طوارق 2012 أو جراند شيروكي

والله ماقصرتوا ياخواني كفيتو و وفيتو جزاكم الله كل خير ..

انا افضل الشروكي لان فيه دبل ثقيل ووضعيات الدفع الرباعي
والفل الفل اوفر لاند يتوفر بفخامة وتجهيزات تنافس الالمانيات وسعر ارخص بكثير
لاتغتر بسعر السيارات الالمانية تقول هذه غالية اكيد احسن ترى من اسباب ارتفاع سعرها
هي سعر صرف اليورو !!لو تنتج في امريكا او كوريا بنفس التقنيات والجودة تلقى سعرها
ارخص بكثيير!!

الالماني لا يقدر بثمن

من باب من استشارك دخل ذمتك

اقول لو تبعد عن السيارتين يكون افضل عدهاسباب

الوكيل سيئ

سعر بعد اعاده البيع يطيح

وقطع الغيار نار واحيانا تنتظر عده اشهر لوصول قطعه للمتحده

وانا لو لاحظت مواضيعي وردودي الاخيره كنت مستخدم جراند شروكي اوفر لاند 2011 اعلى فئه

مع ضمان خاص بي 5 سنوات بدون ان ادفع ريال

السياره بعد 3 اشهر بعناها لم ارتاح للموتر حتى مع اي مطب صغير يتمايل الموتر لكن على سرعات عاليه راسي

بعنا الموتر والحمد لله باقل خساره

لكن لو اصريت على هالخيارين اختار الطوارق بلا شك

انصحك بـ قراند شيروكي srt8

و للأمانه عشان ما نظلم الطوارق نسيت اقولك انه الطوارق فيه 4 كاميرات لكن الجراند مجرد كاميرا وحده خلفيه .. هذا الشي الوحيد اللي اشوف الطوارق تفوقت فيه على جراند

الجراند شيروكي طبعا !!

سعر الجراند شيروكي الاوفرلاند عندنا بالكويت نفس سعر الطوارق مو الفل اللي اقل منه بدرجه .. الجراند 14 ألف و الطوارق 14.800

لكن الجراند شيروكي يتفوق عليه بمراحل و انا بعطيك 8 اشياء و حط بعين الاعتبار انه نفس السعر الجراند الفل و الطوارق اقل من الفل بدرجه

اول و اهم شي انه الجراند 8 سلندر و الطوارق 6 و هذا فرق كبييير
الطوارق ما فيه تشغيل بالريموت و الجراند فيه
الطوارق مافيه كراسي كهربا الا بالفل و الجراند فيه
الطوارق على ما اعتقد مافيه بانوراما الا بالفل و الجراند فيه
الطوارق مافيه سعة تخزين بالشاشه و الجراند فيه إلى 9 جيجا و تشغيل ديفيدي عليه بعد !
على ما اعتقد الطوارق ما فيه توصيل يو اس بي لكن الجراند فيه
الطوارق ما فيه هيدروليك و الجراند فيه
الطوارق رنقات 19 و الجراند 20

جميع المقاييس السابقه كانت على الجراند الفل و الطوارق الاقل من الفل بدرجه كونهم نفس السعر لكن الفروقات واضحه جدا جدا جدا .. و لما تبي تقط مثل هالسعر لازم تشوف الاكثر راحه و تقنيه و تطور .. مو على ابو الماني قلنا احسن و قطع غيار نار و حتى الكراسي مو كهربا !!

لكن إذا مفكر بالطوارق الفل فأنا ركبته و روعه ما شاء الله .. و القياده اثنينهم هيبه و ركود ..

و إذا اخطأت ببعض الأشياء فالسموحه و ياليت ينبهونا الاعضاء الاكثر خبره

و لا تنسى الاستخاره و بالتوفيق

و الله أنت تكلمنا عن سيارتين من أعظم السيارات! أميل إلى طوارق مع أني جدًّا أعز القراند شيروكي و أحترم الجيب و كرايسلر و دودج من بين الصناع الأمريكان. لكن الطوارق أعلى تقنية و جودة و أمان بإذن الله.
طبعًا شركة دايملر تخلت عن المجموعة الأمريكية أيام الأزمة الاقتصادية قبل سنتين تقريبًا لأنها تسببت بخسائر. و لا شك أن مرسيدس نفعتهم , لكن الطوراق عالم آخر.

أما الوكلاء.. فكلا السياراتين لا تتأمل فيهم خير! المتحدة و ساماكو ما أحد ذكرهم خير. و الله العظيم أن الواحد نفسه في سيارة معينة من سوزوكي أو كرايسلر أو الأوربيات مثلاً لأنهم عملية أكثر من المتواجد المنتشر عندنا , لكن الوكيل ما يشجعك. رأيي بالطوراق لكن أهم الضروريات الاستخارة.

طوارق يا حبيبي ولا يفكر .. يسسسعد امه من جيب !!

الشيروكي لو انه SRT 8 2012 اقول ممكن تحتار ..

فيك حيلة تنطر شروكي SrT8 2012 باقي شهرين ولا 3 وينزل كل الــSrT8 PackeG
والطوارق غالي ومن داخل مو مره حلو من جهتي^^:smile:

ارشح لك الطوارق


موفق

الطوارق افضل بمراااحل ..
من ناحية الشكل والفخامه .. والداخليه والتقنيه ...والاعتماديه ..
وكذلك الوكيل اعتقد سماكو يعتبر افضل من المتحده مع ان الوكيلين سيئين بس سماكوا ..تعتبر افضل ...

وحتى لو الجراند مطور من شركات المانيه ..وقاعدات المانيه ..بس يظل امريكي ومن شركة جيب ..
لكن الطوارق ..الماني كامل .. ومن شركة مميزه ..
وافضل لك تركب الاثنين وتحكم ..
وصدقني بتختار الطوارق ..
وشكرا