إني قلت لكم على موضوعها قبل فتره لأني شفت سييرا مفكوكه مكينته ولما سألت معلم الورشة قال لي هذا بسبة إنه طرمبة الزيت تعطلت والرجال مو داري حتى صارت المكينة تتطلع أصوات .
وقال لي إنه الطرمبة لها عمر إفتراضي ونبه علي بمراقبة عداد ضغط الزيت لا ينزل كثير

وسبحان الله أنا بالإجازة لاحظت ضغط الزيت ينزل أحياناً تحت الربع وكنت ناوي اسألك عنه , بس لما دخلت المنتدى لقيت موضوعك

أخيراً ما أزيد على كلام عزام , إنه الواحد لازم يشوف عداد ضغط الزيت ولا يهمله

بالتوفيق للجميع

وشلون ؟ لانه احيانا الامبير يكون حساسها مايعطي قرآءه صحيحه تدري ؟

تدري فيه ناس غيرها على عمى بسبب مؤشر الزيت ؟ ( كلن يقول له الطرمبه يبي لها تغير )

انا اقول الافضل والاضمن

اذا طلعت اصوات بالمكينه عند التشغيل وهي بارده .. هنا تضمن خرابها 100%

والمؤشر اذا وصل الربع والسياره حاره , مستحيل يقولك الطرمبه خربانه

لانه بكل بساطه المكينه كلها زيت وماراح تسمع اصوات ابدا !!

بعكس وهي بارده الزيت كله بالحوض .. وبعد التشغيل اذا الطرمبه سليمه يعني دفعها سليم

اذا تعبانه دفعها تعبان وراح تسمع شوي اصوات على مابال الزيت يستوي بالمكينه : )

اتمنى فهمت قصدي ..

ابو محمود الفارسي , شوف ردودي وتبي تعرف امورك هي سليمه ولا لا

للمعلوميه : هذي تعتبر قطعه استهلاكيه بالجمس من زمان , يعني لاتضيق صدوركم :smilie16:

وهي اصلا قطعه استهلاكيه لكن الجمس استهلاكه اكبر

بسبب كبر المحرك وقوته + الحراره الثابته

لو اقل شي حرارته مو ثابته كان قل استهلاك الطرمبه

وهذا يبي يستفيد منها راعي الخطوط فقط , ودمار للجمس ابو دبل للي يبي يجلده بالبر

واتوقع هذا اللي خلاهم يخلون الحراره ثابته

اوسط الامور خيرها ههههههه

بالتوفيق ..

مشكور اخي العزيز

اخي العزيز انا عندي يوكن دينالي 2008 وماشي 50 الف ولاحظت قبل مده لما اوقف في اشارات المرور وتكون السياره ساخنه يكون مؤشر الحراره عند خط الربع وانا متشكك لانه ماكانت كذا اش تنصحني وكيف انأكد ان الطرمبه خربانه للعلم السياره في الضمان

مؤشر الزيت ليس مهم جدا .. يعلمك فقط مستوى دفع الزيت للمكينه

احيانا الدفع يكون ممتاز اذا الطرمبه بارده , لكن بعد ساعه بالكثير الطرمبه تصير حاره ويتغير الدفع ويصير اقل وهذا مافيه مشكله

لان الزيت بكامل المكينه ولا عليه ثآثير سلبي .. المشكله عند التشغيل الصباح فقط لان الزيت يكون بالحوض والمكينه مافيها شي تقريبا

اذا شغلت تسمع اصوات طقطقه لان الزيت ماوصل للمكينه بسرعه وبالشكل المطلوب من الطرمبه

اذا تبي تعرف الطرمبه سليمه ولا لا , اذا جيت تشغلها الصبح

اذا فيه صوت سلملي على الطرمبه , اذا مافيه امورك تمام ولا تفكر فيها

فيه ناس تسحب عليها وتروح المكينه معها وهذي مشكله بعض الناس

بالنسبه للجلده هذي اذا صار عندك تهريب بماصوره الزيت

لان الجلده مع الحراره والزيت تتآثر

والحمد لله موتري وصل 200 الف ماشاء الله تبارك الله .. والطرمبه كنت خايف منها لكن ان شاء الله اني ماني محتاج اغيرها

ويعطيك العافيه على المعلومات المفيده ..

يعطيك العافيه على التنبيه حبيبي عزام...


بس باقي تقرير حرق الدهون ... :bigggrin:


اهم شئ خلصت مغسل الـ.......... <<< ما ودي افضحك ...:a1120(86):