تجربتي مع التاهو 2011 وتقرير مفصل ومصور هدية للجميع

ماشاء الله الف الف مبروك والله يطعمك من خيرها ويكفيك شرها ويجعلها عونا لك على الطاعه
والحقيقه كان بودي انك اخذت دبل حتى لو كنت ماتستخدمه وهذا من اجل البيع اذا اردت ذلك
احد الزملاء عام 2008 طلع تاهو لكن الطويل وبدون دبل مع اني مع اني قلت له مرار وتكرار لاتاخذ الا بدبل وكان الفرق بينها خمس الاف تقريبا طبعا اخذه بـ 117 الف لكن ماادري وش نوعه وبعد مامشى 4700 كيلو وكان توه راجع من الجنوب صار له ظرف ولا كان قدامه الا التاهو دخلناه المعارض وسيم 103 الاف وبعد مادفع المشتري العربون سئل صاحب السياره هل هي دبل قلنا له لا قال اجل انا اسحب سومتي واعتذر عن الشراء كنت اظنه بدبل قلت لصاحبي رجع له عربونه واسبوع كامل وياالله ينباع 93 الف
وموضوع الدبل مثل موضوع المكيف سابقا اول الشيبان كانو يشترون سيارات بيك اب لكن بدون مكيف لهدفين الاول اقل سعر والثاني ظناً منهم ان المكيف يضر بالمكينه ولما يجي البيع مايلقون الشراي الا بطلعة الروح قامو يشترون السياره مكيفه وبعدين يقومون بفك السير حق المكيف واذا جاء البيع ركبو السير وباعو
عموما الف مبروك مرة ثانيه ولا تنسانا من تقريرك وملاحظاتك