جوابًا على وردية: (ترهيم) تعني توليف قطعة من نوعية سيارة مختلفة على السيارة.
بالتشاليح بـ 1000 ريال ؟!!!!!!!!!!!! مو معقول. لو تاخذ جولة ثانية على عدة محلات أحسن. و أظن كمبرسر الكامري يجي بس لو تتأكد من كهربائي يمدحوه الناس مو أي واحد يعرف يولف.
الكورلا مكينتها 1600 أو 1300. لا يوجد 1400 .
كمبرسر المازدا 323 و اللانسر و السيفيك بالتشليح قيمته من 200 إلى 250 ريال حسب ما رأيت بنفسي بتصليح سياراتنا. يعني الكورلا قد هالسيارات و بيكون حول السعر مو 1000 ريال!
ما المشكلة؟ هل الكمبرسر مجيم ما يدور؟ يمكن توضيبه على فكرة.
أم أنه ما يبرد حتى لو الفريون موجود؟
و ليتك تحدد موقعك عزيزي أهم شيء؟
اين ذهبت يا سرابك؟
على كل حال الأخ //سفاري ، افادك.
يمكن كما ذكر، الفريون منتهي وبحاجة الى تعبئة او يمكن مشكلة بسيطة وحلها ابسط.
اما اذا اردت ترهيم ، انصحك تفك الكمبرسور وتاخذه لمحلات قطع الغيار ويمكن تحصل واحد نفس الحجم والشكل. ترى شركات السيارات ما تصنع كل قطع سياراتها بل انها تتعاقد مع شركات اخرى لتصنيع القطع ومثل الكمبرسور تلقاه تصنيع شركة اخرى تصنع لسيارات اخرى مثل الهوندا والهونداي وغيرها.
